পত্থম 41:15 - Chakma Bible

¹⁵ সেক্কে ফরৌণ যোষেফরে কলঅ, “মুই এক্কান্‌ স্ববন্‌ দেক্কোং, মাত্তর্‌ কনজনে সিয়েনর্‌ অত্তগান্‌ কোই ন পার্‌দন। মুই শুনিলুংগে, তঅ মুজুঙোত্ স্ববন ঘটনাগান্‌ কলে তুই সিয়েনর অত্তগান কোই দি পারস্‌।”

পত্থম 41:15 ပူးပေါင်းရင်းမြစ်များ

পত্থম 40:8

জোবত্‌ তারা তারে কলাক্, আমি দ্বিজনে এক্কান গুরি স্ববন দেক্ক্যেই, মাত্তর্‌ সিয়েন অত্তগান্‌ কোইদি পারন এবাবোত্যে মানুচ্‌ ইধু নেই। যোষেফে তারারে কলঅ, অত্তগান্‌ কোই দিবার্‌ খেমতা কি গোজেনর নেই? তমা স্ববনর্ কধাগান্‌ মরে কঅ ।

পত্থম 41:8

মাত্তর্‌ বেন্যে মাদান্ তা মনান কেন্‌জান্‌ চুলুবুল্যে ওই উদিলো। তে মানুচ্‌ পাদেইনে মিসর দেজ বেক্‌ যাদুগরুনোরে আর গোণোক্ক্যে গুনোরে ডাগি আনিলো। তে স্ববনত্‌ যিয়েন্‌ দেক্কে সিয়েন্‌ তারা ইধু কলঅ, মাত্তর্‌ কনজনে সিয়েন অত্তগান কোই দি ন-পারিলাক্।

২ বংশধর 26:5

সখরিয় অক্তত্‌ তে গোজেনর আওজ্ মজিম্‌ চলিদো। গোজেনরে দোরেবাত্তে সখরিয় তারে শল্লা দিদো। যেদকদিন তে লগেপ্রভুর আওজ্ মজিম্‌ চলিদো সেদকদিন গোজেনেয়ো তারে সফলতা দান গোজ্যে।

গীতসংহিতা 25:14

লগেপ্রভুরে যিগুনে ভোক্তি গরন্ তারা ইদু তে তার্ হবর্ ন-পেইয়্যে উদ্দেশ্যগানি ফগদাং গরে, আর তার্ থিদেবর্ গোজ্যে সুদোমানি তে তারারে জানায়।

দানিয়েল 2:3

রাজা তারারে কলঅ, “মুই এক্কান স্ববন দেখ্যং; সিয়েনর্ ভেদ্‌তান্ বুঝিবাত্তে মঅ মনান্ ওলোজোলো ওইয়্যে।”

দানিয়েল 4:18

“ইয়েন সেই স্ববনান্ যিয়েন মুই রাজা নবূখদ্‌নিৎসর দেখ্যং। ইক্কিনে ও বেল্টশৎসর, তুই ইয়েনর ভেদ্‌তান্ কি কঅ? মঅ রেজ্যর্ কনঅ সল্লাদিয়্যে ইয়েনর্ ভেদ্‌তান্ মরে কোই দি ন-পারন; মাত্তর্ তুই পারিবে, কিত্যে তঅ ভিদিরে পবিত্র এমন কিজু আঘে যিয়েনি এ পিত্‌‌থিমীত্ নয়।”

দানিয়েল 4:9

মুই কলুং, ও যাদুকরর্ আজল্লো বেল্টশৎসর, মুই হবর্ পাং তঅ ভিদিরে সুদ্ধো-সাংগ এমন কিজু আঘে যিয়েনি এ পিত্‌‌‌থিমীর নয় আর কনঅ গুমুরো বিষয় হবর্ পানা তইদু অমকদ আঘাত্যে নয়। মর্ এ স্ববনানর্ ভেদ্‌তান্ তুই কোই দে।

দানিয়েল 5:12

তে দানিয়েল নাঙে এ মানুচ্চোরে বেল্টশৎসর বিলি ডাগিদো। তা ভিদিরে অমকদ গুণ, জ্ঞান, বুদ্ধি, স্ববনর্ ভেদ্‌তানি কোই দিবার খেমতা, গুমুরো কধানি ভাঙি দেনা আর আঘাত্যে ভেজালানি জোব্ দিবার খেমতা দেগা যেইয়্যে। তুই দানিয়েলরে ডাগিনেই আন্; এ লেগাগানর ভেদ্‌তান্ তেয়ই তরে কোই দিবো।”

দানিয়েল 5:14

মুই শুন্যং তঅ ভিদিরে এমন কিজু আঘে যিয়েনি এ পিত্‌‌থিমীর নয়, আর তঅ ভিদিরে বুঝিবার খেমতা, বুদ্ধি আর বিশেষ জ্ঞান আঘে।

দানিয়েল 5:16

ইক্কিনে মুই শুনিলুং যে, তুই গুমুরো বিষয়র্ ভেদ্‌তান্ কোই দিদে আর দরমর সমস্যার সমাধান দি পারচ্। তুই যুনি এ লেগাগান পড়িনে মরে সিয়েনর ভেদ্‌তান্ কোই দি পারচ্ সালে তরে বিগুনো রঙ কাবড় উরো অবঅ আর গত্তনাত্ সনার নেগেলেচ্ দিয়্যে অবঅ আর তুই এই রেজ্যর্ তিনজন রাজা ভিদিরে একজনর পোজিশন্ পেবে।”