পত্থম 3:1 - Chakma Bible

¹ লগেপ্রভু গোজেনর বানেয়্যে মাদি উগুরে ঝার্‌বো পরাণবলাগুনো ভিদিরে সাপ্পো এলদে বেক্কুনোত্তুন্ চালাক্‌। এ সাপ্পো একদিন্যে সে মিলেবোরে কলঅ, “গোজেনে কি হামাক্কায় তমারে কোইয়্যে, বাগানর বেক্‌ গাজ গুলোগুন তুমি হেই ন-পারিবা?”

পত্থম 3:1 ပူးပေါင်းရင်းမြစ်များ

উপদেশক 4:10

এক্কো যুনি পড়েগোই সালে তা সমাজ্যেবো তারে তুলি পারে; মাত্তর্ হায় সে মানুচ্চো, যে পড়িলেগোই তারে তুলিবার্ কনজন ন-থান্।

যিশাইয় 27:1

সেদিন্যে লগেপ্রভু তার দর্‌গরেপারা, দাঙর্ আর খেমতাবলা তলোয়ার্‌লোই সেই বেঙা-কঙা গুরি ধেই যেইয়্যে সাপ্‌পো লিবিয়াথনরে সাজা দিবো। তে সাগরর্ সে দেবেদাবোরে কাবি ফেলেব।‍‍

মথি লেখ্যে গম্ হবর্ 10:16

চঅ, মুই হোক্ক্যে বাঘ ইধু ভেড়া ধোক্ক্যেন্ তমারে পাদাঙর্। ইয়েনত্তে সাপ ধোক্ক্যেন্ উজিয়ার্ আর কোদোর ধোক্ক্যেন্ সরল অ।

মথি লেখ্যে গম্ হবর্ 4:3

সেক্কে শদানে এইনে তারে কলঅ, “তুই যুনি গোজেনর পুয়ো অচ্ সালে এই পাত্তরুনোরে রুটি অবাত্তে কঅ।”

মথি লেখ্যে গম্ হবর্ 4:6

“তুই যুনি গোজেনর্ পুয়ো অচ্ সালে ঝাম্ দিইনে তলেদি পড়্, কিয়া পবিত্র বোইবোত্ লেঘা আঘে, গোজেনে তা দূত্তুনোরে তঅ পৌইদ্যেনে উগুম দিবো; তারা তরে আঢ্‌তোই ধুরি ফেলেবাক্ যেনে তঅ টেঙত্ পাত্তর আঘাত্ ন লাগে।”

মথি লেখ্যে গম্ হবর্ 4:9

“তুই যুনি মাদিত্ পড়িনে মরে জু জু দিইনে তর্ প্রভু বিলি স্বিগের্ গরচ্ সালে এই বেক্কানি মুই তরে দিম্।”

২ করিন্হীয় 11:14

ইয়েনত্ আমক্ অবার্ কিচ্চু নেই, কিয়া শদানেয়ো নিজোরে পহ্‌রত্ জদবদে স্বর্গদূত্ বিলিনে দেগেবার্ আজায় নিজোরে বুদুলি ফেলায়।

২ করিন্হীয় 11:3

মাত্তর্ মর্ দর্ লাগেত্যে, সেই সাপ্পো তার্ পাজি বুদ্ধি খাদেইনে যেধোক্ক্যেন্ গুরি হবারে ভুলেয়্যে সেধোক্ক্যেন গুরি খ্রীষ্ট উগুরে খাটি আর মন ভোক্তিত্তুন্ কেঅ অয়ত তমারেয়ো ভুলেইনে নেযেব।

১ পিতর 3:7

ঠিগ সেবাবোত্যে গুরি তুমি যিগুনে নেক্, তুমি বুদ্ধি বিবেচনা গুরিনে মোগো সমারে বজত্তি গরঅ। তারা তমার দুর্বল সমাজ্জ্যে, আর তারায়ো তমা সমারে গোজেনর্ দোয়্যের্ দান ইজেবে জিংকানি পেবাক্। সেনত্যে তারারে সর্মান গরঅ যেন তমার তবনাগানি লবাদোস্যে ন অয়।

ফগদাং পেইয়্যে 12:15

সেক্কে সেই সাপ্পো সেই মিলেবোর্ পিজেন্দিত্তুন্ তারে গঙারত্ ভাজেই নেযেবাত্যে তা মুয়োত্তুন্ পানি নিগিলেনেই এক্কান্ গাঙ্ সৃট্টি গুরি ফেলেল,

ফগদাং পেইয়্যে 12:9

সেক্কে সেই দাঙর্ দানপ্পোরে আর তা সমারে তা দুত্‌তুনোরে পিত্‌থিমীত ফেলেই দিয়্যে অলঅ। এই দানপ্পো অলঅ সেই পুরোনা সাব্‌পো যিবেরে দিয়াবল বা শদান্ কুয়ো অয়। তে পিথ্‌তিমীর্ বেক্‌ মানুচ্চুনোরে ভুল্ পধেদি নেযায়।

ফগদাং পেইয়্যে 20:2

তে সেই দানপ্পোরে, অত্তাৎ সেই পুরোণি সাপ্‌পোরে যিবেরে দিয়াবল আর শদান্ কুয়ো অয় তারে ধুরিনে এক আজার বজরত্যে বানিলো আর সেই সুরুঙো গাঢ্‌তোদ্ ফেলেই দিলো। পরেদি তে সিয়েনত্ তালা দিইনে তা উগুরে সীলমহ্‌র্ গুরিলো, যেনে এই এক আজার বজর্ থুম ন-অনা সং পিত্‌থিমীর জাদ্‌তুনোরে আর সেই ভুল পধেদি নেযেই ন-পারে; সে পরেদি কিজু দিনোত্যে তারে অবুচ্চ্যই ইরি দিয়্যে অবঅ।