পত্থম 3:21 - Chakma Bible

²¹ আদম আর তা মোক্কোত্তে লগেপ্রভু গোজেনে য়েমান চাম্‌বোই পোজাক্‌ বানেইনে তারারে উরেই দিলো।

পত্থম 3:21 ပူးပေါင်းရင်းမြစ်များ

পত্থম 3:20

আদমে তা মোক্কো নাঙান দিলো হবা (যিয়েনর ভেদ্‌তান “জীংকানি”), কিত্তে তে বেক্‌ জেদা মানুচ্চুনোর মা অবঅ।

পত্থম 3:22

সে পরেদি লগেপ্রভু গোজেনে কলঅ, “ চঅ, গম্‌-ভান্ন্যেই জ্ঞ্যান পেইনে মানুচ্চুনে আমা একজন ধোক্ক্যেন ওই উঠ্যন্‌। এবেরা তারা যেনে জীংকানি-গাজর গুলোগুন পাড়ি হেইনে উমরত্যে বাঁজি ন-থান্‌ সেনত্যে আমার কিজু গরানা দরকার।”

পত্থম 3:7

ইয়োত্ সেক্কেনে তারার দ্বি-জনর চোখ্‌কুন্ খুলি গেলঅ। তারা বুঝি পারিলাক্‌, তারা লাঙ্‌দা-বাঙ্‌দা আগন্‌। সেক্কে তারা কয়েক্কান ডোমোর গাজঅ পাদা এগত্তর্ গুরি নেযেইনে নিজোত্যে থৈল্যেকানি ধোক্ক্যেন বানেলাক্।

যিশাইয় 61:10

মুই লগেপ্রভুরে নিইনে খুব হুজি ওম্; মঅ পরাণানে মর্ গোজেনরে নিইনে হুজি গুরিবো, কিত্তে জামেইবো যেবাবোত্যেগুরি নিজো মাঢাবোত্ হবঙান্ বানে আর নূয়ো বৌবো নিজোরে সোনা-রূবোলোই সাজাই সেবাবোত্যেগুরি তে মরে উদ্ধোরর্ কাবড়ান উরেয়্যে আর সততার্ পোজাকে সাজেয়্যে।

রোমীয় 3:22

যিগুনে যীশু খ্রীষ্ট উগুরে বিশ্বেজ্ গরন্ তারার্ সেই বিশ্বেজর্ মাধ্যমে গোজেনে তারারে নিদ্দুজি বিলি মানি লবঅ। যিহূদী আর অযিহূদী বেক্কুনে সং সং,

১ করিন্হীয় 12:23

কিয়্যের্ যে ভাগ্‌কানরে আমি কম্ সর্মানর্ যোগ্য বিলিনে মনে গুরিই সেই ভাগ্‌কানিরে বেশ্ সর্মান দেগেই। যে ভাগ্‌কানিরে বারেদি দেগা ন-যায় সিয়েনিরে আমি যত্তন্ গুরি ঢাগি রাগেই,

২ করিন্হীয় 5:21

যীশু খ্রীষ্ট ইধু কনঅ পাপ্ ন-এলঅ; মাত্তর্ গোজেনে আমা পাপ্‌পানি যীশু উগুরে তুলি দিইনে তারে পাপ জাগানত্ দিলো, যেন খ্রীষ্ট সমারে মিজেইনে গোজেনর্ পবিত্রতাগান্ আমার পবিত্রতাগান্ অয়।