পত্থম 37:8 - Chakma Bible

⁸ সেক্কে তা ভেইয়ুনে তারে কলাক্, “তুই কি ঘেচ্চেক্‌গুরি চিদে-গরর্‌ তুই রাজা অবে আর আমা উগুরে উগুম গুরিবে?” ইঙিরিনে তা স্ববনান্ আর তা কধাত্তে তা ভেইয়ুনে তারে আরঅ বেজ্ ইংসে গরা ধুরিলাক্।

পত্থম 37:8 ပူးပေါင်းရင်းမြစ်များ

পত্থম 27:41

যাকোবে তা বাবত্তুন্‌ বর্ পেইয়্যে বিলিনে এষৌ তারে ইংসে গরা ধুরিলো। তে মনে মনে কলঅ, “আমা বাপ্পোত্তে আবিলেজ্ গুরিবার দিনুন ঘোনেই এজের্‌। সে পরেদি মুই মঅ ভেই যাকোবরে মারে ফেলেম।”

পত্থম 37:4

ভেইয়ুনে যেক্কে বুঝিলাক, বাব্‌পো তারাত্তুন্‌ যোষেফরে বেজ্ কোচ্‌পায় সেক্কে তারা তারে ইংসে গরা ধুরিলাক্। তারা কনঅ কধা তাল্লোই গমে ডালে ন-কদাক্‌।

পত্থম 37:9

ইয়েন পরেদি যোষেফে আরঅ এক্কান স্ববন দেগিলো আর তা ভেইয়ুনোরে জানেল। তে কলঅ, “চঅ, মুই আরঅ এক্কান্‌ স্ববন দেক্কোং। মুই দেগিলুং বেলান, চান্নো আর এগারোবো তারা মরে জু জু জানাদন্।”

পত্থম 42:10

তারা তারে কলাক্, “না, বাবু, তঅ চাগরুনে শোজ্য কিনিবাত্তে এচ্চোন্।

পত্থম 44:18

সেক্কে যিহূদা যোষেফ ইধু উজেই যেইনে কলঅ, বাবু, তুই ফরৌণ জাগানত্‌ আগচ্‌, সেনত্তে তঅ চাগর্‌বোরে তঅ মুজুঙোত্‌ দু-এক্কান কধা কবাত্তে উগুম দে। তঅ চাগর্‌বো উগুরে তুই রাগ্‌ ন-গুরিচ্‌।

পত্থম 49:26

তঅ বাবপোর পেইয়্যে আশিদ্‌বাদ তা চৌদ্দোগুট্টিগুনে পেইয়্যে বর্ পেইয়্যেগান ছিদি যেইয়্যে; সিয়েন্‌ পুরোণি দিনো মুড়ো-মুড়ি সং যেইনে লুম্মেগোই। সেই বর্ পেইয়্যেগান যোষেফ মাদা উগুরে পোড়োক্; যে তা ভেইয়ুনোর বেক্কুনোত্তুন্‌ দাঙর্‌ তা মাদাবো উগুরে পোড়োক্‌।

পত্থম 50:18

ইয়েন পরেদি তা ভেইয়ুনে তা মুজুঙোত্‌ এইনে মাঢা নিগিরিনে কলাক্, “আমি তঅ চাগর্।”

গীতসংহিতা 118:22

রাজমিস্ত্রিগুনে যে শিল্লো বাদ দি দুয়োন্ সিবে বেগত্তুন্ দরকারি শিল্ অলঅ;

যাত্রা 2:14

মানুচ্চো কলঅ, “কন্না তরে আমার্‌ নেতা আর শাজন্ গুরিয়্যে বানেয়্যে? সে মিসরীয়গুনো ধোক্ক্যেন মরেয়ো মারে ফেলেবাত্তে চাজ্‌ না কি?” এ কধাগান্‌ শুনিনে মোশি দোরেল। তে চিদে গুরিলো, হামাক্কায় বেপারান্‌ হবর্‌ পাহ্‌‌পি ওইয়্যে।

লূকে লেখ্যে গম্ হবর্ 19:14

মাত্তর্ তা দেজর্ মানুচ্চুনে তারে ঘিনেদাক্ । ইয়েনত্তে তারা তা পিজেদি মানুচ্ দিপাধেইনে হবর্ দিলাক্, আমি ন-চেই এ মানুচ্চো আমা উগুরে রাজাগিরি গোরোক্।

লূকে লেখ্যে গম্ হবর্ 20:17

সেক্কে যীশু তারা ইন্দি রিনি চেইনে কলঅ, “সালে এই যে কধাগান্ পবিত্র বোইবোত্ লেগা আঘে, রাজমিস্ত্রিগুনে যে পাত্তর্‌‌‌‌বো বাদ্ দুয়োন্, সিবেই বেগত্তুন্ দরকারী পাত্তর্ ওই উদিলো-ইয়েনর্ অত্তগান্ কি?

প্রেরিত্‌ 7:35

ইবে সেই একই মোশি যিবেরে ইস্রায়েলীয়গুনে ইয়েন কোইনে ফিরেই দুয়োন, কন্না তরে শাসনগুরিয়্যে আর বিচেরগুরিয়্যে বানেয়্যে? যে স্বর্গদূত্‌তো সেই ঝুবো ভিদিরেত্তুন্ মোশিরে দেগা দিয়্যে সেই স্বর্গদূত্‌তো মাধ্যমে গোজেনে নিজে এ মোশিরে ইস্রায়েলীয়গুনোর শাসনগুরিয়্যে আর উদ্ধোর গুরিয়্যে ইজেবে মিসরত্ পাধেয়্যে।

দ্বি’লম্বর বিররণ 33:16

দুনিয়ার ভোজ্যে গম গম জিনিস দিইনে, আর জোল্‌জোল্যে ঝুপোত্‌ যিবে এলঅ তার দোয়্যেলোই। যোষেফর মাদাত্‌ এ বেক্‌ আশিদ্‌বাদতানি ঝুড়ি পোড়োক্‌; ভেইয়ুনো ভিদিরে যে গম্‌ তারই মাদাত্‌ ঝুরি পোরোক্‌ এই বেক আশিদ্‌বাদতানি।

ইব্রীয় 10:29

সালে গোজেনর্ পুয়োবোরে যে ঈচ্ গোজ্জ্যে, যে লো-গান্দোই তে সিজি ওইয়্যে গোজেনর্ সেই বেবস্থার্ লো-গানরে যে অপবিত্র মনে গোজ্জ্যে আর যে দোয়্যে গরে সেই পবিত্র আত্মাগানরে যে অগমান গোজ্জ্যে, ভাবি চঅ, তে আরঅ কত্তমান বেশ্ সাজা পেবার্!

১ শমূয়েল 10:27

মাত্তর্‌ কয়েক্কো বাজে মান্‌জে কলাক্, “এই মানুচ্চো কেধোক্ক্যেনগুরি আমারে রোক্ষ্যে গুরিবো?” তারা তারে ঈচ্ গুরিলাক আর কনঅ বক্‌শিজ্ ন-দিলাক্। মাত্তর্‌ শৌলে মুয়োন বন্ধ গুরি রলঅ।

১ শমূয়েল 17:28

দায়ূদোর দাঙর্ ভেই ইলীয়াব মানুচ্চুনো সমারে তার কধাবাত্তানি কদে শুনিনে রাগে ফুলি উদিলো। তে কলদে, “তুই কিত্তে ইদু এচ্ছোস্? ধূল্যেচর-চাগালার্‌ ভেড়াছাগলুনোরে কাইদু রাগেইনে এচ্চোস্? তর্‌ দেমাক্ আর মনর্‌ পাজি কধানি মত্তুন্‌ জানা আঘে। তুই যুদ্ধো চেবাত্তে এচ্ছোচ্ছে, নয় নি?”

১ শমূয়েল 18:8

এই গান্‌‌নো শুনিনে শৌলর অমকদ রাগ অলঅ। তে বেজার্‌ ওইনে কলদে, “তারা দায়ূদো পৌইদ্যেনে অযুত অযুতোর কধা কলাক্‌ অদচ আমা পৌইদ্যেনে কলাক্‌ আজার আজার। ইয়েনর পরেন্দি রেজ্যগান বাদে দায়ূদোর আর কি পেবার্‌ বাগী রলঅ?”