পত্থম 41:43 - Chakma Bible

⁴³ ইয়েন পরেদি তে যোষেফরে তা রেজ্যর্‌ দ্বিলম্বর্‌ রথতানত্‌ বোজেল। রথ চুলিবার্ সময় যোষেফর্ আগে আগে জানেই দিয়া অলঅ, “আদুগুন্‌ পাদ্, আদুগুন্‌ পাদ্।” এবাবোত্যেগুরি ফরৌণে যোষেফ উগুরে বেক্‌ মিসর্‌ দেজছান ভারান দিলো।

পত্থম 41:43 ပူးပေါင်းရင်းမြစ်များ

পত্থম 41:42

সে পরেদি ফরৌণে নিজো আদত্তুন্‌ সীলমর দিয়্যে আংদিক্কো খুলিনে যোষেফ আদত্‌ পিনেই দিলো। তে তারে দোল কাবর্‌ পিনে দিনেই তা গত্তনাত্‌ এক্কো সোনার নেগেলেস্‌ দিলো।

পত্থম 41:44

পরেদি তে যোষেফরে কলঅ, “যুদিয়ো মুই এজঅ সং রাজা আগং তো গোদা মিসর দেজ মানুচ্চুনে তঅ উগুমে উদোন-বজন্ গুরিবাক্।”

পত্থম 42:30

যে মানুচ্চো সে দেজর্‌ নেতা তে খুব দরমর গুরি আমা লগে কধা কোইয়্যে। তে মনে গোজ্যেদে আমি স্পাই ইজেবে সে দেজত্‌ যেইয়্যেই।

পত্থম 42:33

“সেক্কে সে মানুচ্চো, যিবে দেজর্‌ নেতাবো, তে আমারে কলঅ, ‘মুই ইয়েন্দোই বুঝি পারিম, তুমি গম্‌ মানুজ্‌ নাকি। তুমি তমার্‌ এক্‌ ভেইয়োরে মঅ ইধু রাগেইনে তমার উবোস্‌ থেইয়্যে পরিবারত্তে যিয়েনি দরকার্‌ সিয়েনি লোইনে যগোই,

পত্থম 42:6

যোষেফে এলঅ মিসর দেজর শাসনগুরিয়্যে। দেজর্‌ বেক্‌ মানুচ্চুনো ইধু শোজ্য বেজানার্‌ ভারান্‌ তা উগুরে এলঅ। সেনত্তে যোষেফ ভেইয়ুনে তা মুজুঙোত্‌ যেইনে মাদিত্‌ মাদা নিগিরিনে তারে জু জু জানেলাক্।

পত্থম 45:8

সেনত্তে দেগা যাত্তে, তুমি মরে ইধু ন-পাদঅ, গোজেনে পাদেয়্যে। তে মরে ফরৌণ বাবঅ জাগানত্‌ রাগেয়্যে আর তা পরিবারর্‌ গিরোজ্‌ বানেয়্যে। ইয়েন বাদেয়ো তে মরে গোদা মিসর দেজত্ শাজন্ গুরিবার্‌ খেমতাগান্‌ দিয়্যে।

পত্থম 50:18

ইয়েন পরেদি তা ভেইয়ুনে তা মুজুঙোত্‌ এইনে মাঢা নিগিরিনে কলাক্, “আমি তঅ চাগর্।”

পত্থম 50:9

ভালোক্কানি রথ আর ঘোড়াবাহিনী লোইনে তারা এক্কো দাঙর্‌ দল ওইনে যোষেফ লগে গেলাক্।

ইষ্টের 10:3

রাজা অহশ্বেরশর পরেন্দি যিহূদী মর্দখয়র পোজিশনান্ এলদে দ্বিলম্বরত্‌। তার্‌ বেক্‌ জাদ-ভেইয়ূনে তারে সর্মান আর কোচ্‌পানার চোগেন্দি দেগিদাক্‌, কিত্যে তে তা মানুচ্চুনোর ভালেদিত্তেই কাম্‌ গোজ্যে আর বেক্‌ যিহূদীগুনে গমেডালে থেবাত্তে চেট্ট্যা গোজ্যন্।

ইষ্টের 3:2

রাজঘরর্‌ গেদোত্‌ থেইয়্যে চুগিদারুনে আদু পাদিনে হামনরে সর্মান দেগেদাক্‌, কিত্যে রাজা তা পৌইদ্যেনে সেধোক্কেন্‌ উগুম্‌ দিয়্যে। মাত্তর্‌ মর্দখয়ে আদুয়ো ন-পাদিদো বা তারে সর্মান্অ ন-দেগেদ।

উপদেশক 4:14

সে গাবুজ্যেবো যুনিয়ো সে রেজ্যর্ এক্কো নাঢা পরিবারত্ জোর্মেয়্যে তো তে জেল্‌খানাত্তুন্ নিগিলিনে যেরেদি রাজা ওইয়্যে।

দানিয়েল 2:48

সে পরেদি দানিয়েলরে রাজা এক্কান দাঙর্ পোজিশন্ দিলো আর বোউত্ গম্ গম্ বক্‌‌‌শিজ্ দিলো। তে তারে গোদা বাবিল রেজ্যর্ আজল্ পরিচালক ইজেবে নেযেল আর তার্ বেক সল্লাদিয়্যেগুনোর্ ভারান্ তা উগুরে দিলো।

ফিলিপীয় 2:10

যেন স্বর্গত, পিত্‌থিমীত আর পিত্‌থিমীর মূঢ়োত্ যিগুনে আঘন্ সিগুনে বেক্কুনে যীশুর্ মুজুঙোত্ আঢু পাদিবাক্,