পত্থম 41:32 - Chakma Bible

³² এ স্ববনান্‌ রাজা বাবুরে দ্বিপল্লা দেগেয়্যে। ইয়েন অত্তগান অলঅ, গোজেনে এ পৌইদ্যেনে তা মনান্‌ ঠিগ্‌ গুরি ফেল্যে আর যাদিমাদি তে সিয়েন্‌ ঘোদেব।

পত্থম 41:32 ပူးပေါင်းရင်းမြစ်များ

পত্থম 37:7

মুই দেগিলুং, “আমি খেদত্‌ কাপ্যে শোজ্য আঢি বানির্; মাত্তর্‌ আমক্‌ অবার্‌ ইয়েন্‌, মঅ আঢিবো অজল ওই ঠিয়েল। সে পরেদি তমা আঢিগুন্‌ মঅ আঢিবোরে ঘিরি ঠিয়েইনে জু জু জানেলাক্।”

পত্থম 37:9

ইয়েন পরেদি যোষেফে আরঅ এক্কান স্ববন দেগিলো আর তা ভেইয়ুনোরে জানেল। তে কলঅ, “চঅ, মুই আরঅ এক্কান্‌ স্ববন দেক্কোং। মুই দেগিলুং বেলান, চান্নো আর এগারোবো তারা মরে জু জু জানাদন্।”

পত্থম 41:25

সেক্কে যোষেফে ফরৌণরে কলঅ, রাজাবাবু এ দ্বিয়েন্‌ স্ববন আজলে এক্কুই। গোজেনে যিয়েন্‌ গুরিবাত্তে যার সিয়েন্‌ তে রাজাবাবু মুজুঙোত্ ফগদাং গোজ্যে।

পত্থম 41:28

গোজেনে যিয়েন গুরিবাত্তে যার্‌ সিয়েন্‌ তে রাজা বাবুরে দেগেইয়্যে, আর সে কধাগান্‌ মুই রাজা বাবুরে কঙর্।

পত্থম 41:31

এ ভাদ-রাদ্‌‌‌তোত্তে দেজর্‌ গম দিনুনোর কধা মান্‌জো মনত্‌ ন-থেবঅ। এ ভাদ-রাদতো অবঅ দর্‌গরেপারা।

যিশাইয় 30:33

তোফত ধোক্ক্যেন্ পুড়িবার জাগা বোউত্ আগেত্তুন্ ধুরি সাজেই রাগা ওইয়্যে; সিবে রাজাবোত্তে যুক্কোল্ গরা ওইয়্যে। সে জাগায়ান্ গভীন্ আর পাদাজ্যে গরা ওইয়্যে, আর সিয়েনত্ আগুনোত্তে বোউত্ দার্‌বো আঘে। লগেপ্রভুর্ নিজেচ্চো জোল্‌জোল্যে গন্ধগর্ গঙার ধোক্ক্যেন ওইনে সিয়েনত আগুন ধোরেই দিবো।‍‌‍‌

দানিয়েল 2:45

ইয়েন অলঅ সেই মুড়োবোত্তুন্ কাবি নেযেয়্যে পাত্তর্ যিবে মান্‌‌জ্য আঢে কাবা ন-অয়। সেই পাত্তর্‌‌বো লুয়ো, পিদোল, মাদি, রূবো আর সোনাগানরে কট্টা কট্টা ভাঙি ফেলেয়্যে। ভবিচ্চদে যিয়েন ঘুদিবো সিয়েন এবাবোত্যেগুরি দাঙর্ গোজেনে মহারাজরে দেগেই দিয়্যে। স্ববনান্ সত্য আর সিয়েনর্ ভাঙিদেনায়ো বিশ্বেজ্ গুরিবার।”

গণাণা 23:19

গোজেনে দঅ মানুচ্‌ নয়দে যে, মিজে কধা কবঅ; মানুজোত্তুন্‌ তার্‌ জর্ময়ো নয় যে, তে মন বোদোলেব। তে যিয়েনি কবঅ সেধোক্ক্যেন গুরিবো, তার এগেমানি তে আমিঝে পূরোণ গরে।

মথি লেখ্যে গম্ হবর্ 24:35

আগাজ্ আর পিত্‌থিমীগান্ শেজ্ অবঅ, মাত্তর্ মঅ কধানি উমরত্তে থেবঅ।

মথি লেখ্যে গম্ হবর্ 25:34

ইয়েনর্ পরেদি রাজা তা ডেনেদি মানুচ্চুনোরে কবঅ, তুমি যিগুনে মঅ বাপ্পোর্ বর্ পেইয়ো, এজঅ। জগদর্ আরাম্ভত্ যে রেজ্যগান্ তমাত্তে যুক্কোল্ গুরি রাগা ওইয়্যে সিয়েনর্ অধিকারী অ।

মথি লেখ্যে গম্ হবর্ 25:41

পরেদি তে তার্ বাঙেদি মানুচ্চুনোরে কবঅ, ও অভিশাব্ পেইয়্যে মানুচ্চুন্, মত্তুন্ তুমি দূর্ অ। শদান্ আর তা দূত্‌তুনোত্তে যে উমর কালর্ আগুন যুক্কোল্ গরা ওইয়্যে সিয়েন ভিদিরে যঅ।

মার্ক 10:40

মাত্তর্ মঅ ডেনেদি বা বাঙেদি বোজেবার্ অধিকার মর্ নেই। সেই জাগায়ানি গোজেনে যিগুনোত্তে ঠিগ্ গরা আঘে তারা সিয়েন পেবাক্।”

১ করিন্হীয় 2:9

মাত্তর্ পবিত্র বোইবোর্ কধা মজিম, “গোজেনরে যিগুনে কোচ্‌‌পান তারাত্তে তে যিয়েন যিয়েন ঠিগ গুরি রাগেয়্যে, সিয়েনি কনজনে চোগেদিয়ো ন-দেগন্, কানেদিয়ো ন-শুনোন্ আর মনেদিয়ো ন-ভাবন্।”

২ করিন্হীয় 13:1

মুই এই তিন বার্ তমা ইধু এজঙর্‌। পবিত্র বোইবোত্ লেগা আঘে, “দুই বা তিনজন সাক্ষীর্ কধালোই এই বেক্ বেপারানি সত্য বিলিনে প্রমাণ অয়।”

ফগদাং পেইয়্যে 9:15

সেক্কে সেই চেরজন দূতোরে ইরি দিয়্যে অলঅ। এই বজরর্ এই মাস, এই দিন্নোত্ আর এ ঘন্টাবোত্যে সেই দুত্‌তুনোরে যুক্কোল্ গুরি থুয়ো ওইয়্যে যেন তারা তিন ভাগর এক ভাগ মান্‌জ্যরে মারে ফেলান।