পত্থম 4:22 - Chakma Bible

²² সিল্লার পেদত্‌ তূবল-কয়িনোর জর্ম অলঅ। পিদোল আর লোয়ার নানান্‌ বাবোত্যে মিশিন বানানা তার কাম। তূবল-কয়িন বোন্নোর্ নাঙান এলঅ নয়মা।

পত্থম 4:22 ပူးပေါင်းရင်းမြစ်များ

পত্থম 4:21

যাবল ভেইবোর্ নাঙান্‌ এলঅ যূবল। যিগুনে বীণা আর বাঁশী বাজান যুবল তারার বেক্কুনোর আগ মানুচ্‌।

পত্থম 4:23

একদিন্যে লেমকে তার দ্বিবে মোগরে কলঅ, “ আদা আর সিল্লা, তুমি মঅ কধাগান শুনো; লেমক মোক্কুন্, মঅ কধাগান শুনো। যে মানুচ্চ্য মরে আঘাত্‌ গোজ্যে, অত্তাৎ যে গাবুজ্যেবো মঅ কিয়্যেত্‌ আত্‌ তুল্যে, মুই তারে মারে ফেল্যং।

২ বংশধর 2:7

“মঅ‌ বাপ্পো দায়ূদে কাবিল্‌ কালিগরুনোরে ঠিগ্‌ গুরি রাগেয়্যে যিগুনে ইক্কিনে যিহূদা আর যিরূশালেমত্‌ মইদু আগন্‌। তারার্‌ লগে কাম্‌ গুরিবাত্তে তুই মরে এন্‌ এক্কো কাবিল্‌ কালিগর পাধেই দে যে সোনা-রূবো, পিদোল আর লুয়োর্‌ কামানি, বিগুনো রঙর্‌, রাঙা আর য়েল্‌ রঙর্‌ সুদোর্‌ কামানি আর কাবিনে লেগেদে কামানি গুরি জানে।

যাত্রা 25:3

তারা যেন এই উপোহারানি আনন: সনা, রূবো আর পিদোল:

গণাণা 31:22

সনা, রূবো, পিদোল, লো, টোন্, সিজে আর যিয়েনি আগুনো গরমে বর্‌বাদ্ ন-অয় সিয়েনি আগুনোর্‌ ভিদিরেন্দি তমাত্তুন্‌ চালেই যাহ্ পুরিবো, সে পরেদি সিয়েনি সিজি অবঅ। মাত্তর্‌ তো সিয়েনি সিজি গরেদে পানিলোই শুদ্ধো গুরি নেযা পুরিবো। যিয়েনি আগুনো গরমে বর্‌বাদ্ ওই যায় সিয়েনি সিজি গরেদে পানিত্‌ ভুরে থঅ পুরিবো।

দ্বি’লম্বর বিররণ 33:25

লুয়ো আর পিদোল ডাল্লোই তার কায়কুরে দোরান্‌ বান্যে থেবঅ। যেদকদিন তে বাঁজি থেবঅ সেদকদিন তার কিয়্যেত বল্‌ থেবঅ।”

দ্বি’লম্বর বিররণ 8:9

সে দেজত্‌ তুমি পেবা নানান্‌ বাবোত্যে খানা আর কনঅ কিজুর্‌ অভাব তমাত্তুন্‌ ন-থেবঅ। সিদুগোর্‌ পাত্তরুনোত্‌ আঘে লুয়ো। সিদুগোর্‌ মুড়োবোত্তুন্‌ তুমি তামা খুঁড়িনে তুলি পারিবা।