পত্থম 3:20 - Chakma Bible

²⁰ আদমে তা মোক্কো নাঙান দিলো হবা (যিয়েনর ভেদ্‌তান “জীংকানি”), কিত্তে তে বেক্‌ জেদা মানুচ্চুনোর মা অবঅ।

পত্থম 3:20 ပူးပေါင်းရင်းမြစ်များ

পত্থম 16:11

তে তারে আরঅ কলঅ, “চাহ্‌, তুই পিদিলী ওইয়োচ্‌। তর্‌ এক্কো পুয়ো অবঅ। আর সে পুয়োবোর নাঙান্‌ তুই ইশ্মায়েল (যিয়েনর্‌ ভেদ্‌তান্ ‘গোজেনে শুনে’) রাগেবে, কিত্তে তর্‌ দুঘোর্‌ কানানিগান লগেপ্রভু কান্‌ পাত্যে।

পত্থম 2:20

তে বেক্‌ ঘোর্‌‌বো আর ঝাড়্‌বো য়েমানুন্ আহ্ আগাজ পেক্কুনোর নাঙানি দিলো, মাত্তর্ সিগুনো ভিদিরে সে মানুচ্চোর্‌ কনঅ যোগাজ্যে মিলে সমাজ্যে দেগা ন-গেলঅ।

পত্থম 2:23

তারে দেগিনে আদমে কলঅ, “এবেরা ওইয়্যে। ইবে হাড়্-য়েরাগান মর্‌ হাড়্-য়েরালোই বানেইয়্যে। মরদ মান্‌জ্যর কিয়্যে ভিদিরেত্তুন্ তুলি নেযা ওইয়্যে বিলি ইবেরে মিলে কূয়া অবঅ।”

পত্থম 3:21

আদম আর তা মোক্কোত্তে লগেপ্রভু গোজেনে য়েমান চাম্‌বোই পোজাক্‌ বানেইনে তারারে উরেই দিলো।

পত্থম 35:18

মাত্তর্‌ রাহেলে মুরি গেলঅ। মুরি যেবার অক্তত্ তে পুয়োবো নাঙান রাগেল বিনোনী (যিয়েনর্ ভেদ্‌তান্ “মঅ দুঘোর্‌ পুয়ো”)। মাত্তর্‌ তা বাপে তা নাঙান্‌ রাগেল বিন্যামীন (যিয়েনর্ ভেদ্‌তান্ ভাগ্যত্তে পুয়ো)।

পত্থম 5:29

তে কলঅ, “আমার বেক্‌ কামানির্‌ ভিদিরে, আজল্‌কধা লগেপ্রভু মাদিগানরে অভিশাব দেনার পরেদি সিয়েন উগুরে আমার যে কামানি গরা পরে সিয়েনি ভিদিরে এ পুয়োবো আমারে সান্তনা দিবো।” ইয়েন কোইনে তে তা নাঙান্‌ দিলো নোহ।

যাত্রা 2:10

পুয়োবো দাঙর্‌ অনার্‌ পরেদি মিলেবো তারে ফরৌণ ঝিবো ইধু নেযেল, আর তে তারে নিজোর্‌ পুয়ো ইজেবে মানি ললঅ। তে কলঅ, “তারে মুই পানিত্তুন্‌ তুলি আন্যং।” সেনত্তে তে তার্ নাঙান্‌ রাগেল মোশি।

মথি লেখ্যে গম্ হবর্ 1:21

তুই তা নাঙান্ যীশু রাগেবে, কিত্যে তে তা মানুচ্চুনোরে তারার্ পাপত্তুন্ উদ্ধোর্ গুরিবো।”

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

প্রেরিত্‌ 17:26

তে এক্কো মান্‌‌‌জ্যত্তুন্ বেক্‌ জাদর্ মানুচ্চুন বানেয়্যে যেন তারা গোদা পিত্‌থিমীগানত্ বজত্তি গরন্। তারা কক্কে কুধু বজত্তি গুরিবাক্ সিয়েন্অ তে ঠিগ্ গুরি দিয়্যে।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

১ তীমথিয় 2:13

কিয়া পত্তমে আদমরে আর যেরেদি হবারে সৃট্টি গরা ওইয়্যে।

১ শমূয়েল 1:20

সেক্কে হান্না পিদিলী অলঅ আর অক্তবো অলে তার এক্কো পূঅ অলঅ। “মুই লগেপ্রভুর ইত্তুন্‌ তারে চেই নেযেয়োং,” ইয়েন কোইনে হান্না পূঅবোর নাঙান্‌ রাগেল শমূয়েল।