পত্থম 39:10 - Chakma Bible

¹⁰ পোটিফর মোক্কো দিনর পর দিন তে পাগা ধুরিলো। মাত্তর্‌ যোষেফে তা লগে থেবার্‌ এ কোজোলীগান্‌ কান ন-পাদিলো, এন্‌ কি, তার কায়-কুরে থেবাত্তেয়ো রাজি ন-অলঅ।

পত্থম 39:10 ပူးပေါင်းရင်းမြစ်များ

পত্থম 39:11

একদিন্‌ কনঅ এক কামত্তে যোষেফে ঘরঅ ভিদিরে গেলঅ। সেক্কে ঘরত্‌ কনজন্‌ ন-এলাক।

পত্থম 39:8

মাত্তর্‌ যোষেফে সেক্কে রাজী ন-অলঅ। তে কলঅ, “চাহ্, মুই এ ঘরত্‌ আগং বিলি মর্‌ গিরোজ্‌সো কনঅ কিজুত্তে চিদে-চজ্জা ন-গরে। বেক্ কাম ভারান তে মঅ উগুরে গোজেই দিয়্যে।

পত্থম 39:9

এ ঘরত্‌ মঅ উগুরে আর কনজন্‌ নেই। তুই তার্‌ মোক্‌, সেনত্তে বানা তরে বাদে আর বেক্কুনোরে তে মঅ তলেদি রাগেয়্যে। এ অবস্থাত্‌ মুই কিঙিরিনে এদক্‌ দাঙর্‌ এক্কান্‌ জঘন্য কাম্‌ গুরিনে গোজেন মুজুঙোত্ পাব্‌ গুরি পারং?”

গম্ উপদেজ্ 1:15

মঅ পুয়োবো, তুই তারা লগে ন-যেচ্, তারা পধেদি তঅ টেঙান্ ন-ফেলেচ্;

গম্ উপদেজ্ 2:16

জ্ঞানানে তরে রোক্ষ্যে গুরিবো বেশ্যে মিলেগুনোর আঢত্তুন্, মিদে কধালোই ভরা বজং পধেদি যেইয়্যে মিলেগুনো আঢত্তুন্।

গম্ উপদেজ্ 22:14

বেশ্যেমিলের্ কধাবাত্তানি যেন গভিন্ গাদ ধোক্ক্যেন; যে মানুচ্চো লগেপ্রভুর রাগর্ মানুচ্ তে সে ভিদিরে পুরিবো।

গম্ উপদেজ্ 23:27

চাহ্, বেশ্যের গভিন গাদ ধোক্ক্যেন্, আর ভান্ন্যেই পধেদি যেইয়্যে মিলেবো যেন লাম্বা গাদ ধোক্ক্যেন্।

গম্ উপদেজ্ 23:28

সেবাবোত্যে মিলে ডাগেদ ধোক্ক্যেন্ উৎ পাদি থান্, আর মান্‌জ্য ভিদিরে অবিশ্বেজি বাড়েই দুয়োন্।

গম্ উপদেজ্ 5:3

বেশ্যেমিলেবোর ঠুদোত্তুন্ যেন মধু ঝুরি পড়ে, তা কধাবাত্তানি তেলত্তুন্ বেশ্ নরম;

গম্ উপদেজ্ 5:8

সেই মিলেবোত্তুন্ তঅ টেঙানি দূরোত্ তঅ, তা ঘর দোরান ইদুয়ো ন-যেচ্;

গম্ উপদেজ্ 7:13

তে সেই গাবুজ্যেবোরে ধুরিনে চুমিলো আর লাজ্ নেই মুয়োদি কলঅ,

গম্ উপদেজ্ 7:5

যেনে তারা তরে বেশ্যেগুনো আঢত্তুন্ রোক্ষ্যে গরন্, রোক্ষ্যে গরন সেই মিদে কধালোই ভরা ভান্ন্যেই পধেদি যেইয়্যে মিলেগুনো আঢত্তুন্।

গম্ উপদেজ্ 9:14

তে তার্ ঘর দোরান ইদু শঅরর্ বেগত্তুন অজল্ জাগান আসনানত্ বজে।

গম্ উপদেজ্ 9:16

“ভুল্ মানুচ্চুনে ইদু এজোদোক্।” যিগুনোর বুদ্ধি নেই তারারে তে কয়,

১ করিন্হীয় 15:33

কধায় কয়, “বজং সমাজ্জ্যে গম্ মান্‌জ্যরেয়ো বজং গুরি ফেলায়।”

১ করিন্হীয় 6:18

বেক্ বেভিচারানিত্তুন্ ধেই যঅ। মানুচ্‌ অন্য যেদক্কানি পাপ্ গরন্ সিয়েনি তার্ কিয়্যের্ বারেদি গরন্, মাত্তর্ যে বেভিচের্ গরে তে নিজোর্ কিয়্যের্ বিরুদ্ধে পাপ গরে।

১ থিষলনীকীয় 5:22

আর নানান্ বাবোত্যে ভান্ন্যেয়ত্তুন্ দূরোত্ থেয়ো।

১ তীমথিয় 5:14

সেনত্যে মুই এ উপদেজ্‌‍চান দুয়োঙর্, গাবুজ্জ্যে রানি মিলেগুনে নেগ্ লোদোক্, পুয়ো-ছাগুনোর্ মা ওদোক্, নিজোর্ নিজোর্ সংসারর্ দেগাশুনো গোত্তোক্ আর নিন্দে গুরিবাত্যে শত্রুগুনোরে কনঅ জু গুরি ন-দেদোক্।

২ তীমথিয় 2:22

গাবুজ্জ্যে কালর্ ভান্ন্যেই কামনা-বাসনাত্তুন্ তুই ধেই যাগোই আর যিগুনে খাটি মনে প্রভুরে ডাগন্ তারা সমারে সৎ জিংকানি, বিশ্বেজ্, কোচ্‌পানা আর শান্তিত্যে আয়োজি অ।

১ পিতর 2:11

কোচ্‌‌পেইয়্যে সমাজ্জ্যেগুন, এ পিত্‌থিমীত তুমি বিদেশী আর পরদেজত্ কয়েকদিন বজত্তি গুরিয়্যে বিলিনে মুই তমারে বিশেষ গুরিনে কোজোলী গরঙত্তে, তুমি পাপ-খাচ্চ্যদর্ কামনা-বাসনাত্তুন্ দূরোত্ থাগঅ,