পত্থম 38:17 - Chakma Bible

¹⁷ যিহূদা কলঅ, “মঅ ঝাগত্তুন্ মুই তরে এক্কো ছাগল ছঅ পাধেই দিম।” তামরে কলঅ, “সিবে পাধেই নঅ দেনা সং তুই মঅ মুজুঙোত্‌ কিজু বন্ধক্‌ রাগেবে না-কি?”

পত্থম 38:17 ပူးပေါင်းရင်းမြစ်များ

পত্থম 38:16

সেনত্তে তে পদ কুরে তামর মুজুঙোত্ যেইনে কলঅ, “আয়, তঅ লগে মরে ঘুম্‌ যেবাত্তে দে।” নিজো পূদবোবোরে তে চিনি ন-পারিলো। তামরে কলঅ, “ইয়েনত্তে তুই মরে কি দিবে?”

পত্থম 38:18

যিহূদা কলঅ, “কি বন্ধক্‌ রাগেম্‌?” তে কলঅ, “দুড়িসুমুত্তো তঅ সীল মহ্‌রবো আর তঅ আঢ লুদিক্কো।” সেক্কে যিহূদা সিয়েনি তা মুজুঙোত জমা রাগেইনে তা লগে থেলঅ, আর থানার্‌ পরেদি তামরে পিদিলী অলঅ।

পত্থম 38:20

পরেদি মিলেবোত্তুন্‌ সে বন্ধক্‌ রাগেয়্যে জিনিস্‌ছানি ফেরত্‌ আনিবাত্তে যিহূদা তা অদুল্লমীয় সমাজ্যেবোরে দিইনে এক্কো ছাগল ছঅ পাধেই দিলো। মাত্তর্‌ তে তারে তোগেই ন-পেলঅ।

গম্ উপদেজ্ 20:16

যে মানুচ্চো বিদেশি মান্‌জ্যর জাবিন্ অয় তা পোজাক্কানি নেযঅ; যে মান্‌জ্যে অন্য কনঅ দেজ মান্‌জ্যর জাবিন্ অয় তারে বন্ধগী জিনিস ইজেবে রাগ।

যিহিষ্কেল 16:33

বেক্ বেশ্যেগুনে বক্‌শিজ্ পান, মাত্তর্ তুই তর্ বেক লাঙেগুনোরে বক্‌‌শিজ্ দি থাচ্। তঅ লগে সিনেলী গুরিবাত্তে যেনে তারা বেক্ জাগানিত্তুন্ তইধু এজন্ সেনত্তে তুই তারারে ঘুষ্ দি থাচ্।

লূকে লেখ্যে গম্ হবর্ 16:8

সেই চাগর্‌বো অসৎ অলেয়ো বুদ্ধি গুরি কাম্ গুরিলো বিলি গিরোজে তারে নাঙ্ গিনিলো। ইয়েন্দোই বুঝো যায় যে, এ জগদর্ মানুচ্চুনে নিজো ধোক্ক্যেন্ মানুচ্চুনো সমারে আচার-বেবহারে পঅর্ রেজ্যর্ মানুচ্চুনোত্তুন্-অ বেশ্ বুদ্ধিবলা।

বিচের গুরিয়্যেগুন 15:1

পরেন্দি গম্‌ কাবিবার অক্তত্‌ শিম্‌শোনে এক্কো ছাগল ছঅ নেযেইনে তা মোক্কো সমারে দেগা গুরিবাত্তে গেলঅ। তে কলদে, “মুই ভিদিরে মঅ মোক্কোর ঘরত্‌ যাঙর্‌।” মাত্তর্‌ মিলেবোর বাপ্পো তারে ভিদিরে যেবাত্তে ন-দিলো।