পত্থম 45:16 - Chakma Bible

¹⁶ যোষেফর্ ভেইয়ুনে এজানার্‌ হবরান্‌ ফরৌণ ঘরত্‌ লুমিলে পরেদি ফরৌণ আর তা কাম্‌গুরিয়েগুনে হুজি অলাক্‌।

পত্থম 45:16 ပူးပေါင်းရင်းမြစ်များ

পত্থম 16:6

জোবত্‌ অব্রামে সারীরে কলঅ, “চাহ্‌, তঅ চাগরানীবো দঅ তঅ আদত্ আঘে। তর্‌ যিয়েন্‌ গম্‌ বিলিনে মনে অয়্‌ তা উগুরে তুই সিয়েন্‌ গর্‌।” সেক্কে সারী হাগার উগুরে এন্‌ চিৎ-নপুজ্যে বেবহার গরা ধুরিলো, হাগারে তা কায়-কুরেত্তুন্‌ ধেই গেলঅ।

পত্থম 20:15

পরেদি তে অব্রাহামরে কলঅ, “চাহ্, মর্‌ পুরো দেজ্‌ছান দঅ তঅ মুজুঙোত্‌ আঘে। তর্‌ যিয়েনত্‌ হুজি সিয়েনত্‌ তুই বজত্তি গুরিচ্‌।”

পত্থম 34:18

তারার্‌ এ কধাগান্‌দোই হমোর আর তা পুয়ো শিখিমে হুজি অলাক।

পত্থম 41:33

“সেনত্তে ইক্কিনে রাজা বাবু, এমন্ এক্কো মান্‌জোরে তোগেইনে নিগিলা যিবে জ্ঞানী আর বুদ্ধিবলা। তা উগুরে তুই মিসর দেজছান ভারান্‌ দে।”

পত্থম 41:37

যোষেফ এ বেবস্থার্‌ কধাগান্‌ ফরৌণ আর তার বেক্‌ চাগরুনো মুজুঙোত্ গম্‌ বিলিনে মনে অলঅ।

পত্থম 45:15

সে পরেদি যোষেফে তার্‌ বেক্‌ ভেইয়ুনোরে চুমিনে আদর্‌ গুরিলো আর তারারেয়ো গত্তনাত্‌ আজাগুরি ধুরিনে কানিলো। সেক্কে তা ভেইয়ুনে তা লগে কধা কলাক্।

পত্থম 45:17

ফরৌণে যোষেফরে কলঅ, “তঅ ভেইয়ুনোরে কঅ যেন তারা গাধা পিদিত্‌ গুরি শোজ্য বানিনে কনান দেজত্‌ ফিরি যান,

২ শমূয়েল 3:36

বেক্‌ মানুচ্চুনে ইয়েনি দেগিনে হুজি অলাক্। ঘেচ্ছেকগুরি, রাজা যিয়েনি যিয়েনি গুরিলো সিয়েনিলোই তারা হুজি অলাক্।

২ বংশধর 30:4

এ সল্লাগান রাজা আর বেক্‌ মানুচ্চুনো ইদু যগাজ্যে বিলিনে মনে অলঅ।

ইষ্টের 1:21

এ সল্লাগান্‌ রাজা আর তার্‌ দাঙর্‌ পোজিশনর্‌ কাম্‌গুরিয়্যেগুনোর গম্‌ লাগিলো। রাজা সেনত্তেই মমূখনর কধামজিম্‌ কাম্‌ গুরিলো।

ইষ্টের 2:4

সে পরেদি মহারাজর্‌ যিবে গম্‌ লাগে তেয়ই বষ্টীর জাগানত্‌ রাণী অবঅ।” এ সল্লাগান রাজার ইদু গম্‌ লাগিলো। তে সেধোক্কেন্‌ কাম্‌ গুরিলো।

ইষ্টের 5:14

সেক্কে তা মোক্কো সেরশে আর তা সমাজ্যেগুনে তারে কলাক্‌, “তুই পঞ্চাশ আত্‌ অজল্‌ এক্কান্‌ ফাসি দিবার্‌ গাজ্‌ বানা আর বেন্যেমাদান্ রাজার অনুমতি লোইনে মর্দখয়রে সিয়েন উগুরে ফাসি দিবার বেবস্থা গর্‌। সে পরেন্দি হুজিয়ে রাজিয়ে রাজার লগে হানাত্‌ যাহ্।” এ কধাগান হামনর গম্‌ লাগিলো আর তে সেই ফাসি দিবার্‌ গাজ্‌চুয়ো বানেল।

প্রেরিত্‌ 6:5

দলর বেক্কুনোর এ কধাগান গম্ লাগিলো। বিশ্বেজে আর পবিত্র আত্মালোই ভরা স্তিফানরে তারা বেঈ ললাক্। ইয়েন বাদে তারা ফিলিপ, প্রখর, নীকানর, তীমোন, পার্মিনা আর আন্তিয়খিয়া শঅরর্ নিকলায়রেয়ো বেঈ ললাক্। এই নিকলায়ে অযিহূদী ওইনেয়ো যিহূদী ধর্ম পালেদ।

প্রেরিত্‌ 7:13

দ্বিপল্লাত্ যোষেফে ভেইয়ুনোরে জানেল তে কন্না। সেক্কে ফরৌণে যোষেফ পরিবার পৌইদ্যেনে হবর্ পেলঅ।

দ্বি’লম্বর বিররণ 1:33

তেয়ই দঅ তাম্বুলান ফেলেবার্‌ জাগায়ান ঠিগ্ গুরিবাত্তে আর পথ দেগেইনে তমারে নেযেবাত্তে রেদোত্‌ আগুনো ভিদিরেন্দি আর দিনোত্‌ মেঘ ভিদিরেন্দি যেবার পদথ্ তমার্‌ আগে আগে যেইয়্যে।