পত্থম 41:56 - Chakma Bible

⁵⁶ এ ভাদ-রাদ্‌‌‌তো দেজর্‌ চেরোকিত্যে ছিদি পড়িলো। মিসর দেজত্‌ ভাদ-রাদ্ যেক্কে দর্‌গরে পারা ওই উদিলো সেক্কে যোষেফে বেক্‌ গোলাঘরানি খুলি দিলো আর মিসরীয়গুনো ইধু শোজ্য বেজা ধুরিলো।

পত্থম 41:56 ပူးပေါင်းရင်းမြစ်များ

পত্থম 12:10

কনান দেজত্‌ ভাদঅ রাত্‌ দেগা দিলো। সে ভাদঅ রাত্তো এদক্‌ বেশ্ অলদে, অব্রামে কয়েকদিনোত্তে মিসর দেজত্‌ বজত্তি গুরিবাত্তে গেলঅ।

পত্থম 41:30

আর সে পরেদি এজের্ সাত্তো ভাদ-রাদ বজর। সেক্কে আগ ধোক্ক্যেন বোউত্‌ ফসল কধা মান্‌জো মনত্তুন্‌ উদি যেব, কিত্তে এ ভাদ-রাদ্‌তো দেজ্‌ছানরে শেজ্ গুরি দিবো।

পত্থম 41:35

সেই মানুচ্চুনে যেন উই বেক্‌ সুদিনোত্‌ উগুজ্যে শজ্য যুগুলেইনে রাজা বাবু উগুমে বেক্‌ শহরানিত্‌ আগামিদি হেবাত্তে থুবেই রাগান আর সিয়েনি রোক্ষ্যে গুরিবার্‌ বেবস্থা গরন।

পত্থম 41:55

পেত্‌ পরায়্‌ দুখ্ পেইনে মিসর দেজর মানুচ্চুনে যেক্কে ফরৌণ ইধু যেইনে হানা চেলাক্ সেক্কে ফরৌণে তারারে কলঅ, “তুমি যোষেফ ইধু যঅ । তে তমারে যিয়েন্‌ গুরিবাত্তে কয়্‌, তুমি সিয়েন গরঅ।”

পত্থম 41:57

অন্য দেজদঅ ভাদ-রাদ এদক্‌ বেশ্‌ ওই উদিলোদে, সিদুগোর্‌ মানুচ্চুনেয়ো যোষেফত্তুন্‌ শোজ্য কিনিবাত্তে মিসরত্‌ এজা ধুরিলাক্।

পত্থম 42:6

যোষেফে এলঅ মিসর দেজর শাসনগুরিয়্যে। দেজর্‌ বেক্‌ মানুচ্চুনো ইধু শোজ্য বেজানার্‌ ভারান্‌ তা উগুরে এলঅ। সেনত্তে যোষেফ ভেইয়ুনে তা মুজুঙোত্‌ যেইনে মাদিত্‌ মাদা নিগিরিনে তারে জু জু জানেলাক্।

পত্থম 43:1

কনান দেজর্‌ ভাদ-রাদ অবস্থা আরঅ বেশ্‌ ওই উদিলো।

যিশাইয় 23:17

সত্তুর্ বজর পার্ ওই যানার্ পরেদি লগেপ্রভু সোর ইন্দি মনান্ দিবো। সেক্কে তে তার বেবসা কামত্ ফিরি যেইনে পিত্‌‍‍থিমীর বেক্ রেজ্যগানি লগে বেবসা চালেব।

সখরিয় 5:3

তে মরে কলঅ, “ইয়েন অলঅ সেই অভিশাব্‌পান্ যিয়েন বেক্ দেজ্‌‌‌‌‌চানিত্ ফগদাং অবঅ। তার এক কিত্তেদি লেগা মজিম্ বেক্ চুরুনোরে দূর্ গুরি দিয়্যে অবঅ আর অন্য কিত্তেদি কধা মজিম মিজে শমক্ হেইয়্যেগুনোরেয়ো দূর্ গুরি দিয়্যে অবঅ।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।