পত্থম 47:16 - Chakma Bible

¹⁶ যোষেফে কলঅ, “সালে তমার গোরু-ভেড়াগুন্‌ বেক্কুন্‌ মরে দুয়ো। তমা টেঙাগুন্‌ যেক্কে ফুরেয়োন্‌ সেক্কে সিগুনোর্‌ বদলে মুই তমারে হানা দিম্‌।”

পত্থম 47:16 ပူးပေါင်းရင်းမြစ်များ

পত্থম 47:15

যেক্কে মিসর আর কনান দেজর্ বেক্‌ টেঙাগুন্‌ ফুরেই গেলাক্ সেক্কে মিসরীয়গুনে যোষেফ ইধু এইনে কলাক্, “আমারে হেবাত্তে দে। আমি কি তঅ চোগো মুজুঙোত্‌ মুরি যেবং? টেঙা-পৌজে আমার্‌ যিগুন্‌ এলাক বেক্কুন্‌ শেজ্ ওইয়োন।”

পত্থম 47:17

সেক্কে তারা বেক্‌ গোরু-ভেড়াগুন্‌ যোষেফ ইধু আনা ধোজ্যন। ছাগল, ভেড়া, গোরু, ঘোড়া আর গাধার বদলে তে তারারে হানা দিয়্যে ধুরিলো। বেক্‌ য়েমানুন্‌ এগত্তর্‌ গুরিনে তে গোদা বজর্‌বো তারারে হাবেল।

গম্ উপদেজ্ 12:17

সত্যবাদী সাক্ষির ফলে গম্ বিচের অয়, মাত্তর্ মিজেকধা কোইয়্যে সাক্ষির ফলে ভুল বিচের্ অয়।

১ করিন্হীয় 10:32

মুই যেবাবোত্যে গুরি বেক্‌ মান্‌জ্যরে নানান্ বাবোত্যে গুরি হুজি গুরিবাত্তে চেষ্টা গরং তুমিয়ো সেবাবোত্যে গরঅ; অত্তাৎ যিহূদী বা অযিহূদী বা গোজেন মন্ডলীর মানুচ্চুনোর পধত্ কাঙেলেত্যে ন-গোজ্জ্য। মুই নিজোর্ মংগল চেষ্টা ন-গুরিনে ভালোক জনর্ মংগলর্ চেষ্টা গরং যেন তারা পাপত্তুন্ উদ্ধোর্ পান্।

ফিলিপীয় 4:8

যেরেদি কং, ভেইলগ্, যিয়েন সত্য, যিয়েন যগাজ্জ্যে, যিয়েন গম্, যিয়েন খাটি, যিয়েন-দোল্, যিয়েন সর্মান পেবার যগাজ্জ্যে, আজল্ কধা যিয়েন গম্ আর নাঙ্ গিনিবার্, সিন্দি তুমি মনানি দুয়ো।

কলসীয় 4:5

যিগুনে গোজেনর্ মানুচ্‌ নয় সিগুনো সমারে বুদ্ধি খাদেইনে চোল্ল্য আর খ্রীষ্ট পৌইদ্যেনে সাক্ষি দিবার পত্তি সুযোগ্ কামত্ লাগেইয়ো।