পত্থম 39:4 - Chakma Bible

⁴ সেক্কে যোষেফে তার গম্‌চোগেদি দেগিলো আর তে তারে তার্‌ নিজো চাগর্‌ ইজেবে নেযেল। তার ঘর-সংসার্ আর বেক্‌ সোম্বোত্তিগানি চেবার্‌ খেমদাগান্‌ তে তা উগুরে দিলো।

পত্থম 39:4 ပူးပေါင်းရင်းမြစ်များ

পত্থম 15:2

অব্রামে কলঅ, “ও লগেপ্রভু, মর্‌ প্রভু, তুই মরে কি দিবে? মর্‌দঅ কনঅ ঝি-পুয়ো নেই। মর্‌ মরাণার্‌ পরেদি দামেস্কর ইলিয়েষরে মঅ সোম্বোত্তির্ গিরোজ্ অবঅ।

পত্থম 19:19

চঅ, তমা এ চাগর্‌বো উগুরে তুমি হুজি ওইয়ো, আর মঅ পরাণান্‌ রোক্ষ্যে গুরিনে তুমি মত্তে যিয়েন্‌ গুরিবার্‌ তাত্তুনঅ বেশ্‌ গোজ্য। মাত্তর্‌ মুই মুড়ো উগুরে ধেই যেই ন-পারিম্‌। তা আগেদি অয়ত এ দজাগান্‌ মঅ উগুরে পুড়িদো আর মুই মুরি যেদুং।

পত্থম 24:2

ঘরর্‌ বেগত্তুন্‌ পূরোণ গাবুর্‌বো উগুরে তার বেক্কানির ভারান্‌ এলঅ তারে তে একদিনে কলঅ, “তঅ আত্‌থান্‌ মঅ দামানাগানিত্‌ তলে রাগা।

পত্থম 32:5

মর্‌ গোরু-গাধা, ছাগল-ভেড়া আর চাগর্‌-চাগরানী বেক্কুন আঘে। মঅ গিরোজ্‌সো ইধু দোয়্যে পেম্‌ এ আজা গুরিনে মুই আগেত্তুন্‌ ধুরি তরে হবর্‌ দোঙর্‌।”

পত্থম 33:10

যাকোবে কলঅ, “না, না, মুই তরে কোজোলী গুরি কঙর্‌, যুদি মঅ উগুরে তর্‌ দোয়্যে থায়্‌ সালে মর্‌ দিয়্যে এ বক্‌শিজ্‌চান তুই লঅ। যেক্কে তুই আমারে হুজি মনে মানি লোইয়োচ্‌ সেক্কে মঅ মুজুঙোত্‌ তর্‌ মুয়োন্‌ দেগানা গোজেন মুয়োন দেগানা ধোক্ক্যেন।

পত্থম 33:8

সেক্কে এষৌ কলঅ, “যে দলবলুনো লগে পদথ্‌ মর্‌ দেগা অলঅ সিগুন্‌ কিত্তে?” যাকোবে কলঅ, “সিগুন মঅ গিরোজ্‌সো ইত্তুন দোয়্যে পেবাত্তে।”

পত্থম 39:8

মাত্তর্‌ যোষেফে সেক্কে রাজী ন-অলঅ। তে কলঅ, “চাহ্, মুই এ ঘরত্‌ আগং বিলি মর্‌ গিরোজ্‌সো কনঅ কিজুত্তে চিদে-চজ্জা ন-গরে। বেক্ কাম ভারান তে মঅ উগুরে গোজেই দিয়্যে।

১ রাজাবলী 16:9

সিম্রি নাঙে তার্‌ ইক্কো সেনাপতি তা বিরুদ্ধে কুজুরোমি গুরিলো। এলার্‌ যেদক্কানি রথ এলঅ তার্‌ অদ্দেক্‌ ভারান্‌ এলদে সিম্রির উগুরে। এলা এ সময়োত্‌ অর্সার ঘরত্‌ মাত্তল্‌ অবাত্তে মদ হার্‌। এ অর্সার উগুরে তির্সার রাজঘরর্‌ দেগাশুনোর্‌ ভারান্‌ এলঅ।

ইষ্টের 2:9

মিলেবোরে হেগয়র্‌ অমকদ গম্‌ লাগিলো আর হেগয় ইত্তুন্‌ মিলেবো গম্‌ বেবহার্‌ পেলঅ। হেগয়ে পৌইল্যাত্তুন্‌ ধুরি তার্‌ দোলান্‌ বাড়েবাত্তে পযাপিরানি দিলো আর বিশেজ্ হানা দিলো। তে রাজঘরত্তুন্‌ বেঈ লোইনে সাতজন চাগর্‌ তাত্তেই নেযেল আর হারেমর বেগত্তুন্‌ গম্‌ জাগানত্‌ তারে আর তার্‌ চাগরানীগুনোরে রাগেল।

গম্ উপদেজ্ 14:35

যে মানুচ্চো বুদ্ধি গুরিনে কাম গরে রাজা তারে গমেডালে চায়, মাত্তর্ যে মানুচ্চো লাজ্ গরেপারা কাম গরে তে তার রাগী মানুচ্ অয়।

গম্ উপদেজ্ 16:7

মান্‌‌জ্যর জিংকানি চেইনে যেক্কেনে লগেপ্রভু হুজি অয় সেক্কেনে তে তার শত্রুগুনোরেয়ো তা সমারে গমেডালে বজত্তি গরায়।

গম্ উপদেজ্ 17:2

পরিবারত্ অসর্মান আনেদে পুয়োবো উগুরে বুদ্ধিবলা চাগর্‌বো সদ্দার্ অয়, আর ভেইয়ুনো সমারে তেয়ো সোম্বোত্তির্ ভাগ্ পায়।

গম্ উপদেজ্ 22:29

তুই কি এধোক্ক্যেন কনঅ মান্‌জ্যরে দেখ্যচ্ যে কাবিল্ আঢ্‌তোই কাম্ গরে? তে রাজাগুনোত্তে কাম্ গুরিবো, সাধারণ মানুচ্চুনোর অধীনোত্ কাম্ ন-গুরিবো।

গম্ উপদেজ্ 27:18

যে মানুচ্চো ডোমোর গাজরে যত্তন্ গরে তে তার ফলুন্ হেবঅ; যে তা গিরোজ্‌‌সোরে সেবা গরে তে সর্মান পেবঅ।

গম্ উপদেজ্ 3:4

সিয়েনি গুরিলে গোজেন আর মান্‌জ্য মুজুঙোত্ তুই দোয়্যে আর সুনাঙ্ পেবে।

প্রেরিত্‌ 20:28

তুমি নিজো পৌইদ্যেনে উজিয়ার্ থাগঅ, আর পবিত্র আত্মা যে বিশ্বেজি দলর্ ভারান্ পরিচালগ্ ইজেবে তমা উগুরে দিয়্যে তারা পৌইদ্যেনেয়ো উজিয়ার্ থাগঅ। গরগ্‌কো যেবাবোত্যেগুরি তা ভেড়া পালুনোরে দেগাশুনো গরে ঠিগ্ সেবাবোত্যেগুরি তুমিয়ো গরগ্ ইজেবে গোজেন মন্ডলীর্ দেগাশুনো গরঅ। গোজেনে সেই মন্ডলীবোরে নিজো লো-গান্দোই কিন্যে।

রূত 2:6

যে মানুচ্চো কামানি দেগাশুনো গুরিদো তে জোবত্‌ কলদে, “মোয়াব্‌ দেজত্তুন নয়মীর লগে যে মোয়াবীয় মিলেবো এচ্ছ্যে ইবে তে।

১ শমূয়েল 16:22

পরেন্দি শৌল যিশয়রে কোই পাদেল, “দায়ূদরে মর্‌ কামত্‌ অদে অদে থেবাত্তে দে, কিত্যে তারে মত্তুন্‌ গম্‌ লাক্কে।”

১ শমূয়েল 2:26

চিগোন চিঝি শমূয়েলে দাঙর্‌ উয়ো ধুরিলো আর লগেপ্রভু আহ্ মানুচ্চুনো ইদু কোচ্‌পানা পাহ্ ধুরিলো।