পত্থম 41:57 - Chakma Bible

⁵⁷ অন্য দেজদঅ ভাদ-রাদ এদক্‌ বেশ্‌ ওই উদিলোদে, সিদুগোর্‌ মানুচ্চুনেয়ো যোষেফত্তুন্‌ শোজ্য কিনিবাত্তে মিসরত্‌ এজা ধুরিলাক্।

পত্থম 41:57 ပူးပေါင်းရင်းမြစ်များ

পত্থম 12:10

কনান দেজত্‌ ভাদঅ রাত্‌ দেগা দিলো। সে ভাদঅ রাত্তো এদক্‌ বেশ্ অলদে, অব্রামে কয়েকদিনোত্তে মিসর দেজত্‌ বজত্তি গুরিবাত্তে গেলঅ।

পত্থম 41:54

সে পরেদি আরাম্ভ অল ভাদ-রাদর্ সাত বজর। যোষেফ কধা মজিম বেক্কানি অলঅ। কায়-কুরে দেজ্‌ছানিয়ো এ ভাদ-রাদত্তুন্‌ রেহাই ন-পেলঅ, মাত্তর্‌ গোদা মিসর দেজত্‌ কনঅ জাগাত্‌ হানার্‌ অভাব ন-এলঅ।

পত্থম 41:56

এ ভাদ-রাদ্‌‌‌তো দেজর্‌ চেরোকিত্যে ছিদি পড়িলো। মিসর দেজত্‌ ভাদ-রাদ্ যেক্কে দর্‌গরে পারা ওই উদিলো সেক্কে যোষেফে বেক্‌ গোলাঘরানি খুলি দিলো আর মিসরীয়গুনো ইধু শোজ্য বেজা ধুরিলো।

পত্থম 42:1

যাকোবে যেক্কে শুনিলো, মিসর দেজত্‌ হেবাত্তে শোজ্য আগন্‌ সেক্কে তে তার্ পুয়োগুনোরে কলঅ, “তুমি একজনে আরেকজন মুয়োইন্দি কিত্তে চাহ্‌চি গরর্?”

পত্থম 42:5

অন্য যিদুক্কুন্‌ মান্‌জ্যে শোজ্য কিনিবাত্তে মিসর্‌ দেজত্‌ যাদন্‌ তারা দলত্‌ ইস্রায়েল পুয়োগুনেয়ো এলাক্‌, কিত্তে কনান দেজতঅ ভাদ-রাদ্ ওইয়্যে।

পত্থম 42:6

যোষেফে এলঅ মিসর দেজর শাসনগুরিয়্যে। দেজর্‌ বেক্‌ মানুচ্চুনো ইধু শোজ্য বেজানার্‌ ভারান্‌ তা উগুরে এলঅ। সেনত্তে যোষেফ ভেইয়ুনে তা মুজুঙোত্‌ যেইনে মাদিত্‌ মাদা নিগিরিনে তারে জু জু জানেলাক্।

পত্থম 43:1

কনান দেজর্‌ ভাদ-রাদ অবস্থা আরঅ বেশ্‌ ওই উদিলো।

পত্থম 47:14

মিসর আর কনান দেজর্ মানুচ্চুনে যে শোজ্যগুন কিনিলাক্‌ সিগুনোর্ দাম ইজেবে যোষেফে সেই দ্বিয়েন্‌ দেজত্‌ যেদক্‌ টেঙা এলাক সিগুন্‌ তুলি আনিনে ফরৌণ রাজ্‌ঘরত্‌ জমা দিলো।

পত্থম 50:20

তুমি মর্ অমংগল চেইয়ো, মাত্তর্‌ গোজেনে সিয়েনর্ ভিদিরেদি মংগল গুরিবার সল্লা গোজ্যে যেন ভালোক্কুন মান্‌জোর্ পরাণ রোক্ষ্যে পায়; আর এচ্চ্যে সিয়েনোই অর্‌।

দ্বি’লম্বর বিররণ 9:28

সিয়েন্‌ গুরিলে যে দেজত্তুন্‌ তুই আমারে নিগিলেই আনিলে সে দেজর্‌ মানুচ্চুনে কবাক্, লগেপ্রভু তার্‌ এগেম্ গোজ্যে দেজত্‌ তারারে নেযেই ন-পারে বিলিনে বা তে তারারে ঘিনাই বিলিনে তারারে মারে ফেলেবাত্তে এ ধূল্যেচর-চাগালাত্ আন্যে।