পত্থম 4:17 - Chakma Bible

¹⁷ পরেদি কয়িনে তা মোক্কো ইধু গেলে তে পিদিলী অলঅ আর হনোকর্ জর্ম অলঅ। সেক্কে কয়িনে এক্কান শঅর্ বানেল। তে তার্ পুয়োবো নাঙান ঢগে শঅরান নাঙান রাগেল হনোক।

পত্থম 4:17 ပူးပေါင်းရင်းမြစ်များ

পত্থম 11:4

তারা কলাক্, “এজঅ, আমি আমাত্তে এক্কান্‌ শঅর্‌ বানেই আর এন্‌ এক্কান অজল ঘর বানেবং যিয়েনর মাদাবো যেইনে আগাজত্‌ লুমিবো। সিয়েনত্‌ আমার সুনাঙ্অ অবঅ আর আমি গোদা পিত্‌থিমীগানত্‌অ ছিদি ন-পড়িবোং।”

পত্থম 4:16

ইয়েন পরেদি কয়িনে লগেপ্রভুর্ মুজুঙোত্তুন্ যেইনে এদনর্ পূগেদি নোদ নাঙে এক্কান দেজত্‌ বজত্তি গরা ধুরিলো।

পত্থম 4:18

হনোক পুয়োবোর নাঙান্‌ ঈরদ; ঈরদ পুয়োবোর নাঙান্‌ মহূয়ায়েল; মহূয়ায়েল পুয়োবোর নাঙান্‌ মথুশায়েল; মথুশায়েল পুয়োবোর নাঙান্‌ লেমক।

পত্থম 5:18

যেরদর একশঅ বাষট্টি বজর বয়জত্‌ তার পুয়ো হনোকর জর্ম অলঅ।

পত্থম 5:22

মথূশেলহর জর্মানার পরেদি তিনশ বজর সং গোজেন লগে হনোকর উদো-লোলি এলঅ। এ ভিদিরে তার আরঅ ঝি-পুয়ো ওইয়োন্।

২ শমূয়েল 18:18

অবশালোমে যেক্কে জেদা এলঅ সেক্কে তে তার নিজোত্তে থুনি আনিনে রাজার কলগত্‌ থিদেবর্ গুরিলো। তে কলদে, “মঅ নাঙান্‌ রোক্ষ্যে গুরিবাত্তে মর্‌ কনঅ পূঅ নেই।” সেনত্তেই তে তার নিজোর্‌ নাঙে থুনিবোর্‌ নাঙান্‌ দিলো। এজঅ সে থুনিবোরে অবশালোমর্ থুনি কন্‌।

গীতসংহিতা 49:11

তারা মনে গরন্দে তারার ঘর-বাড়ীগানি থিবেবর্ আঘে, তারার থেবার জাগায়ানি বংশর পর বংশ ধুরিনে থেবঅ, সেনত্তেই নিজোর নাঙে তারা সোম্বোত্তিগানির নাঙ্ দুয়োন।

গীতসংহিতা 49:12

মাত্তর্ মানুচ্ তাগোয়্যে-মানীবলা অলেয় উমরত্যে নয়; তে য়েমানুনো ধোক্ক্যেন্ ভস্ত ওই যেবঅ।