পত্থম 45:2 - Chakma Bible

² তে এদক্‌ গুজুরি গুজুরি কানা ধুরিলোদে, মিসরীয়গুনে সিয়েন্‌ শুনিলাক্ আর সেই হবরান্‌ ফরৌণ ঘরত্‌ যেইনে লুমিলো।

পত্থম 45:2 ပူးပေါင်းရင်းမြစ်များ

পত্থম 42:24

যোষেফে সেক্কে তারা কায়-কুরেত্তুন্‌ সুরি যেইনে কানা ধুরিলো, সে পরেদি ফিরি এইনে তারা লগে আরঅ কধা কলঅ। তে তারা ভিদিরেত্তুন্‌ শিমিয়োনরে বেঈ লোইনে তারা চোগো মুজুঙোত্‌ তারে বানিবাত্তে উগুম দিলো।

পত্থম 43:30

ভেইবোরে দেগিনে যোষেফ মনান্‌ অমকদ চিৎপুরি উদিলো। তে এক্কান্‌ কানিবার্‌ জাগা তোগেবাত্তে যাদিমাদি সিয়োত্তুন্‌ নিগিলি গেলঅ আর নিজো গুদিত্‌ সুমিনে কানা ধুরিলো।

পত্থম 45:14

ইয়েন পরেদি যোষেফে তার্ ভেই বিন্যামীনরে গত্তনাত্‌ আজাগুরি ধুরিনে কানা ধুরিলো আর বিন্যামীনেয়ো তা গত্তনাবোত্‌ আজাগুরি ধুরিনে কানা ধুরিলো।

পত্থম 45:15

সে পরেদি যোষেফে তার্‌ বেক্‌ ভেইয়ুনোরে চুমিনে আদর্‌ গুরিলো আর তারারেয়ো গত্তনাত্‌ আজাগুরি ধুরিনে কানিলো। সেক্কে তা ভেইয়ুনে তা লগে কধা কলাক্।

পত্থম 46:29

যোষেফে তা বাব্ ইস্রায়েল লগে দেগা গুরিবাত্তে তা রথ্‌তান্‌ সাজেইনে গোশনত্‌ গেলঅ। বাবপো লগে দেগা অদে ন-অদে তে তা গত্তনাবোত্‌ আজাগুরি ধুরি ভালক্কন্‌ কানিলো।

২ রাজাবলী 20:3

“ও লগেপ্রভু, তুই ইদোত্‌ তুলি চাহ্ মুই তঅ মুজুঙোত্‌ কেধোক্ক্যেন বিশ্বেজ্ গুরিনে আর পুরো মন ভোক্তিলোই চোল্যং আর তঅ চোগেন্দি যিয়েনি ঠিগ্‌ সিয়েনি গোজ্যং।” ইয়েন্‌ কোইনে হিষ্কিয় অমকদ কানা ধুরিলো।

সখরিয় 12:10

মুই দায়ূদো বংশ আর যিরূশালেম আদাম্মেগুনো উগুরে মঅ আত্মাগান ঢালি দিম; তে দোয়্যে গরে আর তবনার্ মনোভাব দে। সেক্কে তারা মইন্দি, অত্তাৎ যিবেরে তারা মাজ্যন্ তাইন্দি রিনি চেবাক্। বানা এক্কো পুয়োবোত্তে আবিলেচ্ গরেদে ধোক্ক্যেন গুরি তারা তাত্তে আবিলেচ্ গুরিবাক্ আর পত্তম্ পুয়োবোত্তে যেবাবোত্যেগুরি আবিলেচ্ গরন সেবাবোত্যেগুরি জদবদে গুরি আবিলেচ্ গুরিবাক্।

গণাণা 14:1

এই কধাগান্‌ শুনিনে ইস্রায়েলীয়গুনে বেক্কুনে জয়-জগার গরা ধোজ্যন। তারা গোদা রেদ্‌‌তো ধুরিনে কানাকুদি গুরিলাক্।

প্রেরিত্‌ 20:37

যেরেদি মন্ডলীর্ নেতাগুনে বেক্কুনে পৌলরে আযাবোধে ধুরিনে চুমিলাক্ আর কানাকুদি গরা ধুরিলাক্।

রূত 1:9

লগেপ্রভু তমারে বর্ দুয়োক্‌ যেনে তুমি দ্বিজনে আর গমেডালে গিরিত্তি গুরি পারঅ।” এ কধাগান কোইনে তে তারারে চুমিলো আর তারা গুজুরি গুজুরি কানা ধুরিলাক্‌।