পত্থম 32:10 - Chakma Bible

¹⁰ তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

পত্থম 32:10 ပူးပေါင်းရင်းမြစ်များ

পত্থম 18:27

অব্রাহামে কলঅ, “চাহ্‌, মুই ধূল্যে আহ্ ছেই ছাড়া আর কিচ্ছু নয়, তো মুই ন-দোরেনে মঅ প্রভুর্‌ লগে কধা কঙর্‌।

পত্থম 24:12

সে চাগরবো ইয়েন্‌ কোইনে তবনা গুরিলো, “ও লগেপ্রভু, মঅ গিরোজ্‌ অব্রাহামর গোজেন, এচ্চ্যে ইয়েনর বেক্কানি তুই তঅ আদত্‌ নেযা আর মর্‌ গিরোজ্‌ অব্রাহামরে দিয়্যে তঅ কধাগান রাগা।

পত্থম 24:27

“ধৈন্য লগেপ্রভু, যিবে মর্‌ গিরোজ্‌ অব্রাহামর গোজেন! তে মঅ গিরোজ্‌সোরে তার দিয়্যে কধাগান রাগেবাত্তে আর বিশ্বেজছান্‌ দেগেবাত্তে ভুলি ন-যায়। মরেয়ো তে পথতান্‌ দেগেইনে মর্‌ গিরোজ ভেইবো ঘরত্‌ আন্যে।”

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

পত্থম 30:43

যাকোবে ইঙিরিনে অমকদ থাগোয়্যে অলঅ। তা য়েমানপালুন, উট, গাধা আর চাগর-চাগরানীগুন জনেদি বোউত্‌ বাড়িলাক্‌।

পত্থম 31:3

সেক্কে লগেপ্রভু যাকোবরে কলঅ, “তুই তঅ আগ বংশগুনো দেজত্‌ নিজো মানুচ্চুনো ইধু ফিরি যাহ্। মুই তঅ লগে লগে আগং।”

পত্থম 32:5

মর্‌ গোরু-গাধা, ছাগল-ভেড়া আর চাগর্‌-চাগরানী বেক্কুন আঘে। মঅ গিরোজ্‌সো ইধু দোয়্যে পেম্‌ এ আজা গুরিনে মুই আগেত্তুন্‌ ধুরি তরে হবর্‌ দোঙর্‌।”

পত্থম 32:7

এ কধাগান্‌ শুনি অমকদ দোরেইনে যাকোব মনান চুলুবুল্যা ওই উদিলো। তে তা সমারে মানুচ্চুন, ছাগল-ভেড়া, গোরু-গাধা আর উট্টুন্‌ দ্বিবে দলত্‌ ভাগ্‌ গুরিলো।

২ শমূয়েল 17:24

দায়ূদে মহনয়িমত্‌ গেলঅ আর ইন্দি অবশালোমে ইস্রায়েলর বেক্‌ মানুচ্চুন লোইনে যর্দন গাঙান্‌ পার্ ওই গেলঅ।

২ শমূয়েল 7:18

এদক্কানি কধা শুনিনে রাজা দায়ূদে তাম্বুলো ভিদিরে গেলঅ আহ্ লগেপ্রভুর মুজুঙোত্‌ বোইনে কলঅ, ও প্রভু লগেপ্রভু, মুয়ই বা কন্না আহ্ মঅ বংশবোই বা কি, তুই মরে এত্তমান সং অান্যচ্‌।

ইয়োব 17:9

মাত্তর্‌ খাটি মানুচ্চুনে তারার্‌ পধেদি উজেই যেবাক্‌, আর যিগুনো আঢ্‌তানি সিজি তারা দিনে দিনে বোলি অবাক্‌।

ইয়োব 8:7

তর্‌ আগামিদি সময়ান্ অবঅ এদক্‌ ভালেদিলোই ভর্‌পূনোং, মনে গুরিবেদে তঅ পত্তম্ অবস্থাগান ইত্তুন্‌ বেশ্‌ ভান্ন্যেই এলঅ।

গীতসংহিতা 16:2

মুই লগেপ্রভুরে কোইয়োং, “তুয়ই মর্ প্রভু; তুই বাদে আর্ কনকিজুত্ মর্ ভালেদি নেই।”

গীতসংহিতা 18:35

ও লগেপ্রভু, তর্ রোক্ষ্যেগুরিয়্যে ঢাল্ তুই মরে দুয়োচ্, তর্ ডেন্ আঢ্‌‌‌তানে মরে ধুরি আঘে; তর্ যত্তন্‌‌‌দোই তুই মরে দাঙর্ গোজ্যচ্।

গীতসংহিতা 61:7

তে জিংকানিবর গোজেনর মুজুঙোত্ বজত্তি গুরিবো; তারে রোক্ক্যে গুরিবাত্তে তর্ অমকদ কোচ্‌পানা আর বিশ্বেজ্‌ছানরে তুই কামত্ লাগা।

গীতসংহিতা 8:5

তুই মান্‌‌জ্যরে স্বর্গ দূত্‌তুনোত্তুন্ এক্কেনা তলেন্দি বানেয়োচ্; রাজমুকুট ইজেবে তুই তারে দান গোজ্যস্ বাঈনী আর সর্মান।

গীতসংহিতা 84:7

যেবার পদত্ তারা বল উগুরে বল্ পান; তারা পত্তিজনে সিয়োনত্ গোজেনর মুজুঙোত্ আজিল্ অন।

গীতসংহিতা 85:10

অমকদ কোচ্‌পানা আর বিশ্বেজর এগত্তর্ ঘুদিবো; ন্যায় আর ভালেদিগানে এক্কান আরেক্কানরে চুমিবো।

গম্ উপদেজ্ 4:18

গোজেন ভক্তগুনোর্ পথ্‌তানি বেন্যেমাদান্ বেল পহ্‍‍র ধোক্ক্যেন্, যিবে দিবুজ্যে ন-অনা সং জোল্ জোল্যেত্তুন্ আরঅ জোল্ জোল্যে ওই থায়।

যিশাইয় 6:5

সেক্কে মুই কলুং, “হায়, মুই ভস্ত ওই গেলুং, কিত্তে মঅ মুয়োন্ ফিবলা আর মুই এবাবোত্যে মান্‌জ্য ভিদিরে বজত্তি গরং যিগুনোর্ মুয়োনি ফিবলা। মুই নিজো চোগেদি রাজারে, বেগত্তুন্ খেমতাবলা লগেপ্রভুরে দেখ্যং।”

যিশাইয় 63:7

মুই লগেপ্রভুর্ অমকদ কোচ্‌‌‍পানার কধা কোম্ আর তার বেক্ কামানিত্তে তারে নাঙ্ গিনিম। তার মেয়্যে আর তার অমকদ কোচ্‌পানার কারনে তে ইস্রায়েল জাদত্তে বোউত্ ভালেদির কাম গোজ্যে বিলিনে মুই তারে নাঙ্ গিনিম।‌‍‍‍

মীখা 7:20

ভালোক্ দিন আগেদি তুই আমা পুরোণি মানুচ্চুনো ইধু যেবাবোত্যে শমক্ হেইয়োচ্ সেবাবোত্যেগুরি তুই অব্রাহাম আর যাকোব বংশগুনো ইধু বিশ্বেজি থেবে আর তর্ গভীন কোচ্‌পানা দেগেবে।

লূকে লেখ্যে গম্ হবর্ 17:10

“সেবাবোত্যেগুরি গোজেন উগুম্ মজিম্ বেক্‌ কামানি গরানার্ পরেদি তুমি কঅ, ‘আমি অপদাত্ত চাগর্; যিয়েন্ গরানা উচিত আমি বানা সিয়েনই গোজ্যেই।’ ”

লূকে লেখ্যে গম্ হবর্ 5:8

ইয়েন্ দেগিনে শিমোন-পিতরে যীশু মুজুঙোত্ মাঢা নিগিড়ি পুড়িনে কলাক্, “প্রভু, মুই পাপী; মত্তুন্ যাগোই।”

২ করিন্হীয় 12:11

মুই বেদমা ওইয়োং ঠিগ্, মাত্তর্ তুমিই মরে সিয়েন অবাত্যে বাধ্য গোজ্জ্য, কিয়া তমার্ উচিত্ এলঅ মরে নাঙ্ গিনেনা। যুনিয়ো মুই কিচ্চু নয় তো তমার্ সেই বিশেষ প্রচারগ্‌কুনোত্তুন্ কনঅ বাবদে চিগোন নয়।

দ্বি’লম্বর বিররণ 8:18

মাত্তর্‌ তুমি তমার্‌ গোজেন লগেপ্রভুর কধানি পুরি ন-ফেলেইয়ো; তেয়ই এদক্কানি গুরিবার্‌ খেমতা তমারে দিয়্যে, আর ইঙিরিনে তে তমার্‌ পুরোণি মানুচ্চুনো ইদু যে নিয়মর্‌ কধানি শমক্‌ খেইনে কোইয়্যে সিয়েনি তে ইক্কিনে পুরেই দের্‌।

১ পিতর 5:5

সেবাবোত্যেগুরি গাবুজ্জ্যেগুন, তুমি আজল্ নেতাগুনোর অধীনোত্ থাগঅ। তুমি বেক্কুনে নরম ওইনে একজন আরেকজনরে সেবা গরঅ, কিয়া পবিত্র বোইবোর কধামজিম, “গোজেনে বার্‌বোগুনোর্ বিরুদ্ধে যায়, মাত্তর্ নরম মানুচ্চুনোরে দোয়্যে গরে।”