পত্থম 42:6 - Chakma Bible

⁶ যোষেফে এলঅ মিসর দেজর শাসনগুরিয়্যে। দেজর্‌ বেক্‌ মানুচ্চুনো ইধু শোজ্য বেজানার্‌ ভারান্‌ তা উগুরে এলঅ। সেনত্তে যোষেফ ভেইয়ুনে তা মুজুঙোত্‌ যেইনে মাদিত্‌ মাদা নিগিরিনে তারে জু জু জানেলাক্।

পত্থম 42:6 ပူးပေါင်းရင်းမြစ်များ

পত্থম 18:2

এন্‌ সময়োত্‌ তে চোখ তুলিনে রিনি চেলঅ, তা মুজুঙোত্তুন্‌ কিজু দুরোত্‌ তিন্নো মানুচ্ ঠিয়্যেই আগন্‌। তারারে দেগানার লগে লগে তে তাম্বুলো দোরানত্তুন্ দাবা যেইনে মাদিত্‌ মাঢা নিগিরিনে তারারে সালাম গুরিনে কলঅ, “চঅ, যুদি লবাদোস্যে ন-অয়্‌ সালে দোয়্যে গুরিনে তর্‌ এ চাগর্‌বোরে পাশ্‌ কাবিনে আঢি ন-যেবে।

পত্থম 19:1

সেদিন্যে সাজোন্যে অক্তত্‌ সে দ্বিজন স্বর্গদূত্‌ সদোম শঅরত্‌ যেইনে লুমিলাক্। লোটে সেক্কে শঅর গেট্টো কুরে বুয়োই আঘে। তারারে দেগিনে তে উদিনে ঠিয়েল আর মাঢা নিগিরিনে জু জু জানেইনে কলঅ,

পত্থম 33:3

মাত্তর্‌ তে নিজে তারা আগে আগে গেলঅ। যাদে যাদে তে মাদিত্‌ মাদা নিগিরিনে সাতবার ভেইবোরে জু জু জানেল আর এবাবোত্যে গুরি তাইধু যেইনে লুমিলোগোই।

পত্থম 41:43

ইয়েন পরেদি তে যোষেফরে তা রেজ্যর্‌ দ্বিলম্বর্‌ রথতানত্‌ বোজেল। রথ চুলিবার্ সময় যোষেফর্ আগে আগে জানেই দিয়া অলঅ, “আদুগুন্‌ পাদ্, আদুগুন্‌ পাদ্।” এবাবোত্যেগুরি ফরৌণে যোষেফ উগুরে বেক্‌ মিসর্‌ দেজছান ভারান দিলো।

পত্থম 41:54

সে পরেদি আরাম্ভ অল ভাদ-রাদর্ সাত বজর। যোষেফ কধা মজিম বেক্কানি অলঅ। কায়-কুরে দেজ্‌ছানিয়ো এ ভাদ-রাদত্তুন্‌ রেহাই ন-পেলঅ, মাত্তর্‌ গোদা মিসর দেজত্‌ কনঅ জাগাত্‌ হানার্‌ অভাব ন-এলঅ।

পত্থম 41:57

অন্য দেজদঅ ভাদ-রাদ এদক্‌ বেশ্‌ ওই উদিলোদে, সিদুগোর্‌ মানুচ্চুনেয়ো যোষেফত্তুন্‌ শোজ্য কিনিবাত্তে মিসরত্‌ এজা ধুরিলাক্।

পত্থম 44:14

যিহূদা আর তা ভেইয়ুনে যে সময়ানত্‌ যোষেফ ঘরত্‌ গেলাক্ যোষেফে সেক্কেয়ো সিয়েনত্‌ এলঅ। তারা তা মুজুঙোত্‌ যেইনে মাদিত্‌ আদু পাড়িনে পড়িলাক্।

পত্থম 45:8

সেনত্তে দেগা যাত্তে, তুমি মরে ইধু ন-পাদঅ, গোজেনে পাদেয়্যে। তে মরে ফরৌণ বাবঅ জাগানত্‌ রাগেয়্যে আর তা পরিবারর্‌ গিরোজ্‌ বানেয়্যে। ইয়েন বাদেয়ো তে মরে গোদা মিসর দেজত্ শাজন্ গুরিবার্‌ খেমতাগান্‌ দিয়্যে।

পত্থম 48:12

সেক্কে যোষেফে তা বাব ইত্তুন্‌ তা পুয়োগুনোরে সোরেইনে মাদিত্‌ মাঢা নিগিরিনে তা বাবরে জু জু দিলো।

গম্ উপদেজ্ 11:26

যে মানুচ্চো শোস্যগুন্ থুবেই রাগায় মান্‌জ্যে তারে অভিশাব্ দুয়োন, মাত্তর্ যে সিয়েনি বেজি দে তে বর্ পায়।

যিশাইয় 60:14

তরে যিগুনে অত্যেচার গুরিদাক্ তারা পুয়োগুনে মাঢা নিগিরিনে তঅ মুজুঙোত্ এবাক্; যিগুনে তরে ঈচ্ গুরিদাক তারা বেক্কুনে তরে জু জু জানেবাক্ আর তরে লগেপ্রভুর শঅর্, ইস্রায়েলর সেই সুদ্ধো-সাংগ মানুচ্চোর সিয়োন বিলি ডাগিবাক্।

ফগদাং পেইয়্যে 3:9

যিগুনে নিজোরে যিহূদী কন্ অদচ যিহূদী নয়, শদানর্ দলর সেই মিজেমাদিয়্যে মানুচ্চুনোরে মুই তইধু আনিম আর তঅ টেঙত্ তলে সালাম গোরেম, আর তারারে জানেই দিম যে, মুই তরে কোচ্‌পাং।

১ শমূয়েল 20:41

চিগোন পূঅবো যানার পরেন্দি দায়ূদে সে পাত্তর্‌বোর ডেনেন্দিত্তুন্‌ উদি এলঅ। তে যোনাথনর্ মুজুঙোত্‌ মাদিত্‌ মাদা নিগিরিনে তিনবার তারে সালাম গুরিলো। সে পরেন্দি তারা একজন আরেকজনরে চুমোচুমি গুরিনে কানা ধুরিলাক্, মাত্তর্‌ দায়ূদে বেশ্‌ কানিলো।