পত্থম 32:11 - Chakma Bible

¹¹ মুই কোজোলী গরং, মর্‌ ভেই এষৌ আদত্তুন্‌ তুই মরে রোক্ষ্যে গর। মর্‌ দর্‌ লাগেত্তে তে এইনে আমারে মারে ফেলেব, মা-চিগোন্‌ গুরঅ কাররে বাদ্‌ ন-দিবো।

পত্থম 32:11 ပူးပေါင်းရင်းမြစ်များ

পত্থম 24:27

“ধৈন্য লগেপ্রভু, যিবে মর্‌ গিরোজ্‌ অব্রাহামর গোজেন! তে মঅ গিরোজ্‌সোরে তার দিয়্যে কধাগান রাগেবাত্তে আর বিশ্বেজছান্‌ দেগেবাত্তে ভুলি ন-যায়। মরেয়ো তে পথতান্‌ দেগেইনে মর্‌ গিরোজ ভেইবো ঘরত্‌ আন্যে।”

পত্থম 27:41

যাকোবে তা বাবত্তুন্‌ বর্ পেইয়্যে বিলিনে এষৌ তারে ইংসে গরা ধুরিলো। তে মনে মনে কলঅ, “আমা বাপ্পোত্তে আবিলেজ্ গুরিবার দিনুন ঘোনেই এজের্‌। সে পরেদি মুই মঅ ভেই যাকোবরে মারে ফেলেম।”

পত্থম 27:42

রিবিকা তা দাঙর্‌ পুয়ো এষৌর এ কধানি জানি পারিনে মানুচ্‌ পাদেইনে চিগোন্‌ পুয়ো যাকোবরে ডাগি আনিনে কলঅ, “শুন্‌, তর্‌ ভেই এষৌ তরে মারে ফেলেবাত্তে নিজোরে বুঝোর্‌।

পত্থম 32:3

যাকোবে তা আগে আগে সেয়ীর, অত্তাৎ ইদোম দেজত্‌ তার্ ভেই এষৌ ইধু কয়েক্কো মানুচ্ পাদেল।

পত্থম 32:7

এ কধাগান্‌ শুনি অমকদ দোরেইনে যাকোব মনান চুলুবুল্যা ওই উদিলো। তে তা সমারে মানুচ্চুন, ছাগল-ভেড়া, গোরু-গাধা আর উট্টুন্‌ দ্বিবে দলত্‌ ভাগ্‌ গুরিলো।

পত্থম 33:4

সেক্কে এষৌ তাইধু ধাবা এইনে তারে আজাবোদে ধুরি তা কানাত্ মাদাবো রাগেল আর তারে সুমিলো। সে পরেদি তারা দ্বিজনে কানাকুদি গরা ধুরিলাক।

২ শমূয়েল 7:18

এদক্কানি কধা শুনিনে রাজা দায়ূদে তাম্বুলো ভিদিরে গেলঅ আহ্ লগেপ্রভুর মুজুঙোত্‌ বোইনে কলঅ, ও প্রভু লগেপ্রভু, মুয়ই বা কন্না আহ্ মঅ বংশবোই বা কি, তুই মরে এত্তমান সং অান্যচ্‌।

গীতসংহিতা 119:134

মানুচ্চুনোর অত্যেচারর্ আঢত্তুন্ তুই মরে উদ্ধোর গর্ যেনে মুই তর্ সুদোমানি পালেই পারং।

গীতসংহিতা 142:6

মঅ কানানিগান তুই শুনিচ্, কিত্তে মুই অমকদ অনালর্ ওইয়োং; মরে যিগুনে লোড়েয়োন্ তারা আঢত্তুন্ তুই মরে বাঁজা, কিত্তে তারা আমাত্তুন্ বেজ্ খেমতাবলা।

গীতসংহিতা 16:1

ও গোজেন, তুই মরে রোক্ষ্যে গর্, কিয়া মুই তইদু আশ্রয় নেযেয়োং।

গীতসংহিতা 25:20

মঅ পরাণান্ বাঁজা আর মরে রোক্ষ্যে গর্; মরে লাজত্ ন-ফেলেচ্, কিত্যে মুই তইদু আশ্রয় লোইয়োং।

গীতসংহিতা 31:2

মঅ কধাগান শুন্; মরে উদ্ধোর্ গুরিবাত্তে তুই যাদিমাদি আয়। মরে রোক্ষ্যে গুরিবাত্তে তুই মর্ আশ্রয়-মুড়ো অগি আর মর্ ঘর্ অগি।

গীতসংহিতা 43:1

ও গোজেন, তুই উজিত্ মজিম বিচের গর্, আর এ ভোক্তিনেইয়্যে জাদ্‌‌তুনোর বিরুদ্ধে মর্ পক্ষ ওইনে কধা কঅ; দগাবাজ্ আর পাজি মানুচ্চুনোর আঢত্তুন্ তুই মরে বাঁজা।

গম্ উপদেজ্ 18:19

ভেইলোই অগমান্ ওইয়্যে ভেই দরমর শঅরত্তুন্ বেশ্ দর; আর কোল্-কোজ্যে রাজঘর গেদোর দরমর লাগাড়াবো ধোক্ক্যেন্।

দানিয়েল 3:17

আমি যে গোজেনর্ সেবা গুরিই তে যুনি চায় সালে সেই দোগ্‌দোক্যে আগুনো চুলোত্তুন্ আর তঅ আঢত্তুন্ আমারে উদ্ধোর গুরিবো।

হোশেয় 10:14

সেনত্তে তমা বিরুদ্ধে যুদ্ধোর্ কিজেক্ ছাড়ি উদিবো আর তমার্ বেক ঘরানি ভস্ত ওই যেবঅ, যেবাবোত্যেগুরি শল্‌‌‌‌‌‌মনে যুদ্ধোর্ দিনোত্ বৈৎ-অর্বেলান ভস্ত গোজ্যে। সেদিন্যে পুয়ো-ঝিগুনো সমারে মা গুনোরে মাদিত্ আছাড়্ মারা ওইয়্যে।

মথি লেখ্যে গম্ হবর্ 6:13

আমারে তুই পোরোক্ষ্যেত্ পড়িবাত্তে ন-দিস্, মাত্তর্ শদান আঢত্তুন্ রোক্ষ্যে গর্।

দ্বি’লম্বর বিররণ 22:6

তুমি যাদে যাদে পধর্ কায়কুরে কনঅ গাজত্‌ বা মাদি উগুরে যুনি এন্‌ কনঅ পেগোবা দেগঅ যিয়েনত্ পেগোর্ মাবো ছঅগুনো উগুরে বুয়োই আঘে বা বদাগুনো উগুরে উম্‌ দের্‌, সালে ছসুদ্দো মাবোরে তুমি ধুরিনে লোই ন-যেবা।

১ শমূয়েল 12:10

সেক্কে তমার পূরোণি মানুচ্চুনে লগেপ্রভুর ইদু কানাকুদি গুরিনে কলাক্, আমি পাপ গোজ্যেই; আমি লগেপ্রভুরে বাদ দিইনে বাল দেবেদাগুনোরে আর অষ্টারোৎ দেবীগুনোরে পূজো গোজ্যেই; ইক্কিনে তুই শত্রুগুনোর আঢত্তুন আমারে রোক্ষে গর্‌, আমি তরই সেবা গুরিবোং।

১ শমূয়েল 24:15

লগেপ্রভুই যেনে বিচের্‌ গুরিনে মর্‌ আহ্‌ তর্‌ পৌইদ্যেনে রায় দে। তেয়ই যেনে মর্‌ কামানি দেগিনে মর্‌ পক্ষেন্দি থিয়্যেই আর তর্‌ আঢত্তুন্‌ মরে রোক্ষ্যে গরে।”