পত্থম 42:30 - Chakma Bible

³⁰ যে মানুচ্চো সে দেজর্‌ নেতা তে খুব দরমর গুরি আমা লগে কধা কোইয়্যে। তে মনে গোজ্যেদে আমি স্পাই ইজেবে সে দেজত্‌ যেইয়্যেই।

পত্থম 42:30 ပူးပေါင်းရင်းမြစ်များ

পত্থম 42:16

তমা চিগোন্‌ ভেইবোরে আনিবাত্তে তমা ভিদিরেত্তুন্‌ একজনরে পাধেই দুয়ো, আর বাদবাগী বেক্কুনে বোন্দি থাগঅ। তমা কধাগান্‌ সত্য না কি ইয়েন্দোই তার প্রমাণ অবঅ। মাত্তর্‌ যুনি তারে ন-আনঅ সালে ফরৌণ জীংকানিগান নাঙে শমক্ গরঙর্‌, তুমি স্পাই।”

পত্থম 42:29

কনান দেজত্‌ ফিরি যেইনে তারা তারার্‌ বাপ্পোরে বেক্‌ কধানি ভাঙি কলাক্,

পত্থম 42:7

যোষেফে ভেইয়ুনোরে দেগিনে চিনি পারিলো, মাত্তর ন-চিনেদে ভান্‌ গুরিনে দাঙর্‌ দাঙর্‌ গুরিনে কলঅ, “তুমি কুত্তুন্‌ এচ্চো?” তারা কলাক্, “আমি কনান দেজত্তুন শোজ্য কিনিবাত্তে এচ্চ্যেই।”

পত্থম 42:9

তারা পৌইদ্যেনে তে যে স্ববনান্‌ দেক্ক্যে সে কধাগান্‌ সেক্কে তার মনত্‌ পড়িলো। তে তারারে কলঅ, “তুমি স্পাই। আমা দেজত্‌ কন্ কন্ জাগাত্‌ চুগিদারর্ কনঅ বেবস্থা নেই তুমি সিয়েন্‌ চেবাত্তে এচ্চো।”