পত্থম 45:10 - Chakma Bible

¹⁰ তুমি এইনে গোশন চাগালাত্‌ বজত্তি গরঅ। সেক্কে তুমি, তমার পুয়ো-ঝি, তমার নাদিন-পুদিন, তমার য়েমান আর ভেড়া ছাগলর্ ঝাক্ আর তমার যিয়েনি আঘে বেক্কানি লোইনে মইধু থেই পারিবা।

পত্থম 45:10 ပူးပေါင်းရင်းမြစ်များ

পত্থম 46:34

সেক্কে তুমি কবাদে, ‘তর্‌ এ চাগরুনে আর তারার্‌ পুরোণি মানুচ্চুনে চিগোনত্তুন্‌ ধুরি ইক্কিনে সং য়েমান পালেই এত্তন্।’ সেক্কে তুমি গোশনত্‌ বজত্তি গুরিবার্‌ উগুম্‌ পেবা। যিগুনে ছাগল-ভেড়া চরান্‌ মিসরীয়গুনে তারারে বজং চোগেদি রিনি চান্‌।”

পত্থম 47:1

যোষেফে ফরৌণ ইধু যেইনে কলঅ, “মঅ বাপ্পো আর ভেইয়ুনে তারার্‌ ছাগল, ভেড়া, গোরু আর তারার্‌ বেক্কানি লোইনে কনান দেজচান্‌ ফেলেইনে এচ্চোন্। তারা ইক্কিনে গোশনত্‌ এইনে লুম্মোন্দি।”

পত্থম 47:12

যোষেফে তা বাবরে, ভেইয়ুন্‌ আর তারা পরিবারুনোরে হানার্‌ জিনিস্‌ যুগেই দিয়া ধুরিলো। পুয়ো-ঝিগুনোরে গুণিনে সিয়েনি দিয়্যে অদঅ।

পত্থম 47:4

তারা আরঅ কলাক্, “আমি এ দেজত্‌ কয়েক্‌দিন থেবাত্তে এচ্চ্যেই। কনান দেজত্‌ ইক্কিনে অমকদ ভাদ-রাদ্ চলের্‌ বিলিনে সিধু আমার্‌ ছাগল-ভেড়াগুনে হেবার্‌ ঘাস নেই। সেনত্তে দোয়্যে গুরি তঅ চাগরুনোরে গোশনত্‌ থেবাত্তে উগুম্‌ দে।”

পত্থম 47:6

গোদা মিসর দেজ্‌ছান্‌ দঅ তঅ মুজুঙোত্‌ পড়ি আঘে। দেজর্‌ বেগত্তুন্‌ গম্‌ জাগানত্‌ তঅ বাপ্পো আর ভেইয়ুনোরে বজত্তি গুরিবাত্তে দে। তারা গোশনত্‌ বজত্তি গোরোদোক্‌। তারা ভিদিরে যগাজ্যে মানুচ্‌ পেলে তারা উগুরে মঅ য়েমান পালুনোর্ ভারানঅ দিজ্।”

ইষ্টের 10:3

রাজা অহশ্বেরশর পরেন্দি যিহূদী মর্দখয়র পোজিশনান্ এলদে দ্বিলম্বরত্‌। তার্‌ বেক্‌ জাদ-ভেইয়ূনে তারে সর্মান আর কোচ্‌পানার চোগেন্দি দেগিদাক্‌, কিত্যে তে তা মানুচ্চুনোর ভালেদিত্তেই কাম্‌ গোজ্যে আর বেক্‌ যিহূদীগুনে গমেডালে থেবাত্তে চেট্ট্যা গোজ্যন্।

যাত্রা 8:22

মাত্তর্‌ সেদিন্যে গোশন চাগালাগান্‌ মুই বাদ দিম, কিত্তে মঅ মানুচ্চুনে সিধু বজত্তি গত্তন্‌। সিদু কনঅ পুগোর্‌ তোষ্যে ন-থেবঅ। সিয়েনত্তুন্‌ তুমি জানি পারিবাদে, মুয়ই লগেপ্রভু এ দেজত্‌ আগং।

যাত্রা 9:26

মাত্তর্‌ ইস্রায়েলীয়গুনে যিয়েনত্‌ থেদাক্‌ সে গোশন চাগালানত্ শিল্‌ ন-পড়িলাক্।

যোহন 17:24

“বাবা, মুই চাং যিগুনোরে তুই মরে দুয়োচ্, মর্ মহিমাগান্ চেবাত্যে তারা যেন মুই যিধু আঘং সিধু মঅ সমারে থেই পারন্। সেই মহিমাগান্ তুয়ই মরে দুয়োচ্, কিয়া পিত্‌থিমীগান্ সৃট্টি অবার্ আগেত্তুন্ ধুরি তুই মরে কোচ্‌পেইয়োচ্।

প্রেরিত্‌ 7:14

ইয়েন পরেদি যোষেফে তা বাব্‌পো যাকোবরে আর পরিবারর অন্য বেক্কুনোরে ডাগি আনিবাত্যে দিপাধেল। তারা জনেদি বেক্কুনে মিলিনে পাচাত্তোরজন এলাক্।