পত্থম 47:12 - Chakma Bible

¹² যোষেফে তা বাবরে, ভেইয়ুন্‌ আর তারা পরিবারুনোরে হানার্‌ জিনিস্‌ যুগেই দিয়া ধুরিলো। পুয়ো-ঝিগুনোরে গুণিনে সিয়েনি দিয়্যে অদঅ।

পত্থম 47:12 ပူးပေါင်းရင်းမြစ်များ

পত্থম 45:10

তুমি এইনে গোশন চাগালাত্‌ বজত্তি গরঅ। সেক্কে তুমি, তমার পুয়ো-ঝি, তমার নাদিন-পুদিন, তমার য়েমান আর ভেড়া ছাগলর্ ঝাক্ আর তমার যিয়েনি আঘে বেক্কানি লোইনে মইধু থেই পারিবা।

পত্থম 45:11

তমার্‌, তমা পরিবারর্‌ আর বেক্কুনোর্‌ যেনে কনঅ অভাব ন-অয়্‌ সেনত্তে মুই সিয়োদোই তমাত্তে হেবার-উরিবার বেবস্থা গুরিম, কিত্তে ভাদ-রাদ্ শেজ্ অদে এজঅ পাঁজ্ বজর্‌ বাগী আঘে।

পত্থম 45:7

পিত্‌থিমীত্‌ বিশেজ্ গুরি তমা বংশগুন্‌ বাজেই রাগেবাত্তে আর ভস্ত অনার্‌ আদত্তুন্‌ উদ্ধোর্‌ গুরিনে তমা পরাণানি রোক্ষ্যে গুরিবাত্তে গোজেনে তমা আগেদি মরে পাধেই দিয়্যে।

পত্থম 47:1

যোষেফে ফরৌণ ইধু যেইনে কলঅ, “মঅ বাপ্পো আর ভেইয়ুনে তারার্‌ ছাগল, ভেড়া, গোরু আর তারার্‌ বেক্কানি লোইনে কনান দেজচান্‌ ফেলেইনে এচ্চোন্। তারা ইক্কিনে গোশনত্‌ এইনে লুম্মোন্দি।”

পত্থম 47:21

যোষেফে মিসর্‌ দেজর এক ধুজিত্তুন্‌ আর এক ধুজি সং যিদুক্কুন্‌ মানুচ্‌ এলাক্ তারা বেক্কুনোরে শঅরত্তুন্‌ সোরেই আনিলো।

পত্থম 47:24

খেত-খেত্তি কাবিবার পরেদি তুমি বেক্‌ ফসলানির্ পাজ্‌ ভাগর্‌ এক ভাগ্‌ ফরৌণরে দিবা, আর বাগী চের্‌ ভাগ্‌ ভুইয়ো বীজোত্তেই আর নিজোর্‌, পরিবার মানুচ্চুনোত্যেই আর পুয়ো-ঝিগুনোর্ হেবাত্তে রাগেবা।”

পত্থম 50:21

সেনত্তে তুমি ন-দোরেয়ো। মুই তমারে আর তমা পুয়ো-ঝিগুনোরে হাবানার্‌ বেবস্থা গুরি দিম্।” এ কধাগান কোইনে তে তারারে বুঝেল।

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

যিশাইয় 22:24

তা বংশবোর বেক্ কামানি তা কানাত্ থেবঅ। নানান্ বাবোত্যে চিগোন-চাগন্ পিলে যেধোক্ক্যেন খুদোত্ দুলোন সেধোক্ক্যেন তার ঝি-পুয়োগুন আর বংশধরুন তা কানাত্ দুলি দুলি থেবাক্।

১ থিষলনীকীয় 2:7

মাত্তর্ সিয়েনর্ বদলে মাবো যেধোক্ক্যেন তা নিজোর পুয়ো-ছাগুনোরে আদর-যত্তন্ গরে, তমা ইধু থেবার অক্তত্ আমিয়ো তমা লগে সেবাবোত্যে নরম বেবহার গোজ্জ্যেই।

১ তীমথিয় 4:8

কিয়্যেগানদি ব্যায়ামত্ কিজু লাভ অয় সত্য, মাত্তর্ গোজেন-ভোক্তিলোই বেক্কানিন্দি লাভ্ অয়; সিয়েনত্যে এ জিংকানিত্ আর পর জিংকানিত্যে আজা আঘে।

১ তীমথিয় 5:4

মাত্তর্ কনঅ রানী মিলের্ যুনি পুয়ো-ছা বা নাঢিন্ থায় সালে সেই পুয়ো-ছাগুনে বা নাঢিনুনে যেন পত্তমে নিজো পরিবার উগুরে কাম্ গুরিনে গোজেন ভোক্তি দেগাদে শিগোন্। এবাবোত্যেগুরি তারা তারার্ বাপ-দাদাগুনোর্ কোচ্‌পেইয়্যের্ দোয়্যে-মেয়্যেনি সুজিই পারিবাক্, আর ইয়েনিলোই গোজেনে হুজি অয় ।

১ তীমথিয় 5:8

যে নিজো কুদুম্মোগুনোরে, বিশেষ গুরিনে নিজো পরিবারর্ দেগাশুনো ন-গরে, তে তারে দিইনে তা বিশ্বেজ্‌চানরে অস্বিগের্ গোজ্জ্যে; তে অবিশ্বেজিত্তুন্‌অ বেশ্ বজং।

রূত 4:15

পূঅবো যেনে তরে পোত্‌পোত্যে গুরি তুলে আর তর্‌ বুড়ো বয়জত্‌ তর্‌ দেগাশুনো গরে, কিত্যে তর্‌ পূদবোবো, যে তরে কোচ্‌পায় আর যে তইদু সাত্তো পূঅত্তুনঅ বেশ্‌, তা পেদত্‌ পূঅবোর জর্ম ওইয়্যে।”