পত্থম 47:11 - Chakma Bible

¹¹ যোষেফে তা বাবরে আর ভেইয়ুনোরে থিদেবর্ গুরিনে বজত্তি গুরিবার্‌ বেবস্থা গুরিলো। ফরৌণ উগুম মজিম্‌ মিসর্‌ দেজর্ বেগত্তুন্‌ গম্‌ জাগাগান তে তারার্‌ সোম্বোত্তি ইজেবে দান গুরিলো। জাগাগানর্‌ নাঙ্‌ এলঅ রামিষেষ।

পত্থম 47:11 ပူးပေါင်းရင်းမြစ်များ

পত্থম 46:34

সেক্কে তুমি কবাদে, ‘তর্‌ এ চাগরুনে আর তারার্‌ পুরোণি মানুচ্চুনে চিগোনত্তুন্‌ ধুরি ইক্কিনে সং য়েমান পালেই এত্তন্।’ সেক্কে তুমি গোশনত্‌ বজত্তি গুরিবার্‌ উগুম্‌ পেবা। যিগুনে ছাগল-ভেড়া চরান্‌ মিসরীয়গুনে তারারে বজং চোগেদি রিনি চান্‌।”

পত্থম 47:27

ইস্রায়েলীগুনে মিসর্‌ দেজ গোশনত্‌ বজত্তি গরা ধুরিলাক্। সিয়েনত্‌ তারা জাগা-জোমি গুরিলাক্। তারার্‌ ভালোক্কুন্‌ পুয়ো অলাক আর তারা জনেদি বোউত্‌ বাড়িলাক্।

পত্থম 47:6

গোদা মিসর দেজ্‌ছান্‌ দঅ তঅ মুজুঙোত্‌ পড়ি আঘে। দেজর্‌ বেগত্তুন্‌ গম্‌ জাগানত্‌ তঅ বাপ্পো আর ভেইয়ুনোরে বজত্তি গুরিবাত্তে দে। তারা গোশনত্‌ বজত্তি গোরোদোক্‌। তারা ভিদিরে যগাজ্যে মানুচ্‌ পেলে তারা উগুরে মঅ য়েমান পালুনোর্ ভারানঅ দিজ্।”

যাত্রা 1:11

সেনত্যে অমকদ কামত্‌ খাদেইনে ইস্রায়েলীগুনো উগুরে অত্যেচার্ গুরিবার আজাই মিসরীয়গুনে তারা উগুরে সদ্দার্ নেযেলাক্। ফরৌণর শোজ্যগুন থুবেবাত্যে ইস্রায়েলীয়গুনে পিথোম আর রামিষেষ নাঙে দ্বিয়ান শঅর্‌ বানেলাক্।

যাত্রা 12:37

সে পরেদি ইস্রায়েলীয়গুনে রামিষেষত্তুন্‌ সুক্কোত ইন্দি যাহ্ ধুরিলাক্‌। প্রায় ছয়লাখ্ মরদপুয়ো আঢি আঢি গেলাক্‌। তারা সমারে মিলেমানুচ্‌ আর গুরো-গারায়ো এলাক্‌।

যিশাইয় 22:24

তা বংশবোর বেক্ কামানি তা কানাত্ থেবঅ। নানান্ বাবোত্যে চিগোন-চাগন্ পিলে যেধোক্ক্যেন খুদোত্ দুলোন সেধোক্ক্যেন তার ঝি-পুয়োগুন আর বংশধরুন তা কানাত্ দুলি দুলি থেবাক্।

গণাণা 33:3

উদ্ধোর-পরবর্‌ পরেদি দিন্নোত্‌ বজরর্‌ পত্তম মাজর্‌ পন্দর তারিগোত্‌ ইস্রায়েলীয়গুনে রামিষেষত্তুন্‌ আদি যানা আরাম্ভ গোজ্যন। বেক্‌ মিসরীয়গুনোর্‌ চোগো মুজুুুুঙোন্দি বুগ্‌ ফুলেইনে তারা নিগিলি যেইয়োন।

যোহন 10:10

চুর্ এজে বানা চুর্, খুন্ আর বর্‌বাদ্ গুরিবাত্যে। মুই এচ্চ্যং যেন তারা জিংকানি পান্, আর সেই জিংকানিগান্ যেন ভর্‌‌‌পুনোং অয়।

যোহন 10:28

মুই তারারে উমর্‌অ জিংকানি দুয়োং। তারা কনদিন্অ নাশ্ ন-অবাক্ আর কনজনে মঅ আঢত্তুন্ তারারে কাড়ি ন-নিবাক্।

যোহন 14:2

মঅ বাবঅ ঘরত্ থেবার্ বোউত্ জাগা আঘে। সিয়েন্ ন-থেলে মুই তমারে কোদুং, কিয়া মুই তমাত্যে জাগা থিক্ গুরিবাত্যে যাঙর্।

যোহন 14:23

যীশু তারে জোব্ দিলো, যুনি কেঅ মরে কোচ্‌পায় সালে তে মঅ কধানি মানি চুলিবো। মঅ বাপ্পো তারে কোচ্‌পেবঅ আর আমি তা ইধু এবং তা সমারে বজত্তি গুরিবোং।

যোহন 17:2

তুই তারে বেক্‌ মানুচ্চুনো উগুরে অধিকার্ দুয়োচ্, যেন যিগুনোরে তুই তা আদত্ দুয়োচ্ তারারে বেক্কুনোরে তে উমর্‌অ জিংকানি দি পারে।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।