পত্থম 40:19 - Chakma Bible

¹⁹ এই তিন দিনো ভিদিরে ফরৌণে তঅ মাদাবো কাবি নেযেইনে কিয়্যেগান্‌ গাজত্‌ টাঙেই রাগেব, আর পেক্কুনে এইনে তঅ কিয়্যেগানত্তুন্‌ যেরা খুদি খুদি হেবাক্।”

পত্থম 40:19 ပူးပေါင်းရင်းမြစ်များ

পত্থম 40:13

এ তিন দিনো ভিদিরে ফরৌণে তরে ইয়োত্তুন্‌ নিগিলেই নিইনে পুরোণি কামত্‌ অদে অদে লাগেব। পানীয় দিয়্যে ইজেবে তুই আগ ধোক্ক্যেন গুরি আরঅ ফরৌণ আদত্‌ গলচ্চো তুলি দিবে।

পত্থম 40:17

উগুরে খাড়াঙোত্‌ এলঅ ফরৌণত্তে নানান্ বাবোত্যে রুটি আর পিদে। মাত্তর্‌ পেক্কুনে এইনে মঅ মাঢাবো উগুরে সেই খাড়াঙোত্তুন্ হা ধুরিলাক্।”

পত্থম 40:18

জোবত্‌ যোষেফে কলঅ, “ইয়েন্‌ অলঅ তঅ স্ববনর্‌ অত্তগান। তিননো বস্তার্ অত্ত তিন দিন।

পত্থম 40:20

এই তিন্‌ দিনোত্‌ ফরৌণে তা তলেদি যে মানুচ্চুনে কাম্‌ গুরিদাক্‌ তারারে এক্কো হানা হাবেল। সেদিন্যে এলঅ তার্‌ জর্মদিন। ফরৌণে সেদিন্যে তার্‌ পানীয় ভাগগুরি দিয়্যেগুনোর নেতাবোরে আর রুটি বানেয়্যেগুনোর নেতাবোরে নিগিলেনে সে মানুচ্চুনো মুজুঙোত্ আনিলো।

পত্থম 40:22

মাত্তর্‌ রুটি বানেইয়্যে নেতাবো কিয়্যেগান্‌ তে গাজত্‌ টাঙেই রাগেল। যোষেফে তারা স্ববনর্‌ অত্তগান্‌ যেবাবোত্যে কোইয়্যে তারা উগুরে সিয়েন ঘুদিলো।

পত্থম 41:13

তে আমা স্ববনর্‌ যে অত্তগান কোইদিয়্যে ঠিগ্‌ সেধোক্ক্যেন বেক্কানি ঘুদিলো। রাজা বাবু আরঅ মরে মঅ কামানত্‌ অদে অদে নেযেল মাত্তর্‌ রুটি বানেয়্যেবোরে গাজত্‌ টাঙেই রাগেল।

২ শমূয়েল 21:10

অয়ার ঝি রিস্পা বস্তা নেযেইনে এক্কো পাত্তর উগুরে নিজোত্তে বিজেই রাগেল। পত্তম ফসল কাবানার অক্তত্তুন্‌ ধুরি আরাম্ভ গুরিনে যেদকদিন সং সে কিয়্যেগানি উগুরে আগাজত্তুন্‌ ঝড় ন-পড়িলো সেদকদিন সং তে দিনোত্ পেক্কুনোরে আর রেদোত্‌ ঝাড়্‌বো য়েমানুনোরে সেই মরাকিয়্যেগানি রোক্ষ্যে গুরিলো।

২ শমূয়েল 21:6

তা বংশর সাতজন মরদরে আমা আাঢত্‌ তুলি দে। আমি লগেপ্রভুর বেঈ লোইয়্যে সে মানুচ্চুনোরে, অত্তাৎ শৌলর শঅর্‌ গিবিয়াতদ্‌ লগেপ্রভুরে সাক্ষী রাগেইনে তারারে মারে ফেলেবং আর বেক্কুনো মুজুঙোত্‌ তারার্‌ মরাকিয়্যেগানি ফেলেই রাগেবং।” সেক্কে রাজা কলঅ, “মুই তমা আঢত্‌ তারারে তুলি দিম্‌।”

গম্ উপদেজ্ 30:17

যে চোগ্‌‌কুনে বাবরে ঠাট্টা গরন্ আর মাবোর বাধ্য অবাত্তে ঈচ্ গুরিনে অস্বিগের্ গরন্, সে চোগ্‌‌কুন কলগ কবাগুনে কুদি কাদায় নিগিলে দিবাক্, আর শকুন ছঅগুনে সিগুন হেই ফেলেবাক্।

যিহিষ্কেল 39:4

ইস্রায়েলর মুড়োমুড়ি উগুরে তুই, তর্ বেক সৈন্যগুন আর তঅ লগে জাদ্‌‌‌তুনে পড়ি থেবাক্। মুই তরে শকুন আর ঝার য়েমানুনোরে হানা ইজেবে দিম্।

প্রেরিত্‌ 20:27

কিয়া গোজেনে কি চায় সিয়েন তমারে জানেবাত্তে মুই কনদিন্অ পিজেদি ন-ফিরোং।

গালাতীয় 3:13

রীতি-সুদোম্ অমান্য গরানার ফলে যে অভিশাব্‌পান আমা উগুরে এলঅ, খ্রীষ্ট সে অভিশাব্‌পান নিজো উগুরে লোইনে আমারে উদ্ধোর্ গোজ্জ্যে। পবিত্র বোইবোত্ এ কধাগান্ লেগা আঘে, “যিবেরে গাজত্ টাঙা অয় তে অভিশাব্ পেইয়্যে।”

যিহোশূয় 10:26

সে পরেন্দি যিহোশূয় সে রাজাগুনোরে মারে ফেলেইনে পাচ্চো গাজত্‌ তারারে টাঙেই দিলো। বেল্যেমাদান্ সং তারার কিয়্যেনি গাজত্‌ টাঙেয়্যে রলঅ।

যিহোশূয় 8:29

তে অয় শঅরর্‌ রাজাবোরে মারে ফেলেইনে সাজোন্যে সং গাজত্‌ টাঙেই রাগেল। সাজোন্যে অক্তত্‌ তে তার কিয়্যেগান্‌ গাজত্তুন লামেইনে শঅরর্‌ গেদোত্‌ চমিবার পথ্‌তানত্‌ ফেলে দিবাত্তে উগুম্‌ দিলো। মানুচ্চুনে তা উগুরে পাত্তর দিইনে এক্কো দাঙর্‌ কুড়্ গুরি রাগেলাক্‌। সিবে এজঅ‌ আঘে।

১ শমূয়েল 17:44

তে দায়ূদরে আরঅ কলঅ, “উজেই আয়; মুই তর্‌ কিয়্যের্‌ য়েরাগান আগাজর্‌ পেক্কুনোরে আর ঝারর্‌ য়েমানুনোরে হেবাত্তে দিম্‌।”

১ শমূয়েল 17:46

লগেপ্রভু এচ্চ্যে দিনোত্‌ তরে মর্‌ আঢত্‌ তুলি দিবো। মুই তরে আঘাত গুরিম আর তর্‌ মাঢাবো কাবি নেযেম্‌। এচ্চ্যেই মুই পলেষ্টীয় সৈন্যগুনোর মরাকিয়্যেনি আগাজর পেক্কুনোরে আর পিত্‌থিমীর য়েমানুনোরে হেবাত্তে দিম। সিয়েনি দেগিনে পিত্‌থিমীর বেক্কুনে জানি পারিবাক্, ইস্রায়েলীয়গুনোর পক্ষে গোজেন বিলিনে একজন আঘে।