পত্থম 43:8 - Chakma Bible

⁸ সেক্কে যিহূদা তা বাবরে কলঅ, “তারে মঅ সমারে যেবাত্তে দে। আমি যাদিমাদি রওনা ওইনে তুই, আমি, আর আমা পুয়ো-ঝিগুনে পরাণে বাঁজি থেই, যেন মুরি ন-যেই।

পত্থম 43:8 ပူးပေါင်းရင်းမြစ်များ

পত্থম 42:2

তে আরঅ কলঅ, “শুনো, মুই শুন্যং মিসর দেজত্‌ শোজ্য আগন্‌। তুমি সিধু যেইনে আমাত্তে কিজু শোজ্য কিনি আন যেন আমি পরানে বাঁজি থেই, মুরি ন-যেই।”

পত্থম 42:38

মাত্তর্‌ যাকোবে কলঅ, “না, মর্ এ পুয়োবো তঅ লগে ন-যেবঅ। তা ভেইবো মুরি যেইয়্যে, আর তে ইক্কিনে গাই গাই বাঁজি আঘে। তমার যাইদে পদথ্‌ যুনি তার্‌ কনঅ দজা অয়্‌ সালে এ বুড়ো বয়জত্‌ বোউত্‌ দুঘে তুমি মরে মরণ জাগাত্‌ পাদেবা।”

পত্থম 44:20

সেক্কে আমি বাবুরে কোইয়্যেই, আমা বুড়ো বাপ্পো বাঁজি আঘে আর তার্‌ বুড়ো বয়জত্‌ এক্কো পুয়ো আঘে। তা ভেইবো মুরি যেইয়্যে, আর এক্কো মার্‌ পুয়ো ইজেবে ইক্কিনে তে গাই গাই গুরি বানা পড়ি আঘে। সেনত্তে তা বাবে তারে খুব কোচ্‌পেদঅ।

পত্থম 44:26

সেক্কে আমি কোইয়্যেদে, আমা চিগোন্ ভেইবো যুনি আমা লগে যায় সালে আমিয়ো যেবং। সিয়েন ন-অলে আমি সিধু যেই ন-পারিবোং। আমা চিগোন ভেইবো যুনি আমা লগে ন-থায়্‌ সালে আমি সেই মানুচ্চো মুজুঙোত্‌ যেই ন-পারিবোং।

পত্থম 45:19

ইয়েনবাদে তঅ উগুরে মর্‌ এই উগুমান থেলঅ, তুই তঅ ভেইয়ুনোরে কোইদে যেন তারার মোক্কুন্, চিগোন পুয়ো-ঝি গুনোত্তে মিসর দেজত্তুন্‌ গাড়ী নেযান, আর তারা বাপ্পোরে আনন্‌।

পত্থম 50:21

সেনত্তে তুমি ন-দোরেয়ো। মুই তমারে আর তমা পুয়ো-ঝিগুনোরে হাবানার্‌ বেবস্থা গুরি দিম্।” এ কধাগান কোইনে তে তারারে বুঝেল।

পত্থম 50:8

ইয়েনবাদে যোষেফর নিজোর আর তা বাবর্ পরিবারর্‌ বেক্কুনে আর তা ভেইয়ুনেয়ো তা লগে গেলাক্। গোশনত্‌ তারার্‌ চিগোন্‌ পুয়ো-ছাগুনোরে আর তারার্‌ গোরু-ভেড়া ছাগল পালুন্ থোই গেলাক্।

২ রাজাবলী 7:13

তার্‌ এক্কো কামগুরিয়্যে কলঅ, “শঅরত্‌ যে কয়েক্কো ঘোড়া বাগি আগন্‌ সিয়োত্তুন্‌ পাচ্ছো ঘোড়া লোইনে কয়েকজন মানুচ্‌ নিগিলি যাদোক্‌। ইদুগোর্‌ বেক্‌ ইস্রায়েলীয়গুনো ধোক্কেন্‌ তারা দঅ হামাক্কাই মুরি যেবাক্‌, সেনত্তে কি ওইয়্যে সিয়েন্‌ জানিবাত্তে আমি তারারে পাধেই দিই।”

২ রাজাবলী 7:4

যুনি কোই আমি শঅরত্‌ যেবং সালে সিদুয়ো ভাদরাত্‌ আর আমি মুরিবোং। যুনি ইয়োত্‌ থেই তুয়ো মুরিবোং। বরং আমি যেই, আমি অরামীয়গুনোর তাম্বুলোত্‌ যেইনে তারা আঢত্‌ নিজোরে তুলি দিই। যুনি তারা আমারে বাজান্ সালে আমি বাঁজিলোং, আর নয়দ মুরিবোং।”

ইষ্রা 8:21

পরেদি মুই অহবার ছড়া ইধু আমাত্যে উবোস্ থানাগান্ ফগদাং গুরিলুং যেনে আমি আমা গোজেন মুজুঙোত্ নিজোরে লোঙেই পারিই আর আমা ঝি-পুয়োগুনোরে আর বেক্ সোম্বোত্তিগানোই গমেডালে যাত্রা গুরি পারিই।

গীতসংহিতা 118:17

মুই ন-মুরিম, বাঁজি থেম, আর লগেপ্রভু যিয়েনি গোজ্যে সিয়েনি ফগদাং গুরিম।

যাত্রা 20:12

তমার মা-বাবরে সর্মান গুরিনে চুলিবা। সেক্কে তমার গোজেন লগেপ্রভুর্‌ দিয়্যে দেজত্‌ তুমি ভালোক্‌ দিন বাঁজি থেবা।

গণাণা 14:31

তমার্‌ যে ঝি-পূঅগুনোরে কাড়ি নেযা অবঅ বিলি তুমি কোইয়ো সেই ঝি-পূঅগুনোরে মুই সে দেজত্‌ নেযেম। এই ঝি-পূঅগুনেই সেই দেজ্‌চান্‌ ভোগ্‌ গুরিবাক্‌ যিয়েন্‌ তুমি টেংগোই লাদি মাজ্য।

দ্বি’লম্বর বিররণ 33:6

রূবেণ পৌইদ্যেনে মোশি কোইয়্যেদে, “রূবেণরে বাঁজেই রাগঅ, মরণান তাত্তুন দূরোত রাগঅ; তা মানুচ্চুনোর্ সোংখ্যেগুন্ যেনে কম থান্‌।”