পত্থম 43:9 - Chakma Bible

⁹ মুই নিজে তাত্তে জাবিন্দার অলুং। তাত্তে তু‌ই মরে দায়ী গুরিচ্‌। মুই যুনি তারে তঅ মুজুঙোত্‌ ফিরেই আনি ন-পারং সালে জিংকানিবর্‌ মুই তঅ মুজুঙোত্‌ দুষি ওই থেম্‌।

পত্থম 43:9 ပူးပေါင်းရင်းမြစ်များ

পত্থম 31:39

এন্‌ কি, ঝারর্ য়েমান মারেই ফেল্যে কনঅ য়েমানঅ মুই ত'ইধু আনং। সে ক্ষোতিগান্‌ মুই‌ নিজেই সোজ্য গোজ্যং। কন য়েমান চুর্‌ ওই গেলে-সিবে দিনোত্‌ ওক্‌ রেদোত্‌ ওক্‌ তুই মত্তুন্‌ সিবের্‌ ক্ষোতিপূরন্‌ লোইয়োচ্‌।

পত্থম 42:37

সেক্কে রূবেণে তা বাবরে কলঅ, “মুই যুনি বিন্যামীনরে তঅ মুজুঙোত্‌ ফিরেই আনি ন-পারং সালে তুই মর্‌ দ্বিবে পুয়োরে মারে ফেলেচ্‌। বিন্যামীনরে তুই মঅ আদত্‌ ছাড়ি দে, মুই তারে তইধু ফিরেই আনিম।”

পত্থম 43:10

আমি যুনি এদক্‌ দেরি ন-গত্তং সালে ঘেচ্চেক্‌গুরি এদক্‌দিনে আমি আরঅ দ্বিবার্‌ যেইনে ফিরি এই পাত্তং।”

পত্থম 9:5

কনজনে যুদি তমারে খুন গরন্‌ সালে মুই হামাক্কায় তমার লোগানি বদলে তার লোগান, অত্তাৎ তা পরাণান্‌ দাবি গুরিম্‌, তে য়েমান ওক্‌ বা মানুচ্‌ ওক্‌। মান্‌জ্য পরাণান্‌ যে মানুচ্চো নেজেব সিবে পরাণান্‌অ নেযা অবঅ-ইয়েন মর্‌ দাবি।

২ শমূয়েল 14:9

সেক্কে তকোয়র মিলেবো রাজারে কলঅ, “মর্‌ গিরোজ মহারাজা, রাজা আর তার সিংহাসনান্‌ নিদ্দুযি থোক্‌; বেক্‌ দুষ্‌চানি যেইনে পোড়োক্‌ অামা গিরির্‌ উগুরে।”

১ রাজাবলী 1:21

সিয়েন ন-অলে যেক্কে মর্‌ গিরোজ্‌ মহারাজ তার পূরোণিমানেইয়ূনো ইদু যেবগোই সেক্কে মরে আর মর্‌ পূঅ শলোমনরে দুষি বিলিনে ধরা অবঅ।”

ইয়োব 17:3

ও গোজেন, যে জামিন তুই চাজ্‌ মঅ পক্ষেদি সে জামিনান্‌ তুই ওজ্‌; কন্না আর মর্‌ ওইনে জামিন অবঅ?

গীতসংহিতা 119:122

তর্ এ চাগর্‌বো ভালেদি অনার ভারান্ তুই নেযা; বাড়্‌বোগুনোরে অত্যেচার গুরিবাত্তে মরে ন-দিচ্।

যিহিষ্কেল 3:18

মুই যেক্কে এক্কো পাজি মান্‌‌‌‌‌‌‌‌জ্যরে কং, তুই হামাক্কায় মুরিবে, সেক্কে তুই যুনি তারে উজিয়ার ন-গরচ্, বা তার্ পরাণান বাঁজেবাত্তে ভান্ন্যেই পধত্তুন্ ফিরেবাত্তে কিজু ন-কচ্, সালে সেই পাজি মানুচ্চোত্তে তার পাপত্তে মুরিবে, মাত্তর্ তার মরণত্তে মুই তরে দায়ী গুরিম।

যিহিষ্কেল 3:20

“আরঅ, যুনি কনঅ গম্ মানুচ্ তার ঠিগ্ পধত্তুন্ ফিরিনে ভান্ন্যেই কাম্ গরন আর মুই তা মুজুঙোত্ এক্কান দযা রাগাং, সালে তে মুরিবো। তুই তারে উজিয়ার ন-গরচ্ বিলি তে তার পাপত্তে মুরিবো। যেদক্কানি গম্ কাম তে গোজ্যে সিয়েনি আর ইদোত্ তুলো ন-অবঅ; মুই তরে তার্ মরণত্তে দায়ী গুরিম।

যিহিষ্কেল 33:6

মাত্তর্ ধোজ্য, সেই চুগিদার্‌‌‌‌‌‌‌‌বো সৈন্যদলুন্ এত্তে দেগিনেয়ো মানুচ্চুনোরে উজিয়ার গুরিবাত্তে তূরী ন-বাজেল। সে পরেদি সৈন্যগুনে এইনে কনঅ এক্কোরে মারে ফেলেলাক্। সালে বুঝো পুরিবো সেই মানুচ্চো তার নিজোর পাপত্তে মুরি গেলঅ, মাত্তর্ তার মরণত্তে মুই সেই চুগিদার্‌‌‌‌‌‌‌‌‌বোরে দায়ী গুরিম।

যিহিষ্কেল 33:8

মুই যেক্কে কনঅ পাজি মান্‌‌‌‌‌‌‌‌‌‌‌জ্যরে কং, ও পাজি মানুচ্, তুই হামাক্কাই মুরিবে, আর তুই তারে তার্ ভান্ন্যেই পধত্তুন্ ফিরেবাত্তে উজিয়ার ন-গরচ্, সালে সেই পাজি মানুচ্চো তার পাপত্তে মুরি যেবঅ মাত্তর্ তার মরণত্তে মুই তরে দায়ী গুরিম।

লূকে লেখ্যে গম্ হবর্ 11:50

ইয়েনর্ ফল অলঅ, সংসারান্ সৃট্টির সময়োত্তুন্ ধুরি আরাম্ভ গুরিনে যেদক্‌‌জন ভাববাদীরে খুন্ গরা ওইয়্যে, তারার্ লো-গানির্ দায়ী অবাক্ এ কালর্ মানুচ্চুনে।

ইব্রীয় 7:22

ইয়েনত্তুন্ আমি বুঝি পারির্, যীশু আরঅ দাঙর্ এক্কান বেবস্থার জাবিন ওইয়্যে।