পত্থম 38:2 - Chakma Bible

² সিধু থেবার সময় শূয় নাঙে এক্কো কনানীয় মান্‌জ্য ঝিরে তা চোগোত্‌ পড়িলো। মিলেবোরে তে মোক্‌ ইজেবে ললঅ।

পত্থম 38:2 ပူးပေါင်းရင်းမြစ်များ

পত্থম 24:3

যিবে স্বর্গ আর পিত্‌থিমীয়ানর্ গোজেন সেই লগেপ্রভু ইধু মুই তরে এ শমত্‌ গরাঙর্‌: মুই যে কনানীয়গুনো ইধু বজত্তি গরঙর্‌ তারা ভিদিরেত্তুন্‌ কনঅ মিলেরে মঅ পুয়োবোর্‌ মোক্‌ ইজেবে তুই বেঈ ন-লবে।

পত্থম 28:1

রিবিকার কধা শুনিনে ইস্‌হাকে যাকোবরে ডাগিনে বর্ দিলো আর তারে এ উগুমান্‌ দিলো, “তুই কনান দেজর্‌ কনঅ মিলেরে মোক্‌ ইজেবে ন-লবে।

পত্থম 3:6

মিলেবো যেক্কে বুঝি পারিলো, গাজ্‌চো গুলোগুন্‌ খাদে সুয়োত্ অবাক্ আর সিগুন চাদেয়ো দোল্‌ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ।

পত্থম 46:12

যিহূদার পুয়ো এর, ওনন, শেলা, পেরস আর সেরহ। এর আর ওননে কনান দেজত্‌ মুরি যেয়োন। পেরসর্‌ পুয়ো হিষ্রোণ আর হামূল।

পত্থম 6:4

গোজেন পুয়োগুন লগে এ মিলেগুনোর মিজেনার কারনে যে পুয়োগুনোর্ জর্ম অলঅ তারা এলাক্ পুরোণি দিনোর নাঙ্‌ গিন্যে বোলী মানুচ্‌। সে সময়োত্‌ আর তা পরেদিয়ো পিত্‌থিমীত্‌ নেফিলীয় নাঙে এক জাদর মানুচ্‌ এলাক্।

২ শমূয়েল 11:2

সেক্কে একদিন্যে বেল্যেমাদান্ দায়ূদে তা বিচ্ছোনত্তুন্‌ উদিনে রাজঘরর্‌ ছালত্‌ বেড়ার্‌। এন্‌ সময়োত্‌ তে ছালঅ উগুরেত্তুন্‌ এক্কো মিলেরে গাদদে দেগিলো। মিলেবো চাদে অমকদ দোল্‌।

১ বংশধর 2:3

যিহূদার্ পুয়োগুনে অলাক্‌ এর, ওনন আর শেলা। এ তিনজনে এলাক্‌ বৎ-শূয়ার পেদ পুয়ো। বৎ-শূয়া এলদে এক্কো কনানীয় মিলে। ইবের্‌ নাঙে যিহূদার দাঙর্‌ পুয়োবো লগেপ্রভুর চোগেন্দি পাজি অনায় তে তারে মারে ফেলেল।

গণাণা 26:19

যিহূদার বংশধর: ইগুনে অলাক শেলাত্তুন্‌ শেলায়ীয় বংশ, পেরসত্তুন্‌ পেরসীয় বংশ আর সেরহত্তুন্‌ সেরহীয় বংশ। যিহূদার আরঅ্‌ দ্বিবে পূঅর্‌ নাঙানি এলদে এর আর ওনন। ইগুনে আগেন্দি কনান দেজত্‌ মুরি যেইয়োন।

২ করিন্হীয় 6:14

তুমি অবিশ্বেজিগুনো সমারে এক জুঙোলত্ কানাগান্ ন-পাত্য। ন্যায়র্ সমারে অন্যেয়র্ মিজেনাগান কিত্যে? পহ্‌র আর আন্ধার ভিদিরে কি মিজেনা আঘে?

বিচের গুরিয়্যেগুন 14:2

সিয়োত্তুন্‌ ফিরি এইনে তে তা বাপ-মারে কলঅ, “মুই তিম্নায়ত্‌ এক্কো পলেষ্টীয় মিলে চেই এচ্ছোং; তুমি তা লগে মল্লোই মেলা গুরি দুয়ো।”

বিচের গুরিয়্যেগুন 16:1

শিম্‌শোনে একদিন্যে গাজাত যেইনে এক্কো হাঙিমিলেরে দেগিলো আর তাইদু গেলঅ।