পত্থম 38:24 - Chakma Bible

²⁴ ইয়েন পেরায় তিনমাস পরেদি যিহূদা শুনিলোদে, তার পূদবো তামরে বেশ্যে-হাংগি গোজ্যে, আর সিয়েন পরেদি তে ইক্কু পিদিলী ওইয়্যে। এ কধাগান্‌ শুনিনে যিহূদা কলঅ, “তারে নিগিলেই আনিনে পুড়ি ফেলা ওক্।”

পত্থম 38:24 ပူးပေါင်းရင်းမြစ်များ

পত্থম 20:3

মাত্তর্‌ রেদোত্‌ গোজেনে অবীমেলকরে স্ববনত্‌ দেগা দিইনে কলঅ, “যে মিলেবোরে তুই আন্ন্যস্‌, তার নেক্‌ আঘে। তারে আনানার্ কারনে তুই মরণান ডাগি আন্ন্যচ্‌।”

পত্থম 20:7

ইক্কিনে তুই তারে তা নেক্কো ইধু ফিরেই দে। মানুচ্চো এক্কো ভাববাদী। তে তত্তেই তবনা গুরিবো, আর সেক্কে তঅ পরাণান্‌ রোক্ষ্যে পেবঅ। মাত্তর্‌ যুদি তারে ফিরেই ন-দুয়োচ্‌, সালে মনত্ রাগেচ্‌, তুই আর তঅ মানুচ্চুনে মরন আঢত্তুন্‌ রেহাই ন-পেবাক্।”

পত্থম 20:9

সেক্কে অবীমেলকে অব্রাহামরে ডাগিনে কলঅ, তুই আমা লগে ইয়েন্‌ কেধোক্ক্যেন বেবহার গুরিলে? মুই তইধু কি দুজ্‌ গোজ্যং, তুই মরে আর মঅ রেজ্যগানরে এদক্‌ পাপত্‌ ফেলেয়োচ্‌? এধোক্ক্যেন বেবহার গরানা তর্‌ উচিত্‌ ন এলঅ।

পত্থম 34:31

সেক্কে শিমিয়োন্‌ আর লেবি কলাক্, “মাত্তর্‌ আমা বোন্নোরে কি কারঅ বেশ্যে বিলি মনে- গরানা উচিত?”

পত্থম 38:23

যিহূদা কলঅ, “সালে উ জিনিস্‌ছানি তা ইধু থোক্, ন-অলে মান্‌জ্যে আমারে ঈচ্ গুরিবাক। সিয়েন্‌ বাদেয়ো ছাগল ছবো দঅ মুই পাধেই দুয়োং, মাত্তর্‌ তুই তারে তোগেই ন-পাচ্‌।”

২ শমূয়েল 12:5

এ কধাগান শুনিনে দায়ূদে সে থাগোয়্যে মানুচ্চো উগুরে রাগে ফূলি উদিলো। তে নাথনরে কলঅ, “জেদা লগেপ্রভুর নাঙে কঙর্, যে মানুচ্চো এ কামান্‌ গোজ্যে তারে মারে ফেলানা উজিত্।

২ শমূয়েল 12:7

সেক্কে নাথনে দায়ূদোরে কলঅ, তুয়ই সেই মানুচ্চো। ইস্রায়েলর্‌ গোজেন লগেপ্রভু এ কধাগান কত্তে, মুয়ই ইস্রায়েল উগুরে তরে রাজপদথ্‌ অভিষেগ্ গোজ্যং আর শৌল আঢত্তুন্‌ তরে রোক্ষে গোজ্যং।

উপদেশক 7:26

মুই চেলুং, মরণত্তুন্ বেশ্ তিদে অলঅ সে মিলেবো, যিবের্ মনান্ এক্কো ফাল্ আর জাল ধোক্ক্যেন্ আর আঢ্ দ্বিয়েন্ শিগোল্লোই বান্যে। যে মানুচ্চো গোজেনরে হুজি গরে তে সিয়েনি আঢত্তুন্ নিজোরে রোক্ষ্যে গুরিবো, মাত্তর্ পাপীবোরে তে ফালত্ ফেলেব।

যিরমিয় 2:20

ভালোক্ দিন আগে তুই তর্ জুঙোল্ ভাঙিনে বান্ন্যেগান ছিনি ফেল্যচ্; তুই কোইয়োচ্চ্যে, মুই তরে সেবা ন-গুরিম্। তুই পত্তি অজল্ মুড়োত্ আর ডেলা পাদায় ছিদি পোজ্যে পত্তি য়্যেল্ গাজর্ তলে বেশ্যে ধোক্ক্যেন ঘুম্ যেইয়োচ্।

যিরমিয় 3:1

লগেপ্রভু কোইয়্যেদে, যুনি কনঅ মান্‌জ্যে তা মোক্কোরে ছাড়ি দে আর সে মিলেবো তারে ছাড়িনে অন্য মান্‌জ্যরে লয়, সালে সে মরত্তোর্ কি আরঅ সেই মিলেবো ইধু ফিরি যেবার সুদোম্ আঘে? যুনি যায় সালে সে দেজ্‌চান পুরোপুরি অসিজি ওই যেবঅ। মাত্তর্ তুই দঅ ভালোক্কুনো সমারে থেইনে বেশ্যে ধোক্ক্যেন জিংকানি কাদেয়োচ্; ইক্কিনে তুই কেধোক্ক্যেন গুরিনে মইধু ফিরি এবে?‌‌‌‌‌

যিরমিয় 3:6

রাজা যোশিয়োর রাজাগিরির সময়োত্ লগেপ্রভু মরে কোইয়্যেদে, “ভান্ন্যেই পধেদি যেইয়্যে ইস্রায়েলে যিয়েন গোজ্যে সিয়েন কি তুই দেখ্যচ্? তে বেক্ অজল্ মুড়োগুনো উগুরে আর ডেলাপাদা ছিদি যেইয়্যে য়েল্ গাজর্ তলে যেইনে বেশ্যেমি গোজ্য।

যিরমিয় 3:8

ভান্ন্যেই পধেদি যেইয়্যে ইস্রায়েলরে মুই ছুড়্ কাগোজ্ দুয়োং আর তার বেক্ বেশ্যেমি কামানিত্তে তারে দূর্ গুরি দুয়োং। মাত্তর্ মুই দেগিলুং তার অবিশ্বেজি বোন যিহূদার কনঅ দর্ নেই; তেয়ো যেইনে বেশ্যেমি গুরিলো।

যিহিষ্কেল 16:15

মাত্তর্ তুই তর্ দোলানর্ সুনাঙান বেশ্যে অবাত্তে বেবহার গোজ্যস্। যে কনজনে তঅ কায়-কুরেদি গেলে তা সমারে তুই সিনেলী গুরিদে আর তে তরে ভোগ্ গুরিদো।

যিহিষ্কেল 16:25

দবদা পধত্ মূত্তির্ আসন বানেইনে তর্ দোলানরে তুই অগমান গোজ্যস্। যে কনজনে তঅ কায়-কুরেদি গেলে তারে তর্ কিয়্যেগান দান গুরিনে তুই তর্ ব্যভিচারর কামান বাড়েয়োচ্।

যিহিষ্কেল 16:26

তর্ পাড়াল্যে মিসরীয়গুনো পেরেত্যে সমারে তুই সিনেলী গোজ্যস্ আর তর্ ব্যভিচারর কামান বাড়েইনে মরে অমকদ অহুজি গোজ্যস্।

যিহিষ্কেল 16:28

আসিরিয়গুনো সমারেয়ো তুই ব্যভিচের্ গোজ্যস্, কিত্তে তুই ঈল্ ন-ফুত্যে এলে; মাত্তর্ সে পরেদিয়ো তর্ ঈল্ ন-অয়।

যিহিষ্কেল 16:41

তারা তর্ ঘরানি পুড়ি ফেলেবাক্ আর ভালোক্কুন্ মিলের্ চোগো মুজুঙোত্ তরে সাজা দিবাক্। এবাবোত্যেগুরি তর্ বেশ্যেগিরি বন্ধ গুরি দিম; তর্ লাঙেগুনোরে তুই আর টেঙা-পোইজ্যে ন-দিবে।

যিহিষ্কেল 23:19

গাবুজ্যে কালত্ যেক্কে তে মিসরত্ বেশ্যে এলঅ সে দিনুনোর্ কধা ইদোত্ তুলিনে তে আরঅ বেশ্ বেভিচের্ গরা ধুরিলো।

যিহিষ্কেল 23:44

মান্‌‌‌‌‌জ্যে যেবাবোত্যে বেশ্যে লগে ঘুম যান সেবাবোত্যে গুরি তারা অহলা আর অহলীবা লগে, সেই কামুক মিলেবো সমারে ঘুমেলাক্।

যিহিষ্কেল 23:5

অহলা মর্ থাগদে সিনেলী গুরিলো। তা লাঙেগুনো উগুরে, অত্তাৎ আসিরিয়গুনো উগুরে তে জুড়্‌‌বোত্যে। ইগুনে এলাক্ য়েল্ কাবড় উজ্যে যোদ্ধা, শাজন্‌গুরিয়্যে আর সেনাপতি; বেক্কুনে দোল্ গাবুজ্যে আর ঘোড়াচালেয়্যে।

হোশেয় 2:5

তারার্ মাবো বেভিচের্ গোজ্যে; যে তারারে পেদত্ ধোজ্যে তে লাজ্ গরেপারা কাম্ গোজ্যে। তে কদঅ, মুই মঅ লাঙেগুনো পিজেদি যেইম্; তারা মরে হানা, পানি, পশম, মসীনা, তেল আর পানীয় দি থান্।

হোশেয় 3:3

সে পরেদি মুই তারে কলুং, “মঅ লগে কিয়্যেদি মিজেবাত্তে তত্তুন্ ভালোক্ দিন বাজ্জেই থাহ্ পড়িবো। তুই বেভিচের্ ন-গুরিবে বা কনঅ মান্‌জ্য লগে কোচ্‌‌‌‌‌‌‌‌‌‌‌পানার সম্পর্ক ন-গুরিবে‌‌‌‌‌‌‌‌। মুইয়ো তত্তে বাজ্জেই থেইম্।”

হোশেয় 4:15

“ও ইস্রায়েল, তুই যুনিয়ো বেভিচের্ গরর্ তো যিহূদা যেন একই দুষে দুষী ন-অয়। তুমি গিল্‌‌‌‌গলত্ ন-যেইয়ো; বৈৎ-আবনে ইধু ন-যেয়ো; ‘জেদা লগেপ্রভুর নাঙে’ শমক্ ন-গোজ্য।

লেবীয় 20:10

যুনি কনজনে তার্‌ পাড়াল্যে মোগো সমারে, অত্তাৎ অন্য কনঅ মান্‌জ্যর্‌ মোগো সমারে সিনেলী গরে সালে বেভিচারী আর বেভিচারিনী দ্বিজনরেই মারে ফেলা পুরিবো।

লেবীয় 21:9

কনঅ ধর্মগুরুর্‌ ঝি যুনি বেশ্যেগিরির্‌ কারনে তলে পড়ে সালে তে তার্‌ বাপ্পোরে ফারগ্ গোজ্যে অবস্থাত্তুন্‌ সাধারণ অবস্থাত্‌ লামেই আনে। সে ঝিবোরে আগুনোত্‌ পুড়ি ফেলা পুরিবো।

রোমীয় 14:22

এ পৌইদ্যেনে তুই যিয়েন গম্ বিলিনে বিশ্বেজ্ গরচ্ সিয়েন গোজেন আর তঅ ভিদিরে থঅ। গম্ মনে গুরিনে কিজু গুরিবার সময় যুনি কারঅ বিবেকে তারে দুষি ন-গরে সালে তে বর্‌পেইয়্যে।

দ্বি’লম্বর বিররণ 24:16

ঝি-পূঅগুনোর পাপর কারণে বাপ্পোত্তুন বা বাপ্পোর্‌ পাবত্তে ঝি-পূঅগুনোরে মারে ফেলেই ন-পারিবো। বেক্কুনোত্তুন্‌ তার নিজোর পাবত্তে মরা পুরিবো।

বিচের গুরিয়্যেগুন 19:2

সে যের ঘরর্‌ মোক্কো সিনেলী গুরিলো আর তারে ছাড়িনে যিহূদার বৈৎলেহমত তা বাবঅ ঘরত্‌ ফিরি গেলঅ। তে সিদু চের্‌ মাস কাদানার পরেন্দি তা নেক্কো তারে নরম কধালোই বুঝে-বাঝাই ফিরে আনিবাত্তে গেলঅ। তা লগে এলঅ তা চাগর আর দ্বিবে গাধা। মিলেবো তারে লগে নেযেইনে তা বাবঅ ঘর ভিদিরে গেলঅ। তা বাপ্পো তারে দেগিনেই হুজি অলঅ।