পত্থম 42:5 - Chakma Bible

⁵ অন্য যিদুক্কুন্‌ মান্‌জ্যে শোজ্য কিনিবাত্তে মিসর্‌ দেজত্‌ যাদন্‌ তারা দলত্‌ ইস্রায়েল পুয়োগুনেয়ো এলাক্‌, কিত্তে কনান দেজতঅ ভাদ-রাদ্ ওইয়্যে।

পত্থম 42:5 ပူးပေါင်းရင်းမြစ်များ

পত্থম 12:10

কনান দেজত্‌ ভাদঅ রাত্‌ দেগা দিলো। সে ভাদঅ রাত্তো এদক্‌ বেশ্ অলদে, অব্রামে কয়েকদিনোত্তে মিসর দেজত্‌ বজত্তি গুরিবাত্তে গেলঅ।

পত্থম 26:1

অব্রাহাম সময়বো ধোক্ক্যেন এবেরায়ো দেজত্‌ এক্কান্‌ ভাদঅ রাত্‌ দেগা দিলো। সেনত্তে ইস্‌হাকে গরার শঅর পলেষ্টীয়গুনোর রাজা অবীমেলকর ইধু গেলঅ।

পত্থম 41:54

সে পরেদি আরাম্ভ অল ভাদ-রাদর্ সাত বজর। যোষেফ কধা মজিম বেক্কানি অলঅ। কায়-কুরে দেজ্‌ছানিয়ো এ ভাদ-রাদত্তুন্‌ রেহাই ন-পেলঅ, মাত্তর্‌ গোদা মিসর দেজত্‌ কনঅ জাগাত্‌ হানার্‌ অভাব ন-এলঅ।

পত্থম 41:57

অন্য দেজদঅ ভাদ-রাদ এদক্‌ বেশ্‌ ওই উদিলোদে, সিদুগোর্‌ মানুচ্চুনেয়ো যোষেফত্তুন্‌ শোজ্য কিনিবাত্তে মিসরত্‌ এজা ধুরিলাক্।

২ শমূয়েল 21:1

দায়ূদোর রাজাগিরি গরানার সলাবোত্‌ উদোউত্যে তিন বজর সং ভাদরাত্‌ ওইয়্যে। সেনত্তে দায়ূদে লগেপ্রভু ইদু ইয়েনর কারণান পুযোর্‌ গুরিলো। জোবত্‌ লগেপ্রভু কলদে, “ইয়েন্‌ ওইয়্যেদে শৌল আর তা গুট্টিগুনোত্তে। তারা লো ঝরানার্ দুজে দুষী; শৌল গিবিয়োনীয়গুনোরে মারে ফেলেয়্যে।”

প্রেরিত্‌ 11:28

তারাত্তুন্ আগাব নাঙে একজনে থিয়্যেইনে পবিত্র আত্মার পরিচালনাই কলঅ, গোদা রোম রেজ্যত্ এক্কো অমকদ ভাদ রাত্ অবঅ। (সম্রাট ক্লৌদিয়র রাজাগিরির্ সময়োত্ সে কধাগান পুরেল।)

প্রেরিত্‌ 7:11

সে পরেদি গোদা মিসর আর কনান্ দেজত্ ভাদরাত্ দেগা দিলো। সিয়েন্দোই যেক্কে খুব্ দুঘ্ অলঅ সেক্কে আমা পূরোণি মানুচ্চুনে হানা ন-পেলাক্।