পত্থম 32:14 - Chakma Bible

^14-15 সিয়েন্‌ অলঅ, দ্বিশ পাদি ছাগল আর কুড়িবো পাদা ছাগল, দ্বিশ পাদি ভেড়া আর কুড়িবো পাদা ভেড়া, ছঅ সুদ্ধো ত্রিশ্‌সো দুধ্‌বলা উট, চোল্লিশ্‌সো পারি গোরু আর দোশ্‌সো ঢামাড়া, কুড়িবো গাধী আর দোশ্‌সো গাধা।

পত্থম 32:14 ပူးပေါင်းရင်းမြစ်များ

পত্থম 30:43

যাকোবে ইঙিরিনে অমকদ থাগোয়্যে অলঅ। তা য়েমানপালুন, উট, গাধা আর চাগর-চাগরানীগুন জনেদি বোউত্‌ বাড়িলাক্‌।

পত্থম 31:10

“একপল্লা য়েমানুনে মিজেবার্ সময় মুই এক্কান স্ববন্‌ দেখ্যং। চেরোকিত্তে চেইনে মুই যেন দেগিলুং, পাদিছাগলুনো উগুরে যিদুক্কুন ছাগল উত্তোন্‌ সিগুন্‌ চিদিরে-বদরা দাগ্‌ আর দাঙর্‌ আহ্ চিগোন্‌ চিগোন দাগ্‌‌বলা।

পত্থম 31:16

সেনত্তে আমার্‌ বাবঅ সোম্বোত্তিত্তুন্ গোজেনে যিয়েন্‌ নেযেয়েগোই সিয়েনি হামাক্কায়্‌ ইক্কিনে আমার আর আমা পুয়ো-ঝি গুনোর। সেনত্তে গোজেনে তরে যিয়েন কোইয়্যে তুই ইক্কিনে সিয়েন গর্‌।”

পত্থম 31:9

গোজেন এবাবোত্যেগুরি তমা বাপ্পোর্‌ য়েমান ঝাগকুন নিইনে মরে দিলো।

পত্থম 32:13

যাকোবে সে রেদোত্‌ সিদু কাদেল। তার যিয়েনি এলঅ সিয়েনি ভিদিরেত্তুন্‌ তে তার্‌ ভেই এষৌত্তে এক্কান্‌ বোক্‌শিজ্ ঠিগ্‌ গুরি রাগেল।

পত্থম 33:11

গোজেনে মঅ উগুরে দোয়্যে গোজ্যে, আর মর্‌ যদেষ্ট আঘে। সেনত্তেই এ যে বক্‌শিজ্‌চান তইধু আনা ওইয়্যে সিয়েন্‌ তুই মানি লঅ।” যাকোবে এবাবোত্যেগুরি বোউত্‌ কোজোলী গরানার্‌ পর্‌ এষৌ সিয়েন্‌ মানি-ললঅ।

পত্থম 43:11

তারা বাপ্পো সেক্কে কলঅ, “যুনি সিয়েন গরা পরে, সালে এক্কান্‌ কাম্‌ গরঅ। বোক্‌শিজ্ ইজেবে সে মানুচ্চোত্তে তমা বস্তাগুনোত্‌ গুরি এ দেজর্‌ বেগত্তুন্‌ গম্‌ গম্‌ জিনিযোত্তুন্‌ কিজু কিজু নেযঅ, যেন্‌ গুগ্‌গুলু, মধু, তুম্বাস্‌ মজলা, গন্ধরস, পেস্তা আর বাদাম।

ইয়োব 1:3

তার্‌ সাত আজার্ ভেড়া ছাগল, তিন আজার্ উট, পাচশত্ জড়া বলদ গোরু আর পাচশত্ পাড়ি গাধা এলঅ আর চাগর্‌-চাগরানিয়ো এলাক্‌ ভালোক্কুন্‌। পূগ দেজর বেক্‌ মানুচ্চুনোত্তুন্‌ তে অলদে বেগত্তুন্‌ তাগোয়্যে।

ইয়োব 42:12

লগেপ্রভু ইয়োব জিংকানির পত্তম অবস্থাত্তুন পরেদি অবস্থাগান আরঅ দোল্ গুরি দিলো। তার চৌদ্দো আজার ভেড়া, ছঅ আজার উট, এক আজার জোড়া দামারা গোরু আর এক আজার গাধা অলাক্।

গম্ উপদেজ্ 17:8

যে মানুচ্চো ঘুষ্ দে তাইদু সিয়েন ভাগ্যত্তে পাত্তর ধোক্ক্যেন্; তে যিন্দি ফিরে সিন্দি ফলে।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

১ শমূয়েল 25:2

সেক্কে মায়োন আদামত্‌ এক্কো অমকদ তাগোয়্যে মানুচ্‌ এলঅ। তার কাজ-কারবার এলদে কর্মিল আদামত। তার তিন আজার ভেড়া আর এক আজার ছাগল এলাক্। সেই অক্তত্‌ কর্মিলোত্‌ তে তার ভেড়ার কেচ্‌শানি ঠিগ্ গুরি দের্।