পত্থম 41:51 - Chakma Bible

⁵¹ যোষেফে তা দাঙর্‌ পুয়োবো নাঙান রাগেল মনঃশি (যিয়েনর্ ভেদ্‌তান্ “মনত্‌ ন থানা”)। তে কলঅ, “গোজেনে মর্‌ বেক্‌ দুঃখানি আর মর্‌ বাব ঘরর্ কধানি মঅ মনত্তুন্‌ তুলি ফেলেয়্যে।”

পত্থম 41:51 ပူးပေါင်းရင်းမြစ်များ

পত্থম 41:30

আর সে পরেদি এজের্ সাত্তো ভাদ-রাদ বজর। সেক্কে আগ ধোক্ক্যেন বোউত্‌ ফসল কধা মান্‌জো মনত্তুন্‌ উদি যেব, কিত্তে এ ভাদ-রাদ্‌তো দেজ্‌ছানরে শেজ্ গুরি দিবো।

পত্থম 41:50

ভাদ-রাদ আগেদি ওন্‌ শঅর ধর্মগুরু পোটীফরর ঝি আসনত পেদত্‌ যোষেফর দ্বিবে পুয়োর জর্ম অলাক্।

পত্থম 41:52

সে পরেদি তে তার দ্বিলম্বর পুয়োবোর নাঙান্‌ রাগেল ইফ্রয়িম (যিয়েনর্ ভেদ্‌তান্ “ফলবান”)। তে কলঅ, “যে দেজত্‌ মুই দুঘ্ পেইয়োং সে দেজত্‌ গোজেনে মরে ফলবান গোজ্যে।”

পত্থম 48:1

ইয়েন কয়েকদিন পরেদি যোষেফে হবর্‌ পেলঅ, তা বাপ্পো অসুখ্‌ ওইয়্যে। সেক্কে তে তার্‌ দ্বিবে পুয়ো মনঃশি আর ইফ্রয়িমরে লগে নেযেইনে সিধু গেলঅ।

পত্থম 48:5

মুই তইধু এবার্‌ আগেদি তর্‌ দ্বিবে পুয়ো মিসরত্‌ জর্ম ওইয়োন তারারে মঅ পুয়ো ইজেবে ধরা অবঅ। রূবেণ আর শিমিয়োন যেধোক্ক্যেন মর্‌ সেধোক্ক্যেন ইফ্রয়িম আর মনঃশিয়ো মর্‌।

ইয়োব 11:16

সেক্কে তঅ দুঘ্‌কান্‌ হামাক্কাই তুই ভুলি যেবে, মনে গুরিবে সিয়েন্‌ যেনে বানা বেই যেইয়্যে পানি।

গীতসংহিতা 30:11

আবিলেচ্ গরানার অনুষ্ঠানত্তুন্ তুই মরে নাচর্ উৎসবত্ আন্যচ্; আবিলেচ্ গরানার কাবড়ানি খুলিনে তুই মরে ফুত্তি গুরিবার কাবড়ানি উরেয়োচ্,

গীতসংহিতা 30:5

কিয়া তা রাগকান্ বেশ্ ন-থায়; তার্ দোয়্যেলোই জিংকানি পাহ্ যায়। বানা কানদে কানদে রেত্তো কাদি যায়, মাত্তর্ বেন্যে পোত্যে হুজিগান্ এজে।

গীতসংহিতা 45:10

ও মিলেবো, শুন, মনান্ দে, কান পাদ। তঅ মানুচ্চুনোরে তুই ভুলি যাহ্, ভুলি যাহ্ তঅ বাবর্ ঘর কধানি।

গম্ উপদেজ্ 31:7

তারা সিয়েন হেইনে তারার অভাব কধা ভুলি যাদোক্, তারার দুঘ্‌‌কানি আর্ মনত্ ন-থোক্।

যিশাইয় 57:16

মুই উমরত্তে মান্‌জ্যরে দুষি ন-গুরিম বা মঅ রাগ্‌কান নিত্য তারা উগুরে ন-থেবঅ। যুনি থায় সালে মানুচ্, যে মানুচ্চোরে মুই বানেয়োং তারা দঅ মঅ মুজুঙোত্ শেজ্ ওই যেবাক্।

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

গণাণা 26:28

মনঃশি আর ইফ্রয়িমোর সংমোধ্যেন্দি যোষেফর বংশধর:

দ্বি’লম্বর বিররণ 33:17

তার মহিমাগান পত্তমে জর্মেয়্যে বলদ গোরু ধোক্ক্যেন, তা মাদাত্‌ আঘেদে ঝার্‌বো বলদ গোরুর শিং। সিগুন্‌দোই তে গুদেব দুনিয়ের বেক জাদরে, এন্‌ কি, ইয়েনর শেজ্‌ দুযিগানর্ জাদ্‌তুনোরেয়ো। এবাবোত্যে অবঅ ইফ্রয়িমর লাখ্ লাখ্ আর মনঃশির আজার আজার মানুচ্‌।”

যিহোশূয় 14:4

মনঃশি আর ইফ্রয়িম নাঙে যোষেফর দ্বিবে পূঅর্‌ মাধ্যমে দ্বিবে গুট্টির সৃট্টি ওইয়্যে। লেবীয়গুনে ভূইয়োর ভাগ ন-পেলাক্‌ ঠিগ্, মাত্তর্‌ তারা বজত্তি গুরিবার আর পযাপিরানি রাগেবাত্তে কয়েক্কান আদাম আহ্‌ শঅ‌র আর গোরু-ভেড়া ছাগল চোরেবাত্তে কায়-কুরে খলা পেলাক্‌।

যিহোশূয় 17:1

মনঃশি যোষেফর দাঙর্‌ পূঅ এলঅ‌ বিলিনে চাম্বা চানা মজিম তা গুট্টিবোরেয়ো এক্কান জাগা দিয়্যে ওইয়্যে। মনঃশির দাঙর্‌ পূঅবোর্‌ নাঙান্‌ এলঅ‌ মাখীর। মাখীরে অলদে গিলিয়দর বাপ্‌। মাখীরে এক্কো দাঙর্‌ যোদ্ধা এলঅ বিলিনে তে গিলিয়দ আর বাশনর অধিকারান আগে পেইয়্যে।

১ শমূয়েল 1:20

সেক্কে হান্না পিদিলী অলঅ আর অক্তবো অলে তার এক্কো পূঅ অলঅ। “মুই লগেপ্রভুর ইত্তুন্‌ তারে চেই নেযেয়োং,” ইয়েন কোইনে হান্না পূঅবোর নাঙান্‌ রাগেল শমূয়েল।