পত্থম 3:15 - Chakma Bible

¹⁵ মুই তর্ আর মিলেবো ভিদিরে আর তর্ বংশ আহ্ মিলেবোরে দিইনে অবাক্কে বংশগুনো ভিদিরে শত্রুতা গুরি দিম। সেই বংশর একজনে তঅ মাঢাবো নিগুজ্ গুরি দিবো আর তুই তা টেংঅ মুরিত্‌ খুদিবে।”

পত্থম 3:15 ပူးပေါင်းရင်းမြစ်များ

পত্থম 49:17

তে অবঅ পধ সাপ, জদবদে বিষ্‌বলা সাপ; তে ঘোড়াগুনো টেঙত্‌ কুদিবো, আর ঘোড়াবাহিনীগুনে উল্যেনে পিজেন্দি পুড়িবাক্।

গীতসংহিতা 132:11

লগেপ্রভু দায়ূদো ইদু এ শমক্তান্ গোজ্যে যিয়েন তে কনদিন্‌অ ন-ভাঙিবো, “তর্ এক্কো পুয়োরে মুই তঅ সিংহাসনানত্ বোজেম্।

যিশাইয় 53:12

সেনত্তে মহৎ মানুচ্চুনো ভিদিরে মুই তারে এক্কান ভাগ্ দিম আর তে বোলিগুনো সমারে জিদেনার ফল ভাগ গুরিবো, কিত্তে তে নিজোর আওজে পরাণান্ দিয়্যে। তারে পাপীগুনো সমারে গোণা ওইয়্যে; তে ভালোক্ জনর পাপ বুয়োই নেযেয়্যে আর পাপীগুনোত্তে কোজোলী গোজ্যে।

যিশাইয় 7:14

সেনত্তে প্রভু নিজে তমা ইদু এক্কান চিহ্নো দেগেব। সিয়েন অলঅ, এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।

যিরমিয় 31:22

ও ভান্ন্যেই পধেদি যেইয়্যে মিলেবো, আর কয়দিন তুই ঘুরি বেড়েবে? মুই লগেপ্রভু পিত্‌থিমীত এক্কান নূয়ো বেপার ঘোদেয়োং, সিয়েন অলঅ, মিলেগুনে মরদরে ঘিরিবাক‍্।” ‍‍‍‍

দানিয়েল 9:26

বাষট্টি গুণ সাত বজর্ পরেদি মশীহরে মারে ফেলা অবঅ আর তার্ কিচ্ছু ন-থেবঅ। অন্য এক্কো শাজন্‌গুরিয়্যে এবঅ আর তা মানুচ্চুনে এইনে শঅরর্ আর উবোসনা-ঘরান ভস্ত গুরিবো। শেজদি পানিবান সময় এবঅ, যেরেদি যুদ্ধো চলিবো আর ভস্তর্ পর ভস্ত ঠিগ্ গুরি রাগা আঘে।

আমোষ 9:3

তারা কর্মিল মুড়োবো মাঢাত্ নিজোরে লুগেলেয়ো সিত্তুন্ মুই তারারে তোগেইনে ধুরিম। তারা মত্তুন্ সাগর তলাত্ লুগেলেয়ো সিদু তারারে কামেড়েবাত্তে মুই সাপ্‌‌‌পোরে উগুম দিম।

মীখা 5:3

সে সময়ান ন-এজানা সং লগেপ্রভু ইস্রায়েলানরে ছাড়িনে থেবঅ। পুয়ো-অদে পীড়েই তা পুয়ো-ছাগুন জর্ম দিবার পরেদি সেই শাজন্‌গুরিয়্যেবোর যে ভেইয়ুনে বন্দীদজাত্ আগন্ তারা ইস্রায়েলীয়গুনো লগে মিজেবাত্তে ফিরি এবাক্।

মথি লেখ্যে গম্ হবর্ 1:23

“এক্কো গাবুজ্যে মিলে পিদিলী অবঅ, আর তার এক্কো পুয়ো অবঅ; তা নাঙান্ রাগা অবঅ ইম্মানূয়েল।” এ নাঙানর্ অত্ত অলঅ, আমা সমারে গোজেন।

মথি লেখ্যে গম্ হবর্ 1:25

তে মরিয়মরে মোগ্ ইজেবে ললঅ, মাত্তর্ পুয়োবোর্ জর্ম ন-অনা সং তা সমারে ন-থেলঅ। পরেদি যোষেফে পুয়োবোর্ নাঙান্ যীশু রাগেল।

মথি লেখ্যে গম্ হবর্ 12:34

সাপ গুট্টিগুন! নিজে ভান্ন্যেই ওইনে কেধোক্ক্যেন্ গুরি তুমি গম্ কধা কোই পারঅ? মান্‌জ্যর্ মনানি যিয়েনিলোই ভরা থায় মুয়োনে দঅ সে কধানি কয়।

মথি লেখ্যে গম্ হবর্ 13:38

এই জগদ্‌তান ভূই, আর স্বর্গ-রেজ্যর্ মানুচ্চুন গম্ বীজি। শদান মানুচ্চুনে অলাক্ সেই শ্যামাঘাস।

মথি লেখ্যে গম্ হবর্ 23:33

সাপ দল আর সাপর বংশগুন! কেধোক্ক্যেন্ গুরি তুমি নরগর্ সাজাত্তুন্ রোক্ষ্যে পেবা?

মথি লেখ্যে গম্ হবর্ 3:7

পরেদি যোহনে দেগিলো বোউত্ ফরীশী আর সদ্দূকী বাপ্তিষ্ম লবাত্তে তাইধু এত্তন্। তে তারারে কলঅ, “সাপ গুট্টিগুন! গোজেনর্ যে সাজাগান্ লামি এজের্ সিয়েনত্তুন্ ধেই যেবার্ এ বুদ্ধিগান্ তমারে কন্না দিলো?

মার্ক 16:18

তারা আঢ উগুরে সাপ তুলি ধুরিবাক্, যুনি তারা অমকদ বিষাক্ত কিজু খান্ সালে তারার্ কনঅ ক্ষতি ন-অবঅ, আর তারা পীড়েল্যেগুনো কিয়্যেত্ আঢ্ দিলে পীড়েল্যেগুনে গম্ অবাক্।”

লূকে লেখ্যে গম্ হবর্ 1:76

পুয়োবো মর্, তরে দাঙর্ গোজেনর্ ভাববাদী কুয়ো অবঅ, কিয়া তুই তা পথ্‌তান্ ঠিগ্ গুরিবাত্তে তা আগে আগে আঢিবে।

লূকে লেখ্যে গম্ হবর্ 10:19

চঅ, মুই তমারে সাপ আর বিছে উগুরে আঢি যেবার্ খেমতা দুয়োং আর তমা শত্রু শদানর্ বেক্ বলান উগুরেয়ো খেমতা দুয়োং। কনঅ কিজুয়ে তমারে ক্ষোতি ন-গুরিবো।

লূকে লেখ্যে গম্ হবর্ 22:53

মুই পত্তিদিন তমা লগে উবোসনা-ঘরত্ এলুং, মাত্তর্ সেক্কে দঅ তুমি মরে ধুরিবাত্যে চেষ্টা ন-গরঅ। মাত্তর্ ইক্কিনে দঅ তমার ধুরিবার সময়; আন্ধারর্ খেমতা ইক্কিনে দেগা যার্।”

লূকে লেখ্যে গম্ হবর্ 24:27

ইয়েন পরেদি তে মোশির আর বেক্‌ ভাববাদীগুনোর্ লেগাত্তুন্ আরাম্ব গুরিনে গোদা পবিত্র বোইবো ভিদিরে তা নিজো পৌইদ্যেনে যিয়েনি যিয়েনি লেগা আঘে সিয়েনি বেক্কানি তারারে বুঝেই কলঅ।

যোহন 8:44

শদানে তমা বাপ্ আর তুমি তার্ পুয়ো-ছা; সেনত্তে তুমি তা আওজ্‌চান্ পুরেবাত্তে চঅ। শদানে পৌইল্যাত্তুন্ ধুরি খুনী। তে কনদিন্অ সত্যত্ বজত্তি ন-গরে, কিয়া তা ভিদিরে সত্য নেই। তে যেক্কে মিজে কধা কয় সেক্কে তে সিয়েন্ নিজোত্তুন্ কয়, কিয়া তে মিজে কধা মাদিয়্যে আর বেক্‌ মিজে কধার্ জর্ম তা ভিদিরেত্তুন্ ওইয়্যে।

প্রেরিত্‌ 13:10

“তুই শদানর্ পুয়ো আর যিয়েনি গম্ সিয়েনির শত্রু। তঅ ভিদিরে নানান্ বাবোত্যে ছলনা আর থগামি রোইয়্যে। প্রভুর উজু পধ্‌‌তানরে বেঙা গুরিবার কামান্ কি তুই কনঅ দিনঅ ন-থামেবে?

রোমীয় 16:20

শান্তিদিয়্যে গোজেনে যাদিমাদি শদানরে তমা টেঙ তলেদি ফেলেনে নিগুজ্ গুরিবো। আমা প্রভু যীশুর্ দোয়্যে তমা উগুরে থোগ্।

রোমীয় 3:13

তারার্ মুয়োনি যেন খুলো কবর ধোক্ক্যেন, জিলান্দোই তারা ছলনার্ কধা কন্। তারার্ ঠুদ্‌‌তুনো তলে যেন সাপর্ বিষ আঘে।

গালাতীয় 4:4

মাত্তর্ সময় পূরেলে পরেদি গোজেনে তা পুয়োবোরে পাধেই দিলো। সেই পুয়োবো মিলে পেদত্ জোর্মেল আর রীতি-সুদোম অধীনোত্ জিংকানি কাদেল,

ইফিষীয় 4:8

পবিত্র বোইবোত্ ইয়েনত্যে লেগা আঘেদে, তে যেক্কে স্বর্গত উদিলো, সেক্কে বন্দীগুনোরে চালেইনে নেযেল, আর তে মানুচ্চুনোরে বোউত্ দান্অ দিলো।

কলসীয় 2:15

তে আগাজর্ বেক ভান্ন্যেই শাসনগুরিয়্যে আর খেমতার্ অধিকারীগুনোর খেমতা বর্‌বাদ গোজ্জ্যে। আর এবাবোত্যেগুরি তে খ্রীষ্টর্ ক্রুশোর্ মাধ্যমে তারা উগুরে জিত্যে আর বেক্কুনো মুজুঙোত্ তারারে অসর্মান গোজ্জ্যে।

ইব্রীয় 2:18

তে নিজেই পোরোক্ষ্যে সোজ্জ্য গুরিনে দুঘ্ পেইয়্যে বিলিনে যিগুনে পোরোক্ষ্যেত্ পড়ন তারারে তে এজাল্ দি পারে।

ইব্রীয় 5:7

যিবে তারে মরণ আদত্তুন রোক্ষ্যে গুরি পারিদো সেই গোজেন ইধু যীশু এ জগদত্ থেবার অক্তত্ জোরে রঅ ছাড়িনে কানি কানি কোজোলী গোজ্জ্যে আর ভিক্ষ্যে মাক্যে। তার্ ভোক্তিগান সমারে বাধ্যতা এলঅ বিলিনে গোজেনে তার্ তবনাগান শুন্ন্যে।

১ যোহন 3:10

যিগুনে ন্যায় কামত্ নিজোরে ন-রাগান আর ভেইয়োরে কোচ্‌ ন-পান্, সিগুনে গোজেনর্ নয়। ইয়েন্দোই ফগদাং পায়, কন্না গোজেনর্ পুয়ো আর কন্না বা শদানর্ পুয়ো।

১ যোহন 3:8

যে পাপ গরানাত্ থায় তে শদানর্, কিয়া শদানে পৌইল্যাত্তুন্ ধুরি পাপ গুরি যার্। শদানর্ কামানিরে ভস্ত গুরিবাত্যে গোজেনর্ পুয়োবো ফগদাং ওইয়্যে।

১ যোহন 5:5

যিগুনে বিশ্বেজ্ গরন যীশু গোজেনর্ পুয়ো, বানা সিগুনে জগদ উগুরে জিদিবাক্।

ফগদাং পেইয়্যে 12:17

সেক্কে সেই দানপ্পো সেই মিলেবো উগুরে অমকদ রাগ গুরিলো; আর সেই মিলেবো গুট্টির বাদ্‌বাগী মানুচ্চুন্, অত্তাৎ যিগুনে গোজেনর্ উগুম পালান্ আর যীশুর শিক্ষ্যেনি ধুরি রাগান্ তারা বিরুদ্ধে তে যুদ্ধো গুরিবাত্যে গেলঅ আর দোজ্জ্যে সাগর পারত্ থিয়্যেই রলঅ।

ফগদাং পেইয়্যে 13:7

গোজেন মানুচ্চুনোর বিরুদ্ধে যুদ্ধো গুরিনে তারারে জিদিবার খেমতা তারে দিয়্যে অলঅ আর পত্তি বংশ, দেশ, ভাযা আর জাদ মানুচ্চুনো উগুরে তারে অধিকার দিয়্যে অলঅ।

ফগদাং পেইয়্যে 2:10

তুই যেদক্কানি দুঘ্ ভুগিবাত্যে যর্ সিয়েনিত্যে এক্কেনায়ো ন-দোরেচ্। শুনো, শদানে তমাত্তুন্ কয়েকজনরে যগা চেবাত্যে জেলোত্ দিবো, আর দশ দিন সং তুমি দুঘ্ পেবা। তুই মরণ সং বিশ্বেজি থেইচ্, সালে জিদেনার্ মালা ইজেবে মুই তরে জিংকানি দিম।

ফগদাং পেইয়্যে 20:10

যে তারারে ভুল্ পধেদি নেযেয়্যে সেই সদান্নোরে জ্বোল্‌জোল্যে গন্ধক পুয়োরত্ ফেলেই দিয়্যে অলঅ। সিয়েনত্ তারা উমর সং দিন-রেত্ যন্ত্রণাত্ ভুগিবাক্।