পত্থম 32:20 - Chakma Bible

²⁰ আর যেরেদি কবা, “তঅ চাগর্‌ যাকোবে আমা পিজেদি আঘে।” যাকোবে মনে মনে এ চিন্তেগান গরের্‌, “মর্‌ আগে আগে যে বক্‌শিজচানি যার্‌ সিয়েনিলোই মুই তারে বুঝেই দিম। তা পরেদি যেক্কে তা সমারে মর্‌ দেগা অবঅ সেক্কে মরে মানি লদে অয়ত তার্‌ কন আবিত্তি ন-থেবঅ।”

পত্থম 32:20 ပူးပေါင်းရင်းမြစ်များ

পত্থম 32:19

এবাবোত্যেগুরি তে দ্বিপল্লা, তিন পল্লা আর অন্য যে চাগরুনে য়েমান ঝাক্ লোই যাদন্‌ তারারে বেক্কুনোরে উগুম্‌ দিলো, এষৌ লগে দেগা অলে তুমিয়ো ঠিগ্‌ এ কধাগান্‌ কবা।

পত্থম 32:21

সেনত্তে বক্‌শিজো জিনিস্‌ছানি তা আগেদি গেলঅ, মাত্তর্‌ সে রেত্তো তে সিধু কাদেল।

পত্থম 43:11

তারা বাপ্পো সেক্কে কলঅ, “যুনি সিয়েন গরা পরে, সালে এক্কান্‌ কাম্‌ গরঅ। বোক্‌শিজ্ ইজেবে সে মানুচ্চোত্তে তমা বস্তাগুনোত্‌ গুরি এ দেজর্‌ বেগত্তুন্‌ গম্‌ গম্‌ জিনিযোত্তুন্‌ কিজু কিজু নেযঅ, যেন্‌ গুগ্‌গুলু, মধু, তুম্বাস্‌ মজলা, গন্ধরস, পেস্তা আর বাদাম।

১ রাজাবলী 20:31

বিন্‌হদদর কামগুরিয়্যেগুনে তারে কলাক্‌, “চাহ্, আমি শুন্যেইদে, ইস্রায়েলর রাজাগুনে দোয়েলু। আঢঅ, আমি কমরত্‌ বস্তাফাদা পিনিনে আর মাঢাত্‌ দুড়ি বানিনে ইস্রায়েল রাজার ইদু যেই। অয়ত তে তঅ পরাণান্‌ রোক্ষ্যে গুরিবো।”

গম্ উপদেজ্ 15:18

রাগী মান্‌জ্যে কোল্-কোজ্যে বাজান্, মাত্তর্ যে মান্‌জ্যে সহজে রাগ ন-গরে তে কোল্-কোজ্যে থামেই দে।

গম্ উপদেজ্ 16:14

রাজার রাগ্‌কান মরণ দূতো ধোক্ক্যেন্, মাত্তর্ জ্ঞানী মান্‌‌জ্যে সে রাগ্‌‌কান থামেই দুয়োন।

গম্ উপদেজ্ 18:16

বক্‌শিজ্‌চানিয়ে মান্‌জ্যত্তে পথ বানেই দে আর দাঙর্ মানুচ্চুনো মুজুঙোত্ তারে হাজির্ গুরিনে।

গম্ উপদেজ্ 21:14

গুমুরোত্ দিয়্যে দানুন্ রাগ্‌কানে থামেই দে, আর লুগেই রাগেয়্যে ঘুষ্ নিগিলেই দিলে দর্‌গরেপারা রাগ্‌কান থামাই।

গম্ উপদেজ্ 6:35

কনঅ ক্ষতিপূরণ তে মানি ন-লবঅ, ভালোক্কুন্ ঘুষ্ দিলেয়ো তে হুজি ন-অবঅ।

যোনা 3:9

কন্না হবর্ পাই অয়ত বা গোজেনে মন ফিরেইনে তার্ জদবদে রাগত্তুন্ ফিরিবো যেনে আমি ভস্ত ওই ন-যেই।”

২ তীমথিয় 2:25

যিগুনে তা বিরুদ্ধে থিয়্যেন তারারে তাত্তুন্ চিদে ওইনে শিক্ষ্যে দিয়্যে পরিবো। সেই শিক্ষ্যেগান যেন তে এ আজায় দে, গোজেনে তারারে মনানি ফিরেবার জু দিবো যেন গোজেনর্ সত্যগানরে তারা মূড়োত্ পুরিনে বুঝি পারন।

১ শমূয়েল 6:5

যে টিউমার পিড়েগান তমার কিয়্যেত্‌ দেগা দিয়্যে আর যে উন্দুরুনে তমার দেজচান্‌ ভস্ত গুরি দেদন্‌ তুমি সিগুনোর মূত্তিগুন বানঅ আর ইস্রায়েলীয়গুনোর গোজেনর বাঈনী গরঅ। সালে অয়ত তে তমা উগুরেত্তুন আর তমার দেবেদাগুনোত্তুন আর দেজর উগুরেত্তুন তার দরঅ আত্তান্‌ সোরেই নেযেব।