পত্থম 41:49 - Chakma Bible

⁴⁹ এবাবোত্যেগুরি তে সাগর ধূল্যেচর ধোক্ক্যেন বোউত্‌ শজ্য থুবেল। এদক্‌ বেশ্‌ শজ্য জমা ওইয়োন, সিগুন্‌ আর মাবা ন-গেলঅ। সেনত্যে তে সিগুন্‌ মাবানা মানা গুরি দিলো।

পত্থম 41:49 ပူးပေါင်းရင်းမြစ်များ

পত্থম 22:17

মুই ঘেচ্চেকগুরি তরে বোউত্‌ বর্ দিম্‌, আর আগাজ তারা ধোক্ক্যেন আর সাগর পার ধূল্যে চর ধোক্ক্যেন তমা বংশ মানুচ্চুনোরে গুণি ন-পুরেয়্যে গুরিম। তমা বংশ মানুচ্চুনে তারা শত্রুগুনোর শঅরানি জিদি নেযেবাক্,

পত্থম 41:48

সেক্কে যোষেফে সেই সাত বজর ধুরিনে মিসরর বেক্‌ রেজ্যগানির শোজ্যগুন্‌ শঅর গোলাঘরানিত্‌ থুবেই রাগেল। তে বেক্‌ শঅরানিত্‌ তা চেরোকিত্তে খেত-খেত্তিগানিত্তুন্‌ ফসল আনিনে থুবেল।

পত্থম 41:50

ভাদ-রাদ আগেদি ওন্‌ শঅর ধর্মগুরু পোটীফরর ঝি আসনত পেদত্‌ যোষেফর দ্বিবে পুয়োর জর্ম অলাক্।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

গীতসংহিতা 78:27

তে ধূল্যেচর ধোক্ক্যেন এরা ঝড় দিলো, সাগর পার বালুচর ধোক্ক্যেন পেগো ঝড় দিলো

যিরমিয় 33:22

মর্ চাগর দায়ূদোর বংশধরুনোত্তে আর যে লেবীয়গুনে মঅ মুজুঙোত্ থিয়্যেইনে সেবা-কাম্ গরন তারারে মুই আগাজ তারা ধোক্ক্যেন বাড়েই দিম্ আর সাগর-পার কোরোলী ধোক্ক্যেন গুরিম, যিগুন গণা ন-যায়।”

বিচের গুরিয়্যেগুন 6:5

তারা তারার্‌ য়েমান পালুন্‌ আর তাম্বুলানি লোইনে পংগপালুনোর ঝাগঅ ধোক্কেন্‌ এদাক্‌; তারার্‌ মানুচ্চুন আর উট্‌তুন্‌ গুণি ন-পুড়েইয়্যে। তারা দেজ্‌চান শেজ্‌ গুরি দিবার আজালোই এদাক্‌।

বিচের গুরিয়্যেগুন 7:12

মিদিয়নীয়, অমালেকীয় আর পূগঅ দেজর মানুচ্চুনে সেই কিজিঙো ভিদিরে পুগ্‌-যুগঅ ঝাঁগঅ ধোক্কেন্‌ এলাক্‌। তারার উট্‌‌তুন্‌ সাগর পার ধূল্যেচর ধোক্কেন্‌ গুণি ন-ফুরেইয়্যে।

১ শমূয়েল 13:5

পলেষ্টীয়গুনে সেক্কে ইস্রায়েলীয়গুনোর লগে যুদ্ধো গুরিবাত্তে একলগে এগত্তর্‌ অলাক। তারা সমারে ত্রিশ আজার রথ এলঅ, ছয় আজার ঘোড়া উগুরে সৈন্য সাগর-পারর্ ধূল্যে-চড় ধোক্ক্যেন গুণি ন-পুড়েয়্যে বোউত্ সৈন্য। তারা বেক্কুনে বৈৎ-আবনর পূগেন্দি মিক্‌মসত্‌ তাম্বুলানি ফেলেলাক্।