পত্থম 41:53 - Chakma Bible

⁵³ ইয়েন পরেদি মিসর দেজর সয়সাগজ্যে ফসলর সাত বজর শেজ্ ওই গেলঅ।

পত্থম 41:53 ပူးပေါင်းရင်းမြစ်များ

পত্থম 41:52

সে পরেদি তে তার দ্বিলম্বর পুয়োবোর নাঙান্‌ রাগেল ইফ্রয়িম (যিয়েনর্ ভেদ্‌তান্ “ফলবান”)। তে কলঅ, “যে দেজত্‌ মুই দুঘ্ পেইয়োং সে দেজত্‌ গোজেনে মরে ফলবান গোজ্যে।”

পত্থম 41:54

সে পরেদি আরাম্ভ অল ভাদ-রাদর্ সাত বজর। যোষেফ কধা মজিম বেক্কানি অলঅ। কায়-কুরে দেজ্‌ছানিয়ো এ ভাদ-রাদত্তুন্‌ রেহাই ন-পেলঅ, মাত্তর্‌ গোদা মিসর দেজত্‌ কনঅ জাগাত্‌ হানার্‌ অভাব ন-এলঅ।

পত্থম 45:6

ভাদ-রাদ্ চলের্‌ এ দ্বিবজর ধুরিনে। ইবে আরঅ পাঁজ্‌ বজর্‌ সং চুলিবো। সেক্কে খেত-খেত্তি লাগেই ন-পারিবাক্‌ কাবিয়ো ন-পারিবাক্‌।

গীতসংহিতা 73:20

ঘুম ভাঙিলে মানজ্যর্ স্ববনান্ যেধোক্ক্যেন তুচ্চো ওই যায়, সেধোক্ক্যেন ও প্রভু, তুই জাগিলে তারায়ো তইদু তুচ্চো ওই যেবাক্।

লূকে লেখ্যে গম্ হবর্ 16:25

মাত্তর্ অব্রাহামে কলঅ, ইদোত্ তুলি চাহ্, তুই যেক্কে বাঁজি এলে সেক্কে কদক্ সুগ্ ভোগ্ গোজ্যস্ আর লাসারে কদক্ দুঘ্ পেইয়্যে। মাত্তর্ ইক্কিনে তে ইধু সান্তনা পার্ আর তুই দুঘ্ পর্।