পত্থম 38:10 - Chakma Bible

¹⁰ মাত্তর্‌ তা এ বেবহারান্দোই লগেপ্রভু বেজার্ পেলঅ। সেনত্তে তারেয়ো লগেপ্রভু আর বাঁজি থেবাত্তে ন-দিলো।

পত্থম 38:10 ပူးပေါင်းရင်းမြစ်များ

পত্থম 46:12

যিহূদার পুয়ো এর, ওনন, শেলা, পেরস আর সেরহ। এর আর ওননে কনান দেজত্‌ মুরি যেয়োন। পেরসর্‌ পুয়ো হিষ্রোণ আর হামূল।

২ শমূয়েল 11:27

আবিলেচ্‌ গরানার্‌ পরেন্দি দায়ূদে তারে তা ঘরত্‌ আনিলো। তে তার মোক্‌ অলঅ আর তার্‌ এক্কো পূঅ অলঅ। মাত্তর্‌ দায়ূদে যিয়েন্‌ গোজ্যে সিয়েন্দোই লগেপ্রভু বেজার্‌ অলঅ।

১ রাজাবলী 17:20

সে পরেন্দি তে লগেপ্রভুরে ডাগিনে কলঅ, “ও লগেপ্রভু, মর্‌ গোজেন, মুই যে রানিমিলেবোর্‌ ঘরত্‌ থাঙ্‌ তা পূঅবোর্‌ মরণ্‌ আনিনে কিত্তেই তুই তা উগুরে এ দুখ্‌কান্‌ আনিলে?”

১ বংশধর 2:3

যিহূদার্ পুয়োগুনে অলাক্‌ এর, ওনন আর শেলা। এ তিনজনে এলাক্‌ বৎ-শূয়ার পেদ পুয়ো। বৎ-শূয়া এলদে এক্কো কনানীয় মিলে। ইবের্‌ নাঙে যিহূদার দাঙর্‌ পুয়োবো লগেপ্রভুর চোগেন্দি পাজি অনায় তে তারে মারে ফেলেল।

১ বংশধর 21:7

এ উগুমান্‌ গোজেন চোগেন্দিয়ো গম্‌ ন-এলঅ; সেনত্তে তে ইস্রায়েল জাদ্‌তোরে সাজা দিলো।

গম্ উপদেজ্ 14:32

পাজিগুনোর অন্যেয় কামানিয়ে তারারে তলে লামেই দে, মাত্তর্ গোজেন ভক্ত মানুচ্চুনোর মরণর সময়ত্অ আজা থায়।

গম্ উপদেজ্ 24:18

যুনি সিয়েন গরচ্ সালে লগেপ্রভু সিয়েন দেগিনে বেজার্ অবঅ, আর শত্রুগুনো উগুরেত্তুন্ তার অমকদ বেজার্ অনাগান্ সোরেই নেযেব।

যিরমিয় 44:4

মুই বার্ বার্ মঅ চাগরুনোরে, অত্তাৎ ভাববাদীগুনোরে পাদেয়োং; তারা কোইয়োন্দে যে, তারা যেন সেই জঘন্য কামানি ন-গরন্ যিয়েনি মুই ঘিনাং।

হগয় 1:13

সেক্কে লগেপ্রভু তার হবর্ কোইয়্যে হগয়রে দিইনে মানুচ্চুনোরে কলঅ, “মুই লগেপ্রভু তমা লগে লগে আগং।”

গণাণা 11:1

ইস্রায়েলীয়গুনোর যেদক্কানি দুখ্‌-কট্ট অর্‌ সিয়েনিলোই তারা লগেপ্রভুর মুজুঙোত্ কিজিক্-মিজিক্ গরা ধোজ্যন্‌। সিয়েনি শুনিনে লগেপ্রভু অমহদ বেজার্‌ অলঅ। তার পাধেয়্যে আগুনান্‌ তারা ভিদিরে জ্বলা ধুরিলো আর তাম্বুলোর কাজা কুরেন্দি কিজু মান্‌জ্যরে পুড়িনে মারে ফেলেল।

গণাণা 22:34

সেক্কে বিলিয়মে লগেপ্রভুর দূত্‌তোরে কলঅ, “মুই পাপ গোজ্যং। মুই বুঝি ন-পারং, তুই মরে মানা গুরিবাত্তে পদথ্‌ থিয়্যেই আগচ্‌। তুই যুনি বেজার্‌ অচ্‌ সালে মুই ফিরি যেম্‌।”

গণাণা 26:19

যিহূদার বংশধর: ইগুনে অলাক শেলাত্তুন্‌ শেলায়ীয় বংশ, পেরসত্তুন্‌ পেরসীয় বংশ আর সেরহত্তুন্‌ সেরহীয় বংশ। যিহূদার আরঅ্‌ দ্বিবে পূঅর্‌ নাঙানি এলদে এর আর ওনন। ইগুনে আগেন্দি কনান দেজত্‌ মুরি যেইয়োন।

১ শমূয়েল 2:25

মান্‌‌জ্যে যুনি মান্‌জ্য বিরুদ্ধে পাপ গরন্‌ সালে গোজেনে সিয়েনর মীমাংসা গুরি দি পারে; মাত্তর্‌ মান্‌জ্যে যুনি লগেপ্রভুর বিরুদ্ধে পাপ গরন্‌ সালে তাত্তে কনা কোজোলী গুরি পারিবো?” মাত্তর্‌ তারা তারার বাবর্‌ কধালোই কান ন-পাদিলাক্, কিত্যে লগেপ্রভু তারারে মারে ফেলেব বিলি ঠিগ্ গোজ্যে।