পত্থম 4:10 - Chakma Bible

¹⁰ সেক্কে লগেপ্রভু কলঅ, “ইয়েন তুই কি গোজ্যচ্? চাহ্, ভুইয়োত্তুন্ তঅ ভেইবোর্ লোগানে মইধু এইনে কানের্‌।

পত্থম 4:10 ပူးပေါင်းရင်းမြစ်များ

পত্থম 18:20

সে পরেদি লগেপ্রভু কলঅ, “সদোম আর ঘমোরা বিরুদ্ধে অমকদ গন্দগুল্‌ চলের্‌, আর তারার্‌ পাপঅ বেশ্‌ ওইয়্যে।

পত্থম 3:13

সেক্কে লগেপ্রভু গোজেনে সে মিলেবোরে কলঅ, “তুই ইয়ান্‌ কি গোজ্যচ্‌?” মিলেবো কলঅ, “সেই সাপ্পো মরে ছলনা গুরি ভুলেয়্যে সেনত্যে মুই সিগুন হেইয়োং।”

পত্থম 9:5

কনজনে যুদি তমারে খুন গরন্‌ সালে মুই হামাক্কায় তমার লোগানি বদলে তার লোগান, অত্তাৎ তা পরাণান্‌ দাবি গুরিম্‌, তে য়েমান ওক্‌ বা মানুচ্‌ ওক্‌। মান্‌জ্য পরাণান্‌ যে মানুচ্চো নেজেব সিবে পরাণান্‌অ নেযা অবঅ-ইয়েন মর্‌ দাবি।

২ রাজাবলী 9:26

‘মুই লগেপ্রভু কঙর্‌, গেল্যেকেল্যা মুই নাবোত আর তা পুয়োগুনোর্‌ লো-গানি দেখ্যং, আর এ ভূইয়ান উগুরে তত্তুন্‌ হামাক্কাই মুই সিয়েনির হেনা সুজিম্‌।’ সালে তুই ইক্কিনে লগেপ্রভুর কধা মজিম তারে তুলি নেযেইনে সে ভূইয়ানত্‌ ফেলেই দে।”

২ বংশধর 28:9

ওদেদ নাঙে লগেপ্রভুর এক্কো ভাববাদী শমরিয়াত্‌ এলঅ। সৈন্যদলুনে যেক্কে শমরিয়াত্‌ ফিরি এত্তন্‌ সেক্কে তে তারা লগে দেগা গুরিনে কলঅ, “তমা পূরোণি মানুচ্চুনোর গোজেন লগেপ্রভু যিহূদা উগুরে অমকদ বেজার্‌ ওইয়্যে বিলিনে তে তারারে তমা আঢত্ তুলি দিয়্যে। মাত্তর্‌ রাগর্‌ সুরে তুমি তারারে যেধোক্ক্যেন গুরিনে মারে ফেল্য সে কধাগান স্বর্গয়ান সং লুম্মেগি।

ইয়োব 16:18

ও পিত্‌থিমীগান্‌, মঅ লো-গান্‌ ঢাগি ন-দিজ; মঅ কানানাগান্‌ যেনে আমিঝে শুনো যায়।

ইয়োব 24:12

শঅরর্ ভিদিরে মানজ্যর্ আবিলেচ্ হানাগান্ শুনো যার্, আঘাত পেইয়্যে মানুচ্চুনে সাহায্যত্তে রঅ ছাড়দন্; মাত্তর গোজেনে তারা কানানিলোই মনান্ ন-দে।

গীতসংহিতা 50:21

ইয়েনি তুই গোজ্যস্, মাত্তর্ মুই মুয়োন ন-খুলোং; তুই মনে গোজ্যস্‌চে মুই তঅ ধোক্ক্যেন এক্কো, মাত্তর্ মুই তর্ দুষ্‌ছান দেগেই দিম আর তর্ বেক্কানি তর্ চোগোর মুজুঙোত্ এক্কান এক্কান গুরি তুলি ধুরিম।

গীতসংহিতা 72:14

অত্যেচার আর আক্রমণ আঢত্তুন্ তে তারার পরাণানি রোক্ক্যে গুরিবো; তা চোগেন্দি তারার লুওর দাম বোউত্।

গীতসংহিতা 9:12

কিয়া যিবে লো ঝরানার্ হেনা সুজে তে মারে ফেলেয়্যে মানুচ্চুনোরে ভুলি ন-যায়, দুঘি মানুচ্চুনোর্ কানানিগানি তে এলাফেলা ন-গরে।

গীতসংহিতা 9:13

ও লগেপ্রভু, মঅ উগুরে দোয়্যে গর্; চাহ্, মঅ শত্রুগুনে কিবাবোত্যে গুরিনে মরে অত্যেচার গত্তন্। মরণর্ দোরোত্তুন্ তুই মরে তুলি আন্,

যাত্রা 3:7

লগেপ্রভু কলঅ, “মিসর দেজত্‌ মঅ মানুচ্চুনো উগুরে যে অত্যেচার অর্‌ সিয়েন মর্‌ চোগোর বারেদি নয়। মিসরীয় সদ্দারুনোর্‌ অত্যেচারত্‌ ইস্রায়েলীয়গুনে যে কানা-কুদি গরদন্ সিয়েন মুই শুন্যং। তারা দুগোর্‌ কধানি মুই হবর্‌ পাং।

যিশাইয় 5:7

বেগত্তুন্ খেমতাবলা লগেপ্রভুর আংগুর খেদ্‌তান অলঅ ইস্রায়েল-বংশর মানুচ্চুন্; আর যিহূদার মানুচ্চুন্ অলাক্ তার হুজি অইদ্যে আংগুর-চারা। তে দোল্ বিচের্ তোগেল মাত্তর্ দেগিলোদে লো ঝড়ানা; তে গমান্ তোগেল মাত্তর্ শুনিলোদে দুঘোর্ কানানি।

গণাণা 35:33

তুমি তমার্‌ দেজ্‌ছানরে ফিবলা ন-গুরিবা, কিত্যে লো নিগিলিলে দেজ্‌ছান ফি-বলা অয়। যে দেজত্‌ লো নিগিলে-নিগিলি ওইয়্যে লো দিয়োবোর্‌ লো বাদে আর কেধোক্ক্যেনগুরি সেই দেজর্‌ ফি-বলাগান্‌ ঢাগি দিয়্যে ন-যায়।

প্রেরিত্‌ 5:3

সেক্কে পিতরে কলঅ, “অননিয়, কেধোক্ক্যেন্ গুরিনে শদানে তঅ মনান্ এবাবোত্যেগুরি গজক্ গুরিলো যে, তুই পবিত্র আত্মা ইধু মিজে কধা কলে আর ভূই বেস্যে টেঙাত্তুন্ কিজু নিজোত্তে থোই দিলে?

প্রেরিত্‌ 5:9

সেক্কে পিতরে তারে কলঅ, “প্রভুর আত্মাগানরে যগা চেবাত্যে কিত্ত্যেই তুমি একযদা অলা? চাহ্, যে মানুচ্চুনে তঅ নেক্কোরে গোর্ দুয়োন তারা দোরান কুরে এইনে লুম্মোন্দি, আর তারা তরেয়ো বারেদি নেযেবাক্।”

দ্বি’লম্বর বিররণ 21:1

তমার গোজেন লগেপ্রভু যে দেজ্‌ছান গজক্ গুরিবাত্তে তমারে দিবাত্তে যার্‌ সিদুগোর্‌ কনঅ মাদত্‌ অয়ত কাররে খুন্‌ ওইনে পড়ি থাগদে দেগা যায়, মাত্তর্‌ কন্না তারে খুন গোজ্যে সিয়েন্‌ জানা নেই।

ইব্রীয় 11:4

বিশ্বেজত্যে কয়িনোত্তুন্ হেবলর্ উৎসর্বগান গোজেন চোগেদি আরঅ গম এলঅ। তার্ বিশ্বেজত্যে গোজেনে তা উৎসর্বগান মানি লোইনে তা পৌইদ্যেনে এ সাক্ষ্যগান দিয়্যেদে, তে নিদ্দুজি। যুনিয়ো হেবলে মুরি যেয়্যে তো তার্ বিশ্বেজ্‌চান্দোই তে এজঅ কধা কর্।

ইব্রীয় 12:24

যিবে এক্কান নূয়ো সুদোমর্ কারিদ্যেং সেই যীশু ইধু এচ্চ্য; আর হেবল লো-গানত্তুন্ যে লো-গান্ আরঅ গম্ কধা কয়, তুমি সেই ছিদি দিয়্যে লো কায়কুরে এচ্চ্য।

যাকোব 5:4

তমা খেদত্ যে কাম গুরিয়্যেগুনে ফসল কাপ্প্যন্ তুমি তারারে বেতন ন-দুয়ো; আর চঅ, সেই বেতনুনে ইক্কিনে রঅ ছাড়িনে তমারে দুষি বানাদন্। বেগত্তুন্ খেমতাবলা প্রভুর কানত্ সেই কাম গুরিয়্যেগুনোর রঅ ছাড়ানাগানি লুম্মেগোই।

যিহোশূয় 7:19

যিহোশূয় সেক্কে আখনরে কলঅ, “বাবা, সত্য কধা কোইনে ইস্রায়েলীয়গুনোর গোজেন লগেপ্রভুরে বাঈনী গর্‌, তার বাঈনী গর্‌; তুই যিয়েনি গোজ্যচ্‌ সিয়েনি মরে কঅ‌, ন-লুগেজ্।”

১ শমূয়েল 13:11

শমূয়েলে তারে কলঅ, “তুই ইয়েন কি গোজ্যস্‌?” জোবত্‌ শৌল কলঅ, “মুই দেগিলুঙে, মানুচ্চুনে মঅ মুজুঙেত্তুন আঢি যাদন্‌ আর ঠিগ্ সময়োত্‌ তুইয়ো ন-এলে, আরঅ পলেষ্টীয়গুনেয়ো ইন্দি মিক্‌মসত্‌ এইনে এগত্তর্‌ ওইয়োন।