পত্থম 41:30 - Chakma Bible

³⁰ আর সে পরেদি এজের্ সাত্তো ভাদ-রাদ বজর। সেক্কে আগ ধোক্ক্যেন বোউত্‌ ফসল কধা মান্‌জো মনত্তুন্‌ উদি যেব, কিত্তে এ ভাদ-রাদ্‌তো দেজ্‌ছানরে শেজ্ গুরি দিবো।

পত্থম 41:30 ပူးပေါင်းရင်းမြစ်များ

পত্থম 41:21

আজলে তারারে দেগিনে মনে ন-অলঅ, সে তেল্‌-তেল্যে গোরুগুন্‌ তারা হেই ফেলেয়োন, কিত্তে আগ ধোক্ক্যেন তারা চাদে বেশ্রী এলাক্। সে পরেদি মঅ ঘুমান ভাঙি গেলঅ।

পত্থম 41:27

পরেদি উদি এচ্চ্যে সাত্তো পিড়েধোজ্যে, বেশ্রী গোরু আর পূগে বোইয়্যের গরমে শুগেয়্যে চ'বা সাত্তো শীজে, এ দ্বিয়েনর্‌ অত্তগান অলঅ সাত্তো ভাদ-রাদ বজর।

পত্থম 41:31

এ ভাদ-রাদ্‌‌‌তোত্তে দেজর্‌ গম দিনুনোর কধা মান্‌জো মনত্‌ ন-থেবঅ। এ ভাদ-রাদতো অবঅ দর্‌গরেপারা।

পত্থম 41:51

যোষেফে তা দাঙর্‌ পুয়োবো নাঙান রাগেল মনঃশি (যিয়েনর্ ভেদ্‌তান্ “মনত্‌ ন থানা”)। তে কলঅ, “গোজেনে মর্‌ বেক্‌ দুঃখানি আর মর্‌ বাব ঘরর্ কধানি মঅ মনত্তুন্‌ তুলি ফেলেয়্যে।”

পত্থম 41:54

সে পরেদি আরাম্ভ অল ভাদ-রাদর্ সাত বজর। যোষেফ কধা মজিম বেক্কানি অলঅ। কায়-কুরে দেজ্‌ছানিয়ো এ ভাদ-রাদত্তুন্‌ রেহাই ন-পেলঅ, মাত্তর্‌ গোদা মিসর দেজত্‌ কনঅ জাগাত্‌ হানার্‌ অভাব ন-এলঅ।

পত্থম 41:56

এ ভাদ-রাদ্‌‌‌তো দেজর্‌ চেরোকিত্যে ছিদি পড়িলো। মিসর দেজত্‌ ভাদ-রাদ্ যেক্কে দর্‌গরে পারা ওই উদিলো সেক্কে যোষেফে বেক্‌ গোলাঘরানি খুলি দিলো আর মিসরীয়গুনো ইধু শোজ্য বেজা ধুরিলো।

পত্থম 47:13

পরেদি ভাদ-রাদ্‌‌তো এদক্‌ বেশ্‌ ওই উদিলোদে যে, গোদা দেজ্‌চানত্‌ কনজাগাত্‌ আর খানা ন-এলঅ। ভাদ-রাদ্‌তোর্ কারনে মিসর আর কনান দেজ্‌ছান্‌ এক্কুবারে থাদার ওই পুড়িলো।

২ শমূয়েল 24:13

গাদ যেক্কে দায়ূদো ইদু যেইনে কলঅ, “তঅ দেজত্‌ কি সাত বজর্‌ ধুরিনে ভাদরাত্‌ অবঅ? নাহি তুই শত্রুগুনোত্তুন্‌ লড়া হেইনে তিন মাস সং ধেই ধেই বেড়েবে? নাকি তিন দিন সং তঅ দেজত্‌ ভানা অবঅ? যে মরে পাদেয়্যে তারে মুই কি জবাব্ দিম্‌ তুই ইক্কিনে ভাবিনে মরে কঅ।”

১ রাজাবলী 17:1

গিলিয়দর তিশ্‌বী আদামর্‌ এলিয় আহাবরে কলদে, “মুই যিবের্‌ সেবা গরঙ্‌ ইস্রায়েলীয়গুনোর সে জেদা গোজেন লগেপ্রভুরে শমক্‌ গুরিনে কঙর্‌, মুই ন-কনা সং আগামিদি কয়েক্‌ বজর্‌ সং শিরোপানিয়ো ন-পুরিবো, ঝড়অ ন-পুরিবো।”

২ রাজাবলী 8:1

ইলীশায় যে মিলেবোর্‌ পুয়োবোরে জেদা গোজ্যে তারে তে কলঅ, “তুই তঅ ঘোর্বোগুন লোইনে যিয়েনত্‌ পারচ্‌ সিয়েনত্‌ যেইনে কয়েকদিন্‌ থাক্কোই, কিত্তে লগেপ্রভু এ দেজত্‌ ভাদরাত্‌ পাধেই দিবো, আর সিবে সাত্‌ বজর্‌ সং চলিবো।”

গীতসংহিতা 105:16

সে পরেন্দি তে তারার দেজত্ ভাদ রাত্ ডাগি আনিলো আর তারার হানা-দানার অভাব গুরি দিলো,

গম্ উপদেজ্ 31:7

তারা সিয়েন হেইনে তারার অভাব কধা ভুলি যাদোক্, তারার দুঘ্‌‌কানি আর্ মনত্ ন-থোক্।

যিশাইয় 65:16

দেজ ভিদিরে যে কনঅ মান্‌জ্যে বর্ পেবাত্তে চেবঅ তে সত্যময় গোজেন ইদু সিয়েন চেবঅ; দেজঅ ভিদিরে যে কনজনে শমক্ হেবাক্ তে সত্যময় গোজেন নাঙে সিয়েন গুরিবো; কিত্তে মানুচ্চুনে আগ দুঘ্‌‍‍কানি ভুলি যেবাক্ আর মঅ চোগো মুজুঙোত্তুন্ সিয়েনি লুগেই তুয়ো অবঅ।

লূকে লেখ্যে গম্ হবর্ 4:25

এ কধাগান সত্য যে, এলিয় সময়োত্ যেক্কে সাড়ে তিন বজর্ ঝড় ন-অয় আর বেক্ দেজ ইধু ভাদ-রাট্ ওইয়্যে সেক্কে ইস্রায়েল দেজত্ ভালোক্কুন্ রানি মিলে এলাক্।

যাকোব 5:17

এলিয় আমা ধোক্ক্যেন এক্কো মানুচ্‌ এলঅ। তে কোজোলী গুরিনে তবনা গুরিলো যেন ঝর্ ন-অয়, আর সাড়ে তিন বজর্ দেজত্ ঝর্ ন-অয়।