পত্থম 4:1 - Chakma Bible

¹ আদমে তা মোক্কো হবা ইধু গেলে হবা পিদিলী অলঅ, আর কয়িন নাঙে তার এক্কো পুয়ো অলঅ। সেক্কে হবা কলঅ, “লগেপ্রভু মরে এক্কো মরদ্‌ পুয়ো দিলো।”

পত্থম 4:1 ပူးပေါင်းရင်းမြစ်များ

পত্থম 3:15

মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

পত্থম 3:24

এধোক্ক্যেন গুরি তে তারারে ধাবেই দিলো। সে পরেদি তে জীংকানি-গাজ্‌চো ইধু যেবার পথ্‌তান্ চুগি দিবাত্তে এদন বাগান পূগেদি করূব্‌পুনোরে রাগেল, আর সে সমারে সিয়োত্‌ এক্কান জোল্‌জোল্যা খড়্‌গঅ রাগেল যিয়েনে নিত্য ঘুরোনাত্‌ থেলঅ।

পত্থম 4:2

পরেদি তা পেদত্‌ কয়িন ভেই হেবলর জর্ম অলঅ। হেবলে ভেড়া পাল্‌ চোরেদ আর কয়িনে ভূইয়ো কাম্‌ গুরিদো।

পত্থম 4:25

পরেদি আদমে আরঅ তা মোক্কো ইধু গেলঅ সেক্কে তা মোক্কোর্ এক্কো পুয়ো অলঅ। তা মোক্কো সিবে নাঙান্‌ রাগেল শেথ। হবা কলঅ, “কয়িন হেবলরে মারে ফেলেইয়্যে বিলি গোজেনে হেবল জাগানত্‌ মরে আরঅ এক্কো পুয়ো দিলো।”

পত্থম 5:29

তে কলঅ, “আমার বেক্‌ কামানির্‌ ভিদিরে, আজল্‌কধা লগেপ্রভু মাদিগানরে অভিশাব দেনার পরেদি সিয়েন উগুরে আমার যে কামানি গরা পরে সিয়েনি ভিদিরে এ পুয়োবো আমারে সান্তনা দিবো।” ইয়েন কোইনে তে তা নাঙান্‌ দিলো নোহ।

গীতসংহিতা 127:3

পুয়োগুন লগেপ্রভুর দিয়্যে সোম্বোত্তি, পেদ ভিদিরে পুয়ো-ছাগুন তার দিয়্যে বক্‌শিষ্।

গণাণা 31:17

ইক্কিনে তুমি এই বেক্‌ পূঅগুনোরে আর যিগুনে গাবুজ্যে মিলে নয় এধোক্ক্যেন বেক্‌ মিলেগুনোরে মারে ফেলঅ;

১ যোহন 3:12

সেনত্যে মুই কঙর্, আমি যেন কয়িন ধোক্ক্যেন ন-ওই। কয়িনে শদানর্ মানুচ্‌ এলঅ আর তা ভেইবোরে তে খুন্ গোজ্জ্যে। কিত্ত্যেই তে তারে খুন্ গোজ্জ্যে? কিয়া তে ভান্ন্যেই কাম গত্ত আর তা ভেইবো ন্যায় কাম গুরিদো।