পত্থম 39:23 - Chakma Bible

²³ যোষেফ আদত্‌ যে কাম ভারান এলঅ সিয়েনি জেলখানাত্‌ রাগেয়্যে দাঙর্ নেতাবোর আর দেগাশুনো গরা ন-পুড়িদো, কিত্তে লগেপ্রভু যোষেফ লগে এলঅ, আর ইয়েনত্তে যোষেফে যিয়েনত্‌ আত্‌ দিদো সিয়েনত্‌ লগেপ্রভু দোয়্যে গত্ত।

পত্থম 39:23 ပူးပေါင်းရင်းမြစ်များ

পত্থম 39:20

সেক্কে পোটীফরে যোষেফরে জেলোত্‌ দিলো। সে জাগানত্‌ রাজ্‌ বন্দীগুনোরে বানি রাগা অদঅ। মাত্তর্‌ জেলো ভিদিরেয়ো লগেপ্রভু যোষেফ লগে লগে এলঅ। তে তা উগুরে বিশ্বেজ্ রাগেল আর এধোক্ক্যেন গুরিলো যেন যোষেফে জেলখানাত্‌ রাগেয়্যে দাঙর্ নেতাবো গম চোগেদি দেগে।

পত্থম 39:8

মাত্তর্‌ যোষেফে সেক্কে রাজী ন-অলঅ। তে কলঅ, “চাহ্, মুই এ ঘরত্‌ আগং বিলি মর্‌ গিরোজ্‌সো কনঅ কিজুত্তে চিদে-চজ্জা ন-গরে। বেক্ কাম ভারান তে মঅ উগুরে গোজেই দিয়্যে।

গীতসংহিতা 1:3

তে যেন পানি গঙার পাড়ত্ লাগেয়্যে গাজ ধোক্ক্যেন্, যিবে অক্তমজিম্ গুলোগুলি দে, আর যিবের্ পাদাগান শুগেইনে ঝুরি ন-পড়ে; তে বেক্ কামানিত্ ফলায়।

যিশাইয় 43:2

তুই যেক্কে পানি উগুরেদি যেবে সেক্কে মুই তঅ লগে লগে থেম্। যেক্কে তুই গাঙ উগুরেদি যেবে, সেক্কে সিয়েনিয়ে তরে ন-ডুবেব; তুই যেক্কে আগুনো উগুরেদি যেবে, সেক্কে তুই পুড়ি ন-যেবে, আগুনো জ্বিলান্ তঅ কিয়্যেত্ ন-বাঁজিবো;

দানিয়েল 6:22

মর্ গোজেনে তার্ দূত পাধেইনে সিংহগুনোর মুয়োনি বানি দিয়্যে। তারা মরে আঘাত্ ন-গরন, কিত্যে গোজেনর চোগেদি মুই নিদ্দুযি এলুং। ও মহারাজ, তঅ মুজুঙোত্অ মুই কনঅ দুষ ন-গরং।”

১ শমূয়েল 2:30

“সেনত্তেই ইস্রায়েলীয়গুনোর গোজেন লগেপ্রভু কত্তে, ‘মুই হামাক্কায় কোইয়োঙে, তর্‌ আর তর্‌ পুরোণি মানুচ্চুনোর বংশর মানুচ্চুনে সারা জিংকানিবর্‌ মর্‌ সেবা কাম গুরিবাক্’; মাত্তর্‌ ইক্কিনে লগেপ্রভু কত্তে, ‘সিয়েন আর ন-চলিবো। যিগুনে মরে সর্মান গুরিবাক্ মুই তারারে সর্মান গুরিম আর যিগুনে মরে ঈচ্ গুরিবাক্ তারারে ঈচ্ গরা অবঅ।