পত্থম 39:9 - Chakma Bible

⁹ এ ঘরত্‌ মঅ উগুরে আর কনজন্‌ নেই। তুই তার্‌ মোক্‌, সেনত্তে বানা তরে বাদে আর বেক্কুনোরে তে মঅ তলেদি রাগেয়্যে। এ অবস্থাত্‌ মুই কিঙিরিনে এদক্‌ দাঙর্‌ এক্কান্‌ জঘন্য কাম্‌ গুরিনে গোজেন মুজুঙোত্ পাব্‌ গুরি পারং?”

পত্থম 39:9 ပူးပေါင်းရင်းမြစ်များ

পত্থম 13:13

সদোম মানুচ্চুনে অমকদ বজং এলাক্ আর লগেপ্রভু মুজুঙোত্‌ তারা জদবদে পাপ গুরিলাক্।

পত্থম 20:3

মাত্তর্‌ রেদোত্‌ গোজেনে অবীমেলকরে স্ববনত্‌ দেগা দিইনে কলঅ, “যে মিলেবোরে তুই আন্ন্যস্‌, তার নেক্‌ আঘে। তারে আনানার্ কারনে তুই মরণান ডাগি আন্ন্যচ্‌।”

পত্থম 20:6

গোজেনে স্ববনত্ তারে কলঅ, “অয়, মুই হবর্ পাং তুই সরল মনে এ কামান গোজ্যস্। মুই তরে সেনত্তে তা কিয়্যেনত্‌ বাঁজিবাত্তে ন-দুয়োং আর মঅ বিরুদ্ধে পাপ কামত্তুন্‌ তরে দোঙেই রাগেয়োং।

পত্থম 20:9

সেক্কে অবীমেলকে অব্রাহামরে ডাগিনে কলঅ, তুই আমা লগে ইয়েন্‌ কেধোক্ক্যেন বেবহার গুরিলে? মুই তইধু কি দুজ্‌ গোজ্যং, তুই মরে আর মঅ রেজ্যগানরে এদক্‌ পাপত্‌ ফেলেয়োচ্‌? এধোক্ক্যেন বেবহার গরানা তর্‌ উচিত্‌ ন এলঅ।

পত্থম 24:2

ঘরর্‌ বেগত্তুন্‌ পূরোণ গাবুর্‌বো উগুরে তার বেক্কানির ভারান্‌ এলঅ তারে তে একদিনে কলঅ, “তঅ আত্‌থান্‌ মঅ দামানাগানিত্‌ তলে রাগা।

পত্থম 39:10

পোটিফর মোক্কো দিনর পর দিন তে পাগা ধুরিলো। মাত্তর্‌ যোষেফে তা লগে থেবার্‌ এ কোজোলীগান্‌ কান ন-পাদিলো, এন্‌ কি, তার কায়-কুরে থেবাত্তেয়ো রাজি ন-অলঅ।

পত্থম 41:40

সেনত্তে রাজঘরর্‌ বেক ভারান তত্তুন লঅ পড়িবো। তঅ মুয়োর্‌ উগুম্‌ মানিনে মর্‌ বেক্‌ মানুচ্চুনে চুলিবাক্। বানা রাজা ইজেবে মুই তঅ উগুরে থেম্।”

পত্থম 42:18

তিন দিনোত্‌ যোষেফে তারারে কলঅ, “মুই যিয়েন কঙর্ সিয়েন্‌ গরঅ আর পরানান্‌ রোক্ষ্যে গরঅ, কিত্তে মুই গোজেনরে দরাং।

২ শমূয়েল 11:27

আবিলেচ্‌ গরানার্‌ পরেন্দি দায়ূদে তারে তা ঘরত্‌ আনিলো। তে তার মোক্‌ অলঅ আর তার্‌ এক্কো পূঅ অলঅ। মাত্তর্‌ দায়ূদে যিয়েন্‌ গোজ্যে সিয়েন্দোই লগেপ্রভু বেজার্‌ অলঅ।

২ শমূয়েল 12:13

সেক্কে দায়ূদ নাথনরে কলঅ, “মুই লগেপ্রভুর বিরুদ্ধে পাপ গোজ্যং।” জোবত্‌ নাথনে কলঅ, “লগেপ্রভু তঅ পাপ্পান্‌ খেমা গুরিলো; তুই মুরি ন-যেবে।

নহিমিয় 5:15

মাত্তর্‌ মঅ আগেন্দি যিদুক্কুন্‌ শাজন্‌গুরিয়্যে এলাক্‌ তারা মানুচ্চুনোর্‌ উগুরে অমকদ গুয়োর্‌ বুদি চাপি দুয়োন্‌ আর হানা-দানা আর আংগুর-রস বাদেয়ো তারাত্তুন্‌ পাচশঅ কুড়ি গ্রাম রূবো নিদাক্‌। তারার্‌ চাগর্‌-বাগরুনেয়ো মানুচ্চুনোর্‌ উগুরে চেলা চোদেদাক্‌। মাত্তর্‌ গোজেনর উগুরে ভোক্তিপূর্ণ দর্‌ থানাই মুই সেধোক্কেন্‌ কাম্‌ ন-গরঙ্‌,

নহিমিয় 6:11

মাত্তর্‌ মুই কলুঙ্‌, “মঅ ধোক্ক্যেন্‌ মান্‌জ্যর্‌ কি ধেই যানা উজিত্‌? বা মঅ ধোক্কেন্‌ কনজনর্‌ কি তার্‌ নিজো পরাণান্‌ রোক্ষ্যে গুরিবাত্তে তবনা-ঘরর্‌ ভিদিরে যানা উজিত্‌? মুই ন-যেম্‌।”

ইয়োব 31:23

কিত্যে মুই গোজেনর দিয়্যে সাজা দরাং; তা মহিমাগান এদক্ বেশ্ যে, তা দরে মুই সিয়েনি গুরি ন-পারং।

গীতসংহিতা 51:4

তর্ বিরুদ্ধে, বানা তর্ বিরুদ্ধে মুই পাপ গোজ্যং আর তর্ চোগেন্দি যিয়েনি ভান্ন্যেই সিয়েনি গোজ্যং। সেনত্তেই তর্ রায়ান্ ঠিগ্, তর্ বিচেরান গম্।

যাত্রা 20:14

সিনেলী (বেশ্যে-হাঙ্গি) ন-গোজ্য।

গম্ উপদেজ্ 6:29

যে মানুচ্চো অন্য মোগো ইদু যায় তা দজাগান্ এবাবোত্যে অয়; যে সেই মিলেবোরে ধরে তাত্তুন্ সাজা পাহ্ পড়িবো।

গম্ উপদেজ্ 6:32

যে সিনেলী গরে তার বুদ্ধির অভাব আঘে; তে সিয়েনি গুরিনে নিজোরে ভস্ত গরে।

উপদেশক 7:26

মুই চেলুং, মরণত্তুন্ বেশ্ তিদে অলঅ সে মিলেবো, যিবের্ মনান্ এক্কো ফাল্ আর জাল ধোক্ক্যেন্ আর আঢ্ দ্বিয়েন্ শিগোল্লোই বান্যে। যে মানুচ্চো গোজেনরে হুজি গরে তে সিয়েনি আঢত্তুন্ নিজোরে রোক্ষ্যে গুরিবো, মাত্তর্ পাপীবোরে তে ফালত্ ফেলেব।

যিরমিয় 28:16

সেনত্তে লগেপ্রভু কোইয়্যেদে, ‘মুই তরে পিত্‌থিমীর উগুরেত্তুন সোরেই দিবাত্তে যাঙর্। এ বজরত্ তুই মুরি যেবে, কিত্তে তুই লগেপ্রভুর বিরুদ্ধে উল্লোমির কধা ফগদাং গোজ্যস্।’ ”

যিরমিয় 50:7

যিগুনে তারারে পেইয়োন তারা তারারে আক্রমণ গোজ্যন্; তারার শত্রুগুনে কোইয়োন, আমি দুষি নয়, কিত্যে লগেপ্রভুর বিরুদ্ধে, তারার ঘেচ্চ্যেক্‌গুরি চোড়েয়্যে ভূইয়ানর বিরুদ্ধে, তারার পূরোণি মানুচ্চুনোর আজা সেই লগেপ্রভুর বিরুদ্ধে তারা পাপ গোজ্যন্।

লেবীয় 20:10

যুনি কনজনে তার্‌ পাড়াল্যে মোগো সমারে, অত্তাৎ অন্য কনঅ মান্‌জ্যর্‌ মোগো সমারে সিনেলী গরে সালে বেভিচারী আর বেভিচারিনী দ্বিজনরেই মারে ফেলা পুরিবো।

গণাণা 32:23

মাত্তর্‌ যুনি তুমি সিয়েন্‌ ন-গরঅ সালে লগেপ্রভুর বিরুদ্ধে তুমি পাপ গুরিবা। তুমি ইয়েন্‌ জানি রাগেয়ো, তমার পাপ তমারে রেহাই ন-দিবো।

লূকে লেখ্যে গম্ হবর্ 12:48

মাত্তর্ কোই ন-পারিনে যে সাজা-পেবার্ কাম্ গোজ্যে তার কম্ সাজা অবঅ। যিবেরে বেশ্ দিয়্যে অয় তাত্তুন্ বেশ্ দাবি গরা অবঅ; আর মান্‌‌‌জ্যে যিবে ইধু বেশ্ থোইয়োন তাত্তুন্ তারা বেশ্ মাগিবাক্।

১ করিন্হীয় 4:2

যিগুনো উগুরে ভারান্ দিয়্যে ওইয়্যে তারারে দেগা পরিবোদে যে, তারা বিশ্বেজ্‌বলা।

তীত 2:10

আর গিরোজ্‌সো জিনিস্‌চানি চুর্ ন-গরন, বরং তারা যে পুরোপুরি গুরি বিশ্বেজ্‌বলা সিয়েন প্রমাণ গরন্। যেন তারা আমার্ উদ্ধোর গুরিয়্যে গোজেন পৌইদ্যেনে যে শিক্ষ্যেগানি আঘে সিয়েনি বেক্কানিত্তুন্ দোল্ গুরি ফগদাং গুরি পারন।

ইব্রীয় 13:4

পত্তিজনে যেন জড়া সুগুলোং বানানা বেপারান্ সর্মানর্ চোগেদি দেগন্। নেক্-মোগোর্ ভিদিরে জড়া সুগুলোং বানানা বেপারান পবিত্র রাগানা উজিত্, কিয়া যে কনঅ বাবোত্যে পর্‌পাগোল্যে অদঅ সাৎ, যিগুনে সেই দুষে দুষী গোজেনে তারারে সাজা দিবো।

১ যোহন 3:9

গোজেনত্তুন্ যিবের্ জর্ম ওইয়্যে তে পাপত্ পড়ি ন-থায়, কিয়া গোজেনর্ খাচ্চ্যত্ তা ভিদিরে থায়। গোজেনত্তুন্ জর্ম ওইয়্যে বিলিনে তে পাপত্ পড়ি থেই ন-পারে।

ফগদাং পেইয়্যে 21:8

মাত্তর্ জ্বোল্‌জোল্যে আগুন আর গন্ধকর্ পুয়োর ভিদিরে থানা অবঅ দোরেয়্যে গুনোর্, অবিশ্বেজি, ঈচ্ গরা হেইয়্যে, পর্‌পাগোল্যে, যাদুকর, মূত্তি পূজো গুরিয়্যে আর বেক্‌ মিজে মাদিয়্যেগুনোর শেজ্ দজা। ইবেয়ই অলঅ দ্বি বার্ মরাণা।”

ফগদাং পেইয়্যে 22:15

কুগুরো ধোক্ক্যেন জঘন্য মানুচ্, যাদুকর, পর্‌পাগোল্যে, খুনী, মূত্তি পূজোগুরিয়্যে, আর যিগুনে মিজে মাদানা কোচ্‌পান্ আর মিজে কধালোই চলন্, তারা বেক্কুনে বারেদি পড়ি আঘন্।