পত্থম 32:31 - Chakma Bible

³¹ যাকোবে যেক্কে পনূয়েলত্তুন্‌ যাহ্ ধুরিলো সেক্কে বেলান উদি যেইয়্যে। তা উলুহুল্লো অবস্থাগান্‌দোই তে লেঙা ধোজ্যে।

পত্থম 32:31 ပူးပေါင်းရင်းမြစ်များ

পত্থম 16:13

এ কধাগান শুনিনে হাগারে মনে মনে কলঅ, “মুই কি সালে তারে হামাক্কায় দেগিলুং যিবের্‌ চোগো মুজুঙোত্‌ মুই আগং?” লগেপ্রভু, যে হাগার লগে কধা কোইয়্যে, তারে আওজ্ গুরিনে হাগারে সেক্কে কলঅ, “তুই গোজেন, যিবের্‌ চোগো মুজুঙোত্‌ মুই আগং।”

পত্থম 19:15

পহ্‌র অনার্‌ পরেদি সে স্বর্গদূত্তুনে লোটরে ইজিরে দিইনে কলাক্‌, যাদি গর্‌। তর্‌ মোক্‌ আর তর্‌ দ্বিবে ঝি যিগুনে ইধু আগন্‌ তারারে লোইনে নিগিলি যাহ্। সিয়েন্‌ ন-গুরিলে যে সাজা-এ শঅরান উগুরে লামি এজের্‌ তুয়ো সে ভিদিরে পুড়িনে ভস্ত ওই যেবে।

পত্থম 19:23

লোটে যেক্কে সোয়রত্‌ যেইনে লুমিলো সেক্কে বেলান্‌ উদি যেইয়্যে।

পত্থম 32:25

সে মানুচ্চো যেক্কে দেগিলো, তে যাকোবরে ওদেই দি ন-পারের্‌ সেক্কে আঢ্‌তোই যুদ্ধো গুরিবার অক্তত্ তে যাকোব রান জোড়াত্‌ আঘাত্ গুরি দিলো। সেক্কে তা রান আড়্‌বো অধ জাগাত্তুন্‌ লুরিলো।

পত্থম 32:32

ইয়েনত্তে ইস্রায়েলীগুনে এজঅ রান জোড়া উগুরে য়েরাগান্‌ ন-হান্‌, কিত্তে রান জোড়া উগুরে যাকোবরে আঘাত গরা ওইয়্যে।

১ রাজাবলী 12:25

পরেন্দি যারবিয়ামে ইফ্রয়িমর মুড়োমুড়ি চাগালাত্‌ শিখিম তাম্বুলো ধোক্কেন্‌ গুরি বানেইনে সিয়েনত্‌ বজত্তি গরা ধুরিলো। তে সিয়োত্তুন্‌ যেইনে পনূয়েলঅ তাম্বুলান ধোক্কেন্‌ গুরি বানেল।

১ রাজাবলী 18:26

যে বলদ গোরুবো তারারে দিয়্যে অলঅ তারা সিবে কাবিনে যুক্কোল্‌ গুরি নেযেলাক্‌। সে পরেন্দি তারা বেন্যেত্তুন্‌ ধুরি দিবুজ্যে সং বাল দেবেদাবোরে ডাগা ধুরিলাক্‌। তারা রঅ ছাড়ি ছাড়ি কুয়া ধুরিলাক্‌, “ও বালদেব, আমারে জোব্‌ দে।” মাত্তর্‌ কনঅ সাড়া ন-মিলিলো, কনজনে জোব্‌ ন-দিলো। যে ডালিপূজোবো তারা বানেয়োন্‌ সিবের্‌ চেরোকিত্তে তারা নাজা ধুরিলাক্‌।

গীতসংহিতা 38:17

মুই দঅ পেরাই পড়ি যাঙর্; মঅ দুগোর্ কধানি নিত্য মত্তুন্ মনত্ পড়ের্।

যাত্রা 24:11

ইস্রায়েলীয়গুনোর্‌ এই বেক্‌ মাই-মুরুব্বীগুনে যুনিয়ো গোজেনরে দেগিলাক্‌ তো তে তারারে মারে ন-ফেলেল। তারা তারে দেগিলাক্ আর হানা-দানা গুরিলাক্।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

মালাখি 4:2

মাত্তর্ তুমি যিগুনে মরে ভোক্তি গুরিনে দরঅ তমা উগুরে ন্যায়র্ বেলান্ উদিবো যিবের্ ছদগত্ থেবদে গম্ থানা। তুমি নিগিলিনে গোরু ঘরত্তুন্ ছাড়া পেইয়্যে গোরু ছঅ ধোক্ক্যেন পাল্ল্যেবা।

২ করিন্হীয় 12:7

ভালোক্কানি মইধু ফগদাং ওইয়্যে বিলিনে মুই যেন বাড়্‌বো ন-অং, সেই আজায় মরে দুঘ্ দিবাত্যে মর্ কিয়্যেগানত্ এক্কো কাদা, অত্তাৎ শদানর্ দূত দিয়্যে ওইয়্যে।

২ করিন্হীয় 12:9

মাত্তর্ তে মরে কোইয়্যেদে, “মর্ দোয়্যেগান্ তর্ পক্ষে যদেষ্ট; কিয়া বল্‌পোজ্জ্যেগানর্ মাধ্যমে মর্ বলান্ পুরোপুরি গুরিনে ফগদাং অয়।” সেনত্যে মর্ বল্‌গোজ্জ্যেগান পৌইদ্যেনে মুই অমকদ হুজি ওইনে বাড়্ গুরিম, যেন খ্রীষ্টর্ খেমতাগান্ মঅ উগুরে থায়।

দ্বি’লম্বর বিররণ 5:24

তুমি সেক্কে কোইয়ো, আমা গোজেন লগেপ্রভু যে কত্তমান বাঈনী গরেপারা আর দাঙর্‌ সিয়েন্‌ তে আমারে দেগেয়্যে আর আগুনো ভিদিরেত্তুন্‌ আমি তার্‌ রঅবো শুন্যেই। এচ্ছ্যে আমি বুঝি পারিলোং, গোজেনে কারঅ ইদু কধা কনার্‌ পরেন্দিয়ো সিবে বাঁজি থেই পারে।

দ্বি’লম্বর বিররণ 5:26

মান্‌জ্য ভিদিরে এধোক্ক্যেন কন্না আঘে, আমা ধোক্ক্যেন্‌ গুরি আগুনো ভিদিরেত্তুন্‌ জেদা গোজেনর্‌ রঅবো শুনোনার্‌ পরেন্দিয়ো বাঁজিই আঘে?

বিচের গুরিয়্যেগুন 6:22

গিদিয়োনে যেক্কে বুঝি পরিলো, তে অলদে লগেপ্রভুর দূত সেক্কে তে কলঅ্‌, হায় হায়, ও প্রভু লগেপ্রভু, মুই দঅ লগেপ্রভুর দূত্তোরে মুজুঙো-মুজুঙি দেগিলুং।

বিচের গুরিয়্যেগুন 6:23

মাত্তর্‌ লগেপ্রভু তারে কলঅ, “তর্‌ শান্তি ওক্‌, তুই ন-দোরেচ্‌। তুই ন-মুরিবে।”

বিচের গুরিয়্যেগুন 8:8

গিদিয়োনে সিয়োত্তুন্‌ পনূয়েলত্‌ উদিলোগোই আর সে জাগার মানুচ্চুনোর ইদুয়ো রুটি চেলঅ। মাত্তর্‌ সুক্কোতর মানুচ্চুনে যিয়েন কোইয়োন তারায়ো জোবত্‌ সিয়েন্‌ কলাক্‌।