পত্থম 31:3 - Chakma Bible

³ সেক্কে লগেপ্রভু যাকোবরে কলঅ, “তুই তঅ আগ বংশগুনো দেজত্‌ নিজো মানুচ্চুনো ইধু ফিরি যাহ্। মুই তঅ লগে লগে আগং।”

পত্থম 31:3 ပူးပေါင်းရင်းမြစ်များ

পত্থম 13:15

যেদক্কানি জাগা তুই দেগিবে সিয়েনি মুই তরে আর তঅ বংশবোরে উমরত্তে দিম্‌।

পত্থম 21:22

সে অক্তত্‌ অবীমেলক আর তার বেগঅ দাঙর্‌ সেনাপতি ফীখোলে অব্রাহাম ইধু এইনে কলঅ, “দেগা যাত্তে, তর্‌ বেক্‌ কামানির ভিদিরেদি গোজেনে তঅ সমারে আঘে।

পত্থম 26:24

সে রেদোত্‌ লগেপ্রভু তারে দেগা দিইনে কলঅ, “মুই তঅ বাপ্পো অব্রাহাম গোজেন। কিচ্ছু ন-দোরেবে, কিত্তে মুই তঅ সমারে আগং। মঅ চাগর্‌ অব্রাহামত্তে মুই তরে বর্ দিম্‌ আর তঅ বংশবো বাড়েই দিম্‌।”

পত্থম 28:13

আর লগেপ্রভু সিয়েন উগুরে ঠিয়েইনে কলঅ, “মুই লগেপ্রভু। মুই তঅ পুরোণি মানুচ্‌ অব্রাহামর গোজেন আর ইস্‌হাকরঅ গোজেন। তুই যিয়েনত্‌ ঘুম যর্‌ সে দেজ্‌চান মুই তরে আর তঅ বংশর্‌ মানুচ্চুনোরে দিম্‌।

পত্থম 28:15

মুই তঅ লগে লগে আগং; তুই যিয়োদোই যেদে সাৎ মুই তরে রোক্ষ্যে গুরিম্‌। এ দেজত্ আরঅ মুই তরে ফিরেই আনিম। মুই তরে যিয়েনি কোইয়োং সিয়েনি পূরোণ ন-গরানা সং মুই তরে ছাড়ি ন-যেম্‌।”

পত্থম 28:4

যে বরান্ তে অব্রাহামরে গোজ্যে সে বরান্ তে তরে আর তঅ পরেদি তঅ বংশর্‌ মানুচ্চুনোরে গোরোক্‌। যে দেজচান গোজেনে অব্রাহামরে দিলো, যিয়েনত্‌ তুই ইক্কিনে বিদেশী ইজেবে আগচ্‌, সে দেজ্‌চান্‌ যেনে তইদু এজে।”

পত্থম 30:25

রাহেল পেদত্ যোষেফর জর্ম অলে পরেদি যাকোবে লাবনরে কলঅ, “এবার মরে ছাড়ি দে যেনে মুই নিজো দেজত্‌ আর নিজো ঘরত্‌ ফিরি যেই পারং।

পত্থম 31:13

মুই সে বৈথেলর্‌ গোজেন যিয়েনত্ তুই খুদো উগুরে তেল্‌ ঢালিনে মঅ মুজুঙোত শমত্‌ গোজ্যস্‌। ইক্কুনি এ দেজ্‌ছান্‌ ছাড়িনে তঅ জর্ম ওইয়্যে জাগাত্‌ ফিরি যাহ্।”

পত্থম 31:2

যাকোবে ইয়েনঅ থারেল, তা উগুরে লাবনর আগ ধোক্ক্যেন সে মনভাব্‌ আর নেই।

পত্থম 31:4

সেক্কে যাকোবে মানুচ্‌ পাদেইনে মাদত্‌ যিয়েনত্‌ তা য়েমান ঝাক্ এলাক সিয়েনত্‌ রাহেলরে আর লেয়ারে ডাগি আনিলো।

পত্থম 32:10

তর্‌ এ চাগর্‌বোরে তুই যে দোয়্যে আর বিশ্বেজ্ দেগেয়োচ্‌ মুই তার যগাজ্যে নয়। বানা এক্কো লুদিক্‌ আদত্‌ নিইনে মুই এ যর্দন গাঙান্‌ পার্‌ ওইয়োং, মাত্তর্‌ ইক্কুনি মঅ সমারে আঘন্ দ্বিবে দাঙর্‌ দল।

পত্থম 32:5

মর্‌ গোরু-গাধা, ছাগল-ভেড়া আর চাগর্‌-চাগরানী বেক্কুন আঘে। মঅ গিরোজ্‌সো ইধু দোয়্যে পেম্‌ এ আজা গুরিনে মুই আগেত্তুন্‌ ধুরি তরে হবর্‌ দোঙর্‌।”

পত্থম 32:9

যাকোবে গোজেন ইধু ইয়েন কোইনে তবনা গুরিলো, ও লগেপ্রভু, মর্‌ আগ মানুচ্ অব্রাহামর গোজেন, মর্‌ বাপ্পো ইস্‌হাকর্‌ গোজেন, তুয়ই দঅ মরে কোইয়োচ্‌ মঅ দেজত্‌, মর্‌ নিজো মানুচ্চুনো ইধু ফিরি যেবাত্তে, আর সিধু তুই মরে ভালেদ্ গুরিবে।

পত্থম 35:1

ইয়েন পরেদি গোজেনে যাকোবরে কলঅ, “তুই ইক্কিনে বৈথেলত্‌ যেইনে থাক্। তর্‌ ভেই এষৌ কায়-কুরেত্তুন্‌ ধেই যেবার অক্তত যে তঅ লগে দেগা দিয়্যে সে গোজেন নাঙে তুই সিয়েনত্‌ এক্কান্‌ ডালিঘর বানা।”

পত্থম 35:3

যঅ, আমি বৈথেলত্‌ যেই। সিয়েনত্‌ মুই গোজেন নাঙে এক্কো ডালিপুজো বানেম্‌ যে মঅ দজাত্‌ সাহায্য গোজ্যে আর আমিঝে মঅ লগে লগে এলঅ।”

পত্থম 50:24

পরেদি এক সময়ত্‌ যোষেফে তা ভেইয়ুনোরে কলঅ, “মর্‌ মুরিবার্‌ অক্ত ওই এচ্চ্যে, মাত্তর্‌ ইয়েন্‌ ঘেচ্চেকগুরি, গোজেনে তমারে দেগাশুনো গুরিবো। তে অব্রাহাম, ইসহাক আর যাকোবরে যে দেজ্‌সান্‌ দিবো বিলি শমক্‌ গোজ্যে সে দেজ্‌সানত্‌ তে তমারে ইয়োত্তুন্‌ নেযেব।”

গীতসংহিতা 46:1

গোজেনে আমার আশ্রয়র জাগা আর বল্; দযাত্ এযাল্ দিবাত্তে তে যুক্কোল থায়।

গীতসংহিতা 50:15

তর্ দযার্ দিনুনোত্ তুই মরে ডাগিচ্; মুই তরে উদ্ধোর্ গুরিম আর তুই মরে সর্মান গুরিবে।”

গীতসংহিতা 90:15

যেদকদিন সং তুই আমা বাড়্ গরানাগানি ভাঙি দিবার কাম গোজ্যস্, যেদক বজর আমি দুঘোত্ এলং, সেদক বজর তুই আমারে সুগেই রাগেয়োচ্।

যাত্রা 3:12

গোজেনে কলঅ, “মুয়ই তঅ লগে থেইম্‌। তুই মিসর দেজত্তুন্‌ মানুচ্চুনোরে নিগিলেই আনিবে আর তুমি এ মুড়োবোত্‌ মঅ নাঙে উবোসনা গুরিবা। মুয়ই যে তরে পাদেলুং ইয়েনই অবঅ তইধু তার্‌ চিহ্নো।”

যিশাইয় 41:10

সেনত্তে তুই ন-দোরেচ্, মুই দঅ তঅ সমারে সমারে আগং; থির্ নেইয়্যে ন-ওইয়ো, কিত্তে মুই তর্ গোজেন। মুই তরে খেমতা দিম্ আর ঘেচ্চেকগুরি সাহায্য গুরিম আর মর্ ন্যায়র ডেন্ আঢ্‌তানিলোই তরে হামাক্কায় ধুরি রাগেম।‌‌

ইব্রীয় 13:5

টেঙা-পৌইজ্যের্ লুভোত্তুন্ নিজোরে দূরোত্ রাগঅ। তমার্ যিয়েনি আঘে সিয়েনিলোই হুজি থাগঅ। গোজেনে কোইয়্যেদে, “মুই কনদিন্অ তরে ফেলেই ন-যেম্ বা কনদিন্অ তরে বাদ্ ন-দিম্।”