পত্থম 41:16 - Chakma Bible

¹⁶ জোবত্‌ যোষেফে ফরৌণরে কলঅ, “সে খেমতাগান মর্‌ নেই। মাত্তর্‌ গোজেনে রাজা বাবুর্ স্ববনর্‌ অত্তগান্‌ কোই দিইনে তা মনান্‌ শান্ত-গুরিবো।”

পত্থম 41:16 ပူးပေါင်းရင်းမြစ်များ

পত্থম 37:14

ইস্রায়েলে তারে আরঅ কলঅ, “তঅ ভেইয়ুনে আর ছাগল-ভেড়াগুন কি অবস্থাই আগন্‌ তুই যেইনে সে হবরান্‌ আন।” ইয়েন্‌ কোইনে তে যোষেফরে হিব্রোণ কিঝিঙোত্তুন্‌ পাদেল। যোষেফে যেক্কে শিখিমোত্‌ যেইনে লুমিলোগোই সেক্কে এক্কো মানুচ্‌ তারে মাঢ ভিদিরে ঘুরোঘুরি গত্যে দেগিনে পুযোর্‌ গুরিলো, “তুই কি তগর্?”

পত্থম 40:8

জোবত্‌ তারা তারে কলাক্, আমি দ্বিজনে এক্কান গুরি স্ববন দেক্ক্যেই, মাত্তর্‌ সিয়েন অত্তগান্‌ কোইদি পারন এবাবোত্যে মানুচ্‌ ইধু নেই। যোষেফে তারারে কলঅ, অত্তগান্‌ কোই দিবার্‌ খেমতা কি গোজেনর নেই? তমা স্ববনর্ কধাগান্‌ মরে কঅ ।

পত্থম 41:17

সেক্কে ফরৌণে যোষেফরে কলঅ, “স্ববনত্‌ দেলুং, মুই য়েল্ গাঙ পারত্‌ ঠিয়েই আগং,

পত্থম 41:25

সেক্কে যোষেফে ফরৌণরে কলঅ, রাজাবাবু এ দ্বিয়েন্‌ স্ববন আজলে এক্কুই। গোজেনে যিয়েন্‌ গুরিবাত্তে যার সিয়েন্‌ তে রাজাবাবু মুজুঙোত্ ফগদাং গোজ্যে।

পত্থম 41:28

গোজেনে যিয়েন গুরিবাত্তে যার্‌ সিয়েন্‌ তে রাজা বাবুরে দেগেইয়্যে, আর সে কধাগান্‌ মুই রাজা বাবুরে কঙর্।

২ রাজাবলী 6:27

জোবত্‌ রাজা কলঅ, “লগেপ্রভু যুনি বল্‌ ন-দে সালে মুই কুত্তুন্‌ তরে বল্‌ দিম্‌? খামারত্তুন্‌, না আংগুর মারেদে কলত্তুন্‌?”

দানিয়েল 2:47

রাজা দানিয়েলরে কলঅ, “তমা গোজেনে ঘেচ্চেকগুরি দেবেদাগুনোর্ গোজেন আর রাজাগুনোর গিরোজ্। মুই বুঝিলুং তে গুমুরো বিষয়ে ফগদাং গরে, কিত্যেই তুই এ গুমুরো বিষয়ান ফগদাং গুরি পাজ্যস্।”

দানিয়েল 4:2

দাঙর্ গোজেনে মত্তে যেদক্কানি চিহ্নো-কাম আর আমক্ কাম গোজ্যে সিয়েনি মুই হুজি ওইনে তমারে জানাঙর্।

সখরিয় 4:6

সেক্কে তে মরে কলঅ, “লগেপ্রভু সরুব্বাবিলরে এ হবরান দের্, ‘বল্ বা খেমতালোই নয়, মাত্তর্ মুই খেমতার অধিকারী লগেপ্রভু কঙর্, মর্ আত্মাগান্দোই তুই সফল অবে।

লূকে লেখ্যে গম্ হবর্ 19:42

তে কলঅ, “হায়, শান্তি পেবাত্যে যিয়েনি দরকার্, তুই, অয় তুই যুনি এচ্চ্যে সিয়েন্ বুঝি পাত্তে! মাত্তর্ ইক্কিনে সিয়েন তর্ চোগো আন্দালত্ রোইয়্যে।

প্রেরিত্‌ 3:12

শলোমন নাঙে যে বারান্দাগান এলঅ তারা সেক্কে সিয়েনত্ এলাক্। এ বেপারান্ দেগিনে পিতরে মানুচ্চুনোরে কলঅ, ইস্রায়েলীয়গুন, ইয়েন্দোই তুমি কিত্ত্যেই আমক্ অর্? আমা নিজো বল্লোই বা গোজেন উগুরে ভক্তির্ গুণে ইবেরে আঢিবার বলান্ দুয়োং মনে গুরিনে কিত্ত্যেই বা তুমি আমা ইন্দি রিনি চেই আঘঅ?

প্রেরিত্‌ 3:7

পরেদি তে মানুচ্চোর্ ডেন্ আঢ্‌‌তান্ ধুরিনে তারে তুলিলো আর সেক্কেনে তা টেঙানি আর টেঙমূড়িগুন দর অলঅ।

১ করিন্হীয় 15:10

মাত্তর্ ইক্কিনে মুই যিয়েন ওইয়োং সিয়েন গোজেনর্ দোয়্যেলোই ওইয়োং। মঅ উগুরে তার্ সেই দোয়্যেগান্ নিষ্ফল ন-অয়। মুই অন্য প্রচারগ্‌কুনোর্ বেক্কুনোত্তুন্ বেশ্ কাম গোজ্জ্যং; মাত্তর্ কাম যে মুই গোজ্জ্যং সিয়েন নয়, বরং মঅ উগুরে গোজেনর্ যে দোয়্যে আঘে সেই দোয়্যেগানে সিয়েন গোজ্জ্যে।

২ করিন্হীয় 3:5

মাত্তর্ সিয়েনর্ অত্তগান ইয়েন নয় যে, আমার্ নিজোত্তুন্ কনঅ কিজু গুরিবার্ খেমতা আঘে বিলিনে আমি দাবী গুরি পারিই, বরং আমার সেই যোগ্যতাগান্ গোজেনত্তুন্ এজে।

দ্বি’লম্বর বিররণ 29:29

ভিদিরে ভিদিরে বেক্কানি আমার গোজেন লগেপ্রভুর বেপার, মাত্তর্‌ ফগদাং পেইয়্যে বেক্কানি উমরত্যে আমার আর আমা ঝি-পূঅগুনোর, যেনে এ রীদি-সুদোমর্ বেক্‌ কধানি আমি পালন গুরি পারিই।