পত্থম 41:8 - Chakma Bible

⁸ মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

পত্থম 41:8 ပူးပေါင်းရင်းမြစ်များ

পত্থম 40:6

বেন্যে অক্তত্‌ যোষেফে সে দ্বিজন ইধু যেইনে দেগিলোদে তারা খুব পিত্ত-মরা ওই আগন্‌।

পত্থম 40:8

জোবত্‌ তারা তারে কলাক্, আমি দ্বিজনে এক্কান গুরি স্ববন দেক্ক্যেই, মাত্তর্‌ সিয়েন অত্তগান্‌ কোইদি পারন এবাবোত্যে মানুচ্‌ ইধু নেই। যোষেফে তারারে কলঅ, অত্তগান্‌ কোই দিবার্‌ খেমতা কি গোজেনর নেই? তমা স্ববনর্ কধাগান্‌ মরে কঅ ।

পত্থম 41:15

সেক্কে ফরৌণ যোষেফরে কলঅ, “মুই এক্কান্‌ স্ববন্‌ দেক্কোং, মাত্তর্‌ কনজনে সিয়েনর্‌ অত্তগান্‌ কোই ন পার্‌দন। মুই শুনিলুংগে, তঅ মুজুঙোত্ স্ববন ঘটনাগান্‌ কলে তুই সিয়েনর অত্তগান কোই দি পারস্‌।”

পত্থম 41:24

এ সাত্তো চ'বা শীজে সেই পক্তা সাত্তো শীজেরে গিলি ফেলেলাক্। মুই এ বেক্‌ কধানি যাদুকরুনোরে কোইয়োং, মাত্তর্‌ কনজনে এ অত্তগান্‌ মরে বুঝেই দি ন-পারিলাক্।”

পত্থম 41:7

সে চ'বা শীজেগুনে উই সাত্তো পক্তা আর দাঙর্‌ শীজেগুনোরে গিলি ফেলেলাক্। সে পরেদি ফরৌণ ঘুমান ভাঙিলো। তে বুঝি পারিলোদে, তে যিয়েন্‌ দেক্ক্যে সিয়েন্‌ বানা স্ববন্‌।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

যাত্রা 7:11

ফরৌণে সেক্কে জ্ঞানীগুনোরে আন মাত্তলে ধরেদে বাবোত্যে জিনিস কামত্‌ লাগেই পারন্দে মানুচ্চুনোরে, অত্তাৎ যাদু পারিয়্যেগুনোরে ডাগিলো। তারায়ো তারার যাদুমন্ত্রলোই একই কাম গুরিলাক্।

যাত্রা 7:22

সেক্কে মিসরীয় যাদু পারিয়্যেগুনে তারার্‌ যাদুমন্ত্রলোই একই কাম্‌ গুরিলাক্। সেনত্যে ফরৌণ মনান্‌ আরঅ চিৎনপুজ্যে ওই উদিলো। লগেপ্রভু যিয়েনি কোইয়্যে সিয়েন অলঅ; মোশি আর হারোণর্ কধা ফরৌণে ন-শুনিলো,

যাত্রা 8:7

যাদুকরুনেয়ো তারার্‌ যাদুমন্ত্রর বলে সেই এক্কুই কাম্‌ গুরিলাক্। তারায়ো মিসর্‌ দেজত্‌ বেঙ্‌ আনিলাক্।

যাত্রা 9:11

যাদু গুরিয়্যেগুনে মোশি মুজুঙোত্‌ ঠিয়্যেই ন-পারিলাক্, কিত্তে অন্য মিসরীয়গুনো ধোক্ক্যেন তারার্‌অ ফোড়া ওইয়োন্‌।

যিশাইয় 19:3

মিসরীয়গুনে মন বল্ আরেবাক্, আর মুই তারার সল্লাগান্ নিষ্ফল গুরি দিম্। তারা মূত্তি আর মরাগুনোর্ আত্মার্ ইধু, ভূদো ইধু, আর ভান্ন্যেই আত্মাগুনো সমারে মিজেয়্যে রোক্ক্যেগুরিয়্যেগুনো ইধু সল্লা চেবাক্।

যিশাইয় 29:14

সেনত্তে মুই আরঅ দোল্ আমক্ অবার কাম্‌বোই এ মানুচ্চুনোরে হতভম্ব গুরিম; সেক্কে জ্ঞানীগুনোর্ জ্ঞানানি বর্‌বাত ওই যেবঅ আর বুদ্ধিবলাগুনোর্ বুদ্ধিগানি লুগি যেবগোই।” ‌‌

যিশাইয় 8:19

মান্‌জ্যে যেক্কে তমারে সেই মানুচ্চুনো ইদু যেবাত্তে কন্ যিগুনে মরা আর ভান্ন্যেই আত্মাগুনো লগে মিজেইনে ফুজু ফুজু আর বিড়্‌বিড়্‌ গরন্, সেক্কে তমার্ কি গোজেন ইদু যানা উজিত্ নয়? যিগুনে জেদা আগন্ তারার্ ওইনে কিত্তে মরাগুনো সমারে সল্লা গুরিবাত্তে যেবা?

দানিয়েল 1:20

জ্ঞান আর বুদ্ধির পৌইদ্যেনে পত্তি পৌইদ্যেনে রাজা তারারে পুযোর্ গুরিনে বুঝি পারিলো যে, তারা তা গদা রেজ্যগানি ভিদিরে বেক্ যাদুগুরিয়্যে আর ভূতোর্ ওঝাগুনোত্তুন্ দশগুন গম্।

দানিয়েল 4:18

“ইয়েন সেই স্ববনান্ যিয়েন মুই রাজা নবূখদ্‌নিৎসর দেখ্যং। ইক্কিনে ও বেল্টশৎসর, তুই ইয়েনর ভেদ্‌তান্ কি কঅ? মঅ রেজ্যর্ কনঅ সল্লাদিয়্যে ইয়েনর্ ভেদ্‌তান্ মরে কোই দি ন-পারন; মাত্তর্ তুই পারিবে, কিত্যে তঅ ভিদিরে পবিত্র এমন কিজু আঘে যিয়েনি এ পিত্‌‌থিমীত্ নয়।”

দানিয়েল 4:19

সেক্কে দানিয়েল, অত্তাৎ বেল্টশৎসরে স্ববনান কধা চিদে গুরিনে দোরেল আর কিজু সময়োত্তে আমক্ ওই রলঅ। সেক্কে রাজা কলঅ, “ও বেল্টশৎসর, স্ববনান্ বা সিয়েনর্ ভেদ্‌তানে তরে চিন্তিত ন-গোরোক্।” বেল্টশৎসরে জোব্ দিলো ও মর্ প্রভু, এ স্ববনান্ আর সিয়েনর ভেদ্‌তান্ তঅ শত্রুগুনে উগুরে ঘোদোক্।

দানিয়েল 4:5

মুই যেক্কে বিচ্চোনত্ পোজ্যে এলুং সেক্কে এক্কান স্ববন্ দেগিনে দোরেলুং; সে স্ববনত্ মুই যিয়েনি যিয়েনি দেগিলুং সিয়েনি মঅ মনত্ দর্‌‌‌‌‌‌‌বুক্ সোমেল।

দানিয়েল 4:6

সেনত্তে মঅ স্ববনর্ ভেদ্‌তান্ ভাঙি দিবাত্তে মুই বাবিলোর বেক্ রাজ-সল্লা দিয়্যেগুনোরে মঅ মুজুঙোত্ আনিবাত্তে উগুম দিলুং।

দানিয়েল 4:7

যাদুকর, ভূদো ওঝা, জ্যোতিষী আর গোণোক্ক্যেগুনে মইদু এজানার পরেদি মুই তারা ইধু স্ববনান্ কলুং, মাত্তর্ তারা সিয়েনর ভেদ্‌তান্ কোই ন-পারিলাক্।

দানিয়েল 5:11

তঅ রেজ্যগান ভিদিরে এক্কো মানুচ্ আঘে যিবে ভিদিরে পবিত্র এমন কিজু আঘে যিয়েনি এ পিত্‌‌‌‌‌‌‌‌‌থিমীর নয়। তঅ আজু নবূখদ্‌‌‌‌‌‌‌‌‌নিৎসর সময়োত্ সেই মানুচ্চুনো ভিদিরে বুঝিবার খেমতা, বুদ্ধি আর দেবেদাগুনো ধোক্ক্যেন জ্ঞান দেগা যেইয়্যে। তঅ আজু রাজা নবূখদ্‌‌‌‌‌‌‌‌‌নিৎসরে তারে যাদুকর, ভূদো ওঝা, জ্যোতিষী আর গোণোক্ক্যেগুনোর আজল্ ইজেবে নেযেয়্যে।

দানিয়েল 7:28

“ইয়েনত্ সেই স্ববনর বেপারান থুম্। মুই দানিয়েল মর্ এই বেক্ চিন্তেগানিত্তে এদক্ দোরেয়োং যে, মর্ মুয়োন অন্যবাবোত্যে ওই গেলঅ, মাত্তর্ স্ববনর্ বেপারান মুই মনত্ গাদেই রাগেলুং, কাররে ন-কলুং।”

দানিয়েল 8:27

মুই দানিয়েল বল্‌‌‌পোজ্যে ওই পড়িলুং আর অসুগ্ ওইনে কয়েকদিন পড়ি থেলুং। সে পরেদি মুই উদিনে রাজার কাম গুরিবাত্তে গেলুং। মুই সেই দর্শনান্ দেগিনে অমকদ চিন্তেত্ পোজ্যং, কিয়া সেই দর্শনানর্ ভেদ্‌তান্ মুই বুঝি ন-পারিলুং।

লেবীয় 19:31

যিগুনে ভূদো ভিদিরে থান্‌ বা ভান্ন্যেই আত্মা সমারে মিলেমিলি রাগান্‌ তারা ইদু যানা ন-চলিবো, কিত্যে তারা তমারে ফি-বলা বানেবাক্। মুই লগেপ্রভু তমার গোজেন।

লেবীয় 20:6

যে মানুচ্চো মঅ উগুরে অবিশ্বেজী ওইনে ভূত্তুনো মাধ্যম ইদু বা ভান্ন্যেই আত্মাগুনো সমারে মিজেই এবাবোত্যে মান্‌জ্য ইদু নিজোরে গোজেই দে মুই তাত্তুন্‌ মুয়োন্‌ ফিরেই নিম আর তা জাদত্তুন্‌ তারে তুলি ফেলেম।

হবক্‌‌‌‌কূক 3:16

সেই রবো শুনিনে মুই গির্‌গিরে ধুরিলুং, মঅ ঠুট্‌টোয়ো গির্‌গিরে উদিলো; মুই বল্‌পোজ্যে ওই পড়িলুং আর মঅ টেঙানি গির্‌গিরে ধুরিলো। তো মুই সেদিন্নোত্যেই ধৈজ্জ্য ধুরিনে বাজ্জেই থেইম্ যেদিন্যে আমা আক্রমন গুরিয়্যেগুনো উগুরে দযা এবঅ।

মথি লেখ্যে গম্ হবর্ 2:1

যিহূদিয়া রেজ্যর্ বৈৎলেহম আদামত্ যীশুর জর্ম ওইয়্যে। সেক্কে রাজা এলদে হেরোদ। পূগেদি দেজত্তুন্ কয়েক্কো পন্ডিত যিরূশালেমত্ এইনে কলাক্,

প্রেরিত্‌ 17:18

সেক্কে ইপীকুরীয় আর স্তোয়িকীয় দলর্ কয়েক্কো মাষ্টর্ পৌল সমারে কধা সলাসুলি বাজেলাক্। তারাত্তুন্ কয়েকজনে কলাক্, “এই কোধোগিবো কি কবার্ চার্।” আর অন্যগুনে কলাক্, “মনে অয় তে বিদেশী দেব-দেবীর্ কধা ফগদাং গরের্।” তারা এ কধাগান্ কলাক্ কারন পৌলে যীশু পৌইদ্যেনে আর মরণত্তুন্ জেদা ওই উদোনা পৌইদ্যেনে ফগদাং গরের্।

প্রেরিত্‌ 7:22

মোশি মিসরীয়গুনোর বেক্‌ শিক্ষ্যেলোই শিক্ষিত অলঅ, আর তে কধালোই আর কামে খেমতাবলা এলঅ।

১ করিন্হীয় 1:19

পবিত্র বোইবোত্ লেগা আঘে, “মুই জ্ঞানীগুনোর্ জ্ঞানান্ বর্‌‌বাদ গুরিম, বুদ্ধিমানুনোর্ বুদ্ধিগানি বিফল গুরিম।”

১ শমূয়েল 6:2

পরেন্দি পলেষ্টীয় শাজন্‌গুরিয়্যেগুনে ধর্মগুরু আর গোণোক্কেগুনোরে ডাগিনে কলাক্, “আমি লগেপ্রভুর সুন্দুক্কো নেযেইনে কি গুরিবোং? আমারে কঅ, কেধোক্ক্যেনগুরি আমি ইবেরে তার নিজোর জাগানত্‌ পাধেই দিবোং?”