পত্থম 39:6 - Chakma Bible

⁶ ইয়েন্‌ দেগিনে পোটিফরে সিয়েনি বেক্ ভারান যোষেফ উগুরে ছাড়ি দিলো। যোষেফ উগুরে বেক্‌ ভারান এলঅ বিলিনে পোটিফরে নিজো হানাগান বাদে আর কনকিজুত্ চিদে-চজ্জা ন-গুরিদো। যোষেফ কিয়্যে গঠনান্‌ আর চেঙারাগান্‌ দোল্‌ এলঅ।

পত্থম 39:6 ပူးပေါင်းရင်းမြစ်များ

পত্থম 29:17

লেয়ার আঘে বানা দ্বিবে দোল্‌ চোখ, মাত্তর্‌ রাহেল কিয়্যে গঠনান্‌ আর চেঙেরাগান দোল্‌ এলঅ।

পত্থম 39:23

যোষেফ আদত্‌ যে কাম ভারান এলঅ সিয়েনি জেলখানাত্‌ রাগেয়্যে দাঙর্ নেতাবোর আর দেগাশুনো গরা ন-পুড়িদো, কিত্তে লগেপ্রভু যোষেফ লগে এলঅ, আর ইয়েনত্তে যোষেফে যিয়েনত্‌ আত্‌ দিদো সিয়েনত্‌ লগেপ্রভু দোয়্যে গত্ত।

পত্থম 39:4

সেক্কে যোষেফে তার গম্‌চোগেদি দেগিলো আর তে তারে তার্‌ নিজো চাগর্‌ ইজেবে নেযেল। তার ঘর-সংসার্ আর বেক্‌ সোম্বোত্তিগানি চেবার্‌ খেমদাগান্‌ তে তা উগুরে দিলো।

পত্থম 39:8

মাত্তর্‌ যোষেফে সেক্কে রাজী ন-অলঅ। তে কলঅ, “চাহ্, মুই এ ঘরত্‌ আগং বিলি মর্‌ গিরোজ্‌সো কনঅ কিজুত্তে চিদে-চজ্জা ন-গরে। বেক্ কাম ভারান তে মঅ উগুরে গোজেই দিয়্যে।

পত্থম 43:32

ভাগ গুরিদিয়্যেগুনে যোষেফরে, তা ভেইয়ুনোরে আর যে মিসরীয়গুনে যোষেফ ঘরত্‌ হেদাক্‌, তারারে যুদো গুরি আরেক জাগাত্‌ হেবাত্তে দিলাক্‌। মিসরীয়গুনে ইব্রীয়গুনো লগে হানা-বীনে ন-গুরিদাক্, কিত্তে সিয়েনি এলদে তারা মুজুঙোত্‌ এক্কান্‌ ঈচ্ গরেদে কাম্‌।

গম্ উপদেজ্ 31:11

তা উগুরে তা নেক্কো পুরোপুরি বিশ্বেজ্ গরে; তা নেক্কোর চেরোকিত্তেত্তুন্ লাভ অয়।

লূকে লেখ্যে গম্ হবর্ 16:10

সামান্য পৌইদ্যেনে যে বিশ্বেজ্ গরে তে দাঙর্ পৌইদ্যেনেয়ো বিশ্বেজ্ গরে। সামান্য পৌইদ্যেনে যিবেরে বিশ্বেজ্ গরা ন-যায় তারে দাঙর্ পৌইদ্যেনেয়ো বিশ্বেজ্ গরা ন-যায়।

লূকে লেখ্যে গম্ হবর্ 19:17

তে তারে কলঅ, দোল্ কাম গোজ্যস্। তুই এক্কো গম্ চাগর্। তুই সামান্য পৌইদ্যেনে বিশ্বেজি ওইয়োচ্ বিলিনে মুই তরে দশ্‌‌‌‌চান শঅরর্ ভার্ দিলুং।

প্রেরিত্‌ 7:20

সে অক্তত্ মোশির জর্ম অলঅ। তারে দেগদে অমকদ দোল্ এলঅ। তিন মাস সং তে তা বাব ঘরত্ আদরে থেলঅ।

১ শমূয়েল 16:12

সেনত্তেই যিশয় মানুচ্‌ পাদেইনে পূঅবোরে আনিলো। তার কিয়্যের রঙান্‌ এলঅ রাঙা বাবোত্যে, চোখ দ্বিবে দোল আর চেঙারা দোল্‌। সেক্কে লগেপ্রভু কলদে, “ইবেয়ই সেই মানুচ্‌, তুই যেইনে তারে অভিষেগ গর্‌।”

১ শমূয়েল 17:42

সেই পলেষ্টীয়বো দায়ূদো ইন্দি গমেডালে চেইনে তারে ঈচ্ গুরিলো, কিত্যে দায়ূদোর বয়সছান্‌ কম এলঅ।