পত্থম 42:34 - Chakma Bible

³⁴ আর তমার চিগোন্‌ ভেইবোরে ম’ইধু আনঅ। সেক্কে মুই বুঝি পারিম্‌বে, তুমি গম্‌ মানুজ্, স্পাই নয়। সেক্কে মুই তমা ভেইবোরে তমা ইধু ফিরেই দিম, আর তুমি এ দেজত্‌ বেবসা-বাণিজ্য গুরি পারিবা।”

পত্থম 42:34 ပူးပေါင်းရင်းမြစ်များ

পত্থম 20:15

পরেদি তে অব্রাহামরে কলঅ, “চাহ্, মর্‌ পুরো দেজ্‌ছান দঅ তঅ মুজুঙোত্‌ আঘে। তর্‌ যিয়েনত্‌ হুজি সিয়েনত্‌ তুই বজত্তি গুরিচ্‌।”

পত্থম 34:10

তুমি আমা ভিদিরে বজত্তি গরঅ। গদা দেজ্‌ছান দঅ তমা মুজুঙোত্ পড়ি আঘে। তুমি ইধু থাগঅ, হুজি মনে আদা-উদো গরঅ আর ধন-সোম্বোত্তির্‌ গিরোজ্ অ।”

পত্থম 34:21

“এ মানুচ্চুন্‌ আমা সমাজ্যে। আমা দেজত্‌ তারার্‌ থেবাত্তে বোউত্‌ জাগায়ো আঘে। তারা ইধু থাদোক্ আর হুজি মনে যিন্দি-সিন্দি বেড়াদোক্‌। এজঅ, আমি তারা মিলেগুন্‌ লোই আর আমা মিলেগুন তারারে দিই।

পত্থম 42:15

ইয়েন্দোই তমার পোরোক্ষে ওই যেবঅ-তমা চিগোন ভেইবো যেদক্কন্‌ সং ইধু ন-এজে সেদক্কন্‌ সং তুমি ইয়োত্তুন্‌ ছড়ান্ ন-পেবা। মর্‌ এ কধাগান্‌ মুই ফরৌণর্ জিংকানিগান নাঙে শমক্‌ গুরিনে কঙর্‌।

পত্থম 42:20

তমা কধাগান্‌ যে সত্য সিয়েন প্রমাণ গুরিবাত্তে তমা চিগোন্‌ ভেইবোরে মঅ মুজুঙোত্‌ আনগোই। সেক্কে তে তুমি মরনত্তুন্‌ রেহাই পেবা।” তারা সিয়েন রাজী অলাক্‌।

১ রাজাবলী 10:15

ইয়েনিবাদেয়ো বণিক আর সদাগরুনোর্‌ ইত্তুন্‌, আরবীয় রাজাগুনো ইত্তুন্‌ আর দেজর্‌ শাজন্‌গুরিয়্যেগুনো ইত্তুনঅ সোনা এদঅ।