পত্থম 32:4 - Chakma Bible

⁴ তে তারারে কোই দিলো যেন তারা তার্ গিরোজ্‌ এষৌরে জানেই দুয়োন, তা চাগর্‌ যাকোবে কোইয়্যেদে, “মুই এদক বিলোন লাবন ইধু এলুং।

পত্থম 32:4 ပူးပေါင်းရင်းမြစ်များ

পত্থম 23:6

চাহ্, তুই আমা কধানি শুন্। তুই আমা ইধু গোজেনর বানেয়্যে এক্কো নেতা ওই আগচ্‌। আমার বেগত্তুন্‌ গম্‌ গোরানত্ তুই তর্‌ মোজ্যেদে মোক্কোরে গোর্ দেগোই। তঅ মোক্কোরে গারেবাত্তে আমা ভিদিরেত্তুন্‌ কনজনে তার নিজোর কবরান্‌ ছাড়ি দিবাত্তে আবিত্তি ন-গুরিবাক।

পত্থম 25:30

তে যাকোবরে কলঅ, “মত্তুন অমকদ বল্‌পোজ্যে। তর্‌ সে রাঙা জিনিসছানত্তুন্‌ মরে কিজু হেবাত্তে দে।” এ কধাগানত্তে এষৌর আরঅ এক্কান নাঙ্‌ অলঅ ইদোম (যিয়েনর ভেদতান্‌‍‌ “রাঙা”)।

পত্থম 27:29

নানান্‌ জাতিয়ে তরে সেবা গোত্তোক্, আর বেক্‌ মানুচ্চুনে তরে জু জু জানাদোক। তঅ গুট্টির মানুচ্চুনো ইধু তুই নেতা অ, তারা তরে জু জু জানাদোক। যিগুনে তরে অভিশাব্‌ দিবাক্‌ তারা উগুরে অভিশাব্‌ পোড়োক; যিগুনে তরে বর্ দিবাক্ তারা উগুরে ভালেদি লামি এজোক্।

পত্থম 27:37

জোবত্‌ ইস্‌হাকে কলঅ, “চাহ্, মুই তারে তঅ গিরোজ্‌ বানেয়োং আর তা গুট্টির্‌ বেক্কুনোরে তা চাগর্‌ বানেয়োং। মুই তাত্তে ফসল আর আংগুর-রসর্‌ বেবস্থা গোজ্যং। ইয়েন পরেদি বাবা, মুই তত্তে আর কি গুরি পারং?”

পত্থম 31:41

যে কুড়ি বজর মুই তর্‌ ঘরত্‌ এলুং তা ভিদিরে চৌদ্দো বজর্‌ মুই তর্‌ কাম্‌ গোজ্যং তর্‌ দ্বিবে ঝিত্তেই, আর ছঅ বজর্‌ কাদেয়োং তর্‌ য়েমানর ঝাগর্ পিজেদি। ইয়েন ভিদিরে তুই দশ-দশবার মর্‌ বেতন বদলা-বুদুলি গোজ্যস্‌।

পত্থম 32:18

সেক্কে তুই কবে, ইগুন্‌ তঅ চাগর্‌ যাকোবর্‌। তে মঅ গিরোজ্‌ এষৌত্তে এ বোক্‌শিজ্‌ছানি পাদেয়্যে, আর তে আমা পিজেদি আঘে।

পত্থম 32:5

মর্‌ গোরু-গাধা, ছাগল-ভেড়া আর চাগর্‌-চাগরানী বেক্কুন আঘে। মঅ গিরোজ্‌সো ইধু দোয়্যে পেম্‌ এ আজা গুরিনে মুই আগেত্তুন্‌ ধুরি তরে হবর্‌ দোঙর্‌।”

পত্থম 33:14

না প্রভু, তাত্তুন্‌ বরং তুই মঅ আগে আগে যাহ্। সেয়ীরত্‌ তঅ ইধু যেইনে ন-লুমোনা সং মুজুঙো য়েমান ঝাক্ আর পুয়ো-ছাগুনোরে আদিবার্‌ খেমতাগান বুঝিনে মত্তুন লারে লারে যাহ্ পুড়িবো।”

পত্থম 33:8

সেক্কে এষৌ কলঅ, “যে দলবলুনো লগে পদথ্‌ মর্‌ দেগা অলঅ সিগুন্‌ কিত্তে?” যাকোবে কলঅ, “সিগুন মঅ গিরোজ্‌সো ইত্তুন দোয়্যে পেবাত্তে।”

পত্থম 36:8

সেনত্তে এষৌ সেয়ীরো মুড়ো-মুড়ি চাগালাত্‌ যেইনে গমেডালে বজত্তি গরা ধুরিলো। এষৌর আর এক্কান্‌ নাঙ্‌ এলদে ইদোম।

পত্থম 36:9

ইয়েন অলঅ সেয়ীরো মুড়ো-মুড়ি চাগালাত্‌‌ ইদোমীয়গুনোর আগ মানুজ্‌ এষৌ বংশর কধা।

পত্থম 4:7

যুদি তুই গম কাম্‌ গরচ্‌ সালে কি তঅ মুয়োন আজি-হুজি ন-অদঅ? মাত্তর্ যুদি গম্ কাম নঅ-গরচ্‌ সেক্কে দঅ শদানে তরে পেবাত্তে তঅ ইধু এইনে বোই থেবগি; মাত্তর্ তারে তত্তুন্ বুঝে আনা পুরিবো।”

১ রাজাবলী 20:32

তারা কমরত্‌ বস্তা ফাদা পিনিনে আর মাঢাত্‌ দুড়ি বানিনে ইস্রায়েল রাজার ইদু যেইনে কলাক্‌, “তঅ চাগর্‌বো বিন্‌হদদে কত্তে, তুই যেনে দোয়্যে গুরিনে তারে বাঁজেই রাগাচ্‌।” জোবত্‌ রাজা কলঅ, “তে কি এজঅ জেদা আঘে? তে মর্ ভেই।”

যাত্রা 32:22

জোবত্‌ হারোণে কলঅ, “তুই রাগ ন-গুরিচ্‌, তুই দঅ হবর্‌ পাজ্ ভান্ন্যেয়দি এই মানুচ্চুনোর অভ্যেস্‌।”

গম্ উপদেজ্ 15:1

গমেডালে জোব্ দিলে রাগ্ কুমি যায়, মাত্তর্ কড়া কধানিয়ে রাগ্ বাড়েই দে।

গম্ উপদেজ্ 25:15

রাগ্ দোঙেই রাগেলে নেতারে নিজোর তপ্পে আনা যায়; নম্র কধাবাত্তা আড়্‌‍গড়া ভাঙি ফেলেই পারে।

গম্ উপদেজ্ 6:3

তো মঅ পুয়োবো, তুই যেক্কেনে অন্যগুনো ইদু ধরা পোজ্যস্, সেক্কে নিজোরে ছাড়ি নেযেবাত্তে এ কামানি গর্- তাইদু যেইনে নিজেই চিগোন্ অ, তারে কোজোলি গর্,

উপদেশক 10:4

শাজন্‌গুরিয়্যেবো যুনি তঅ উগুরে রাগ্ গরে তো তুই তঅ পোজিশনান্ ন-ছাড়িচ্; শান্তভাব থেলে দাঙর্ দাঙর্ অন্যেয়অ খেমা গরা যায়।

যিশাইয় 21:11

দূমা, অত্তাৎ ইদোম পৌইদ্যেনে আগাম্ কধা ইয়েন; সেয়ীরত্তুন্ কনজনে মরে ডাগিনে কলঅ, “চুগিদার্‌বো, রেত্তো আর কদক্কন্ আঘে?”

লূকে লেখ্যে গম্ হবর্ 14:11

যে নিজরে অজল্ গরে তারে তলে ফেলা অবঅ, আর যে নিজরে তলে গরে তারে অজলত্ তুলো অবঅ।”

১ পিতর 3:6

যেন্‌ সারা অব্রাহামর বাধ্য এলঅ আর তারে প্রভু বিলিনে ডাগিদো। তুমি যুনি কনঅ বাবদে দরানরে নিজো উগুরে কাম গুরিবাত্যে ন-দিইনে যিয়েন গম সিয়েনই গরঅ সেক্কে ইয়েনই প্রমাণ অবদে যে, তুমি সারার্ যগাজ্জ্যে পুয়ো-ছা।

বিচের গুরিয়্যেগুন 5:4

ও লগেপ্রভু, তুই যেক্কে সেয়ীরত্তুন্‌ যাহ্ ধুরিলে, ইদোম দেজত্তুন্‌ নিগিলি গেলে, সেক্কে পিত্‌থিমীগান গির্‌গিরে উদিলো আর আগাজত্তুন্‌ মেঘ্‌কানে পানি ঢালি দিলো।

১ শমূয়েল 26:17

শৌল দায়ূদোর রঅবো চিনিনে কলঅ, “বাবা দায়ূদ, ইবে কি সত্য সত্য তর্‌ মুয়োর্ রঅবো?” দায়ূদে কলঅ, “অয় মহারাজ, ইবে তর্‌ চাগরবোর্‌ মুয়োর্ রঅ।”