পত্থম 3:17 - Chakma Bible

¹⁷ পরেদি তে আদমরে কলঅ, “যে গাজ্‌চো গুলোগুন হেবাত্তে মুই মানা গোজ্যং তুই তঅ মোগো কধা শুনিনে সিগুন হেইয়োচ্‌। সেনে তত্ত্যে মাদিগান অভিশাব্ পেলঅ। সারা জীংকানিবর্‌ অমকদ দুঘো কামগুরিনে তে তুই মাদি উগুরে খেত-খেত্তি হেই পেবে।

পত্থম 3:17 ပူးပေါင်းရင်းမြစ်များ

পত্থম 3:11

সেক্কে লগেপ্রভু গোজেনে কলঅ, “তুই যে লাংদা-বাংদা সে কধাগান কন্না তরে কোইয়্যে? যে গাজ্‌চো গুলোগুন হেবাত্যে মুই তরে মানা গোজ্যং সিগুন কি তুই হেইয়োচ্‌?”

পত্থম 3:18

তত্ত্যে মাদিত্‌ কাদাগাছ আর হের্‌ উদিবো, মাত্তর্ তঅ হানা অবদে ক্ষেদর্ গুলোগুলিগুন।

পত্থম 3:6

মিলেবো যেক্কে বুঝি পারিলো, গাজ্‌চো গুলোগুন্‌ খাদে সুয়োত্ অবাক্ আর সিগুন চাদেয়ো দোল্‌ আহ্ সিয়েনবাদে জ্ঞান পেবাত্যে আওজ্ গরেদে মনঅ আঘে, সেক্কে তে কয়েক্কো গুলো পাড়িনে হেলঅ। সে গুলোগুন তে তা নেক্কোরেয়ো দিলো আর তা নেক্কোয়ো সিগুন হেলঅ।

পত্থম 5:29

তে কলঅ, “আমার বেক্‌ কামানির্‌ ভিদিরে, আজল্‌কধা লগেপ্রভু মাদিগানরে অভিশাব দেনার পরেদি সিয়েন উগুরে আমার যে কামানি গরা পরে সিয়েনি ভিদিরে এ পুয়োবো আমারে সান্তনা দিবো।” ইয়েন কোইনে তে তা নাঙান্‌ দিলো নোহ।

পত্থম 8:21

লগেপ্রভু সে উৎসর্বর বাজ্‌ পেইনে হুজী অলঅ আর মনে মনে কলঅ, “মান্‌জ্যর কারনে আর কনদিন্‌ মুই মাদিগানরে অভিশাব্ ন-দিম, কিত্তে চিগোনত্তুন্ ধুরি দঅ-মান্‌জ্যর মনানি ভান্ন্যেয়ন্দি। এবেরা যেবাবোত্যে মুই বেক্‌ জেদা পরান্‌বলাগুনোরে‌‌ শেজ্ গোজ্যং সেবাবোত্যেগুরি আর কনদিনঅ ন-গুরিম।

ইয়োব 14:1

মিলে পেদত্‌ জোর্মেয়্যে মানুচ্চুনোর্‌ জিংকানি কয়েকদিনোর্‌, আর সিয়েন্‌ দুঘে ভরা।

ইয়োব 21:17

আজলে কি শদানুনোর্‌ পহ্‌রান্‌ মুরি যেবগোই? কদকবার্‌ বা তারা উগুরে দযা এবঅ? কদকবার গোজেনে রাগে তারারে সাজা দিবো?

গীতসংহিতা 127:2

তুমি মিজে মিজে হানা যোগেবাত্তে কাম্ গুরিবাত্তে বেন্যেপোত্যে উদো আর দেরি গুরি ঘুমেবাত্তে যঅ; মাত্তর্ লগেপ্রভু যিগুনোরে কোচ্‌পায় তারা যেক্কেনে ঘুম্ যান সেক্কেয়ো তে তারার দর্‌কারানি যোগেই দে।

উপদেশক 2:11

তো মুই যিয়েনি গোজ্যং আর যিয়েনি পেবাত্তে কাম্ গোজ্যং সিয়েনি যেক্কে মুই চেলুং সেক্কে দেগিলুং বেক্কানি বাহ্‌জে। ইয়েনি বেক্কানি বোইয়্যের পিজেদি লড়ানা বাদে আর কিচ্চু নয়। বেলান তলেদি কনঅ কিজুত্ লাভ্ নেই।

উপদেশক 2:17

সেনত্তে মুই মঅ জিংকানিগান্ ঈচ্ গরা ধুরিলুং, কিত্তে বেলান তলেদি যে কামানি গরা অয় সিয়েনি মইদু দুঘোর্ কধা বিলিনে মনে অলঅ-ইয়েনি বেক্কানি বাহ্‌জে, বোইয়্যের পিজেদি দাবা দেনা বাদে আর কিচ্চু নয়।

উপদেশক 5:17

হাঙেলেত্যে, যন্ত্রণা আর রাগ্‌কোই সারা জিংকানিবর্ তে আন্ধারত্ কাদায়।

মথি লেখ্যে গম্ হবর্ 22:12

এক্কো মানুচ্ মেলা কাবড়্ ন-পিনিনে সিধু এচ্চ্যে। রাজা তারে পুযোর্ গুরিলো, ‘সমাজ্যেবো, মেলা কাবড়্ ন-পিনিনে কেধোক্ক্যেন্ গুরি ইধু সুমিলে?’ তে ইয়েনর্ কনঅ জোব্ দি ন-পারিলো।

মথি লেখ্যে গম্ হবর্ 25:45

“জোবত্ তে তারারে কবঅ, ‘মুই তমারে ঘেচ্চেকগুরি কঙর্, তুমি যেক্কে এই সামান্য মানুচ্চুনো ভিদিরে কনঅ একজনত্তে সিয়েন্ ন-গরঅ সেক্কে সিয়েন্ মত্তেয়ো ন-গরঅ।’ ”

লূকে লেখ্যে গম্ হবর্ 19:22

সেক্কে তে তারে কলঅ, তুই পাজি চাগর্ ! তঅ মুয়ো কধালোই মুই তর্ বিচের্ গুরিম্। তুই দঅ কোই পারচ্, মুই আঘাত্যে মানুচ্; যিয়েন্ ন-থুবাং সিয়েন লোই থাং আর যিয়েন ন-লাগাং সিয়েন্ কাবং।

যোহন 16:33

মুই তমারে ইয়েনি বেক্কানি কলুং যেন তুমি মঅ সমারে আঘঅ কিনেই মনত্ শান্তি পঅ। এ জগদত্ তুমি কষ্ট আর চাপ মুয়োত্ আঘ, মাত্তর্ সাহচ্‌ ন-আরেইয়ো; মুয়ই জগদ্‌তানরে জয় গোজ্যং।”

রোমীয় 3:19

আমি কোই পারিই মোশির্ রীদি-সুদোম তারাত্যে যিগুনে সেই রীদি-সুদোমর্ অধীন। সেনত্তে যিহূদী- অযিহূদী কারর্ কিচ্চু কবার্ নেই, বেক্ মানুচ্চুন্ গোজেন ইধু দুষি ওই আঘন্।

ইব্রীয় 6:8

মাত্তর্ যে মাদিগানে কাদা-ঝুপ্ আর কাদা লেঙেরা জর্মায় সেই মাদিগান য়েলাফেলা ওই যায় আর সিয়েনত্ অভিশাব্ পড়িবার্ দর্ থায়। যেরেদি মান্‌জ্যে সিয়েন পুড়ি ফেলান্।